2 Korintinkoolu 9:10 - Mandinka Bible

¹⁰ Saayiŋ, Alla meŋ ka fiifeŋ kesoo dii fiirilaa la, aniŋ meŋ ka mbuuroo dii ka a domo, ate le fanaa be ali la fiifeŋ kesoo dii la ali la ka yiriwaa, aduŋ a be ali la tiliŋo yiriwandi la le ko katiri betoo.

2 Korintinkoolu 9:10 Mawu Ofanana

1 Musa 47:19

Kana m̀ bula ŋà faa i ñaatiliŋo la, ǹ na kunkoolu ye kasaara. Ǹ na kunkoolu saŋ m̀ bulu, ka ì faliŋ m̀ ma siimaŋo la. Ntolu niŋ ǹ na bankutiiyaa bee, m̀ be naa ke la Firawoona ye joŋo le ti. Siimaŋo dii ǹ na, fo ǹ si baluu noo, ǹ kana faa. Turoo dii ǹ na, ǹ na kunku kenseŋolu kana tu.”

Kuma Kotoomaalu 11:18

Moo kuruŋo buka a halaaloo soto, bari meŋ ka kuu betoo baara, a la joo ka ke kuu kendoo le ti.

Kawandilaa 11:6

I la turoo fii soomandaa la, wulaaroo i kana i buloo laa ñoo kaŋ. Kaatu i maŋ a loŋ meŋ be beteyaa la, ñiŋ kunkoo waraŋ wo doo, waraŋ fo ì bee le be beteyaa la.

Yesaya 55:10

Samaa niŋ komboo ka jii naŋ ne ka bo saŋ fatoo bala, ì buka muruŋ santo, fo niŋ ì ye bankoo jiiboŋ. Fiifeŋolu ka faliŋ ne, ì ye yiriwaa, fo ì si kese jamaa bondi fiirilaa ye, aniŋ daañinoo, a domolaa ye.

Hoseya 10:12

Ali ali la bankulaa sene, ali ye tiliŋo fii jee, kanu bambaloo be faliŋ na ali ye le. Waatoo siita le ka nte Yaawe ñini, fo n si naa ka tiliŋo jindi ali kaŋ ko sanjoo.

Matiyu 6:1

“Ali ali hakiloolu tu, ali kana ali la diina kuwolu ke moolu ñaa la, fo ì si ali je. Niŋ ali ye wo ke, ali te joori soto la ali Faamaa bulu, meŋ be Arijana.

2 Korintinkoolu 9:12

Kaatu ka ñiŋ soorifeŋo samba Alla la moo senuŋolu ye, a ka ì dahandi ì la suuloolu to le, bari a maŋ ke wo doroŋ ti, kaatu moo jamaa le be Alla tentu la a la fanaa.

2 Korintinkoolu 9:6

Ali kana ñina ko, moo meŋ ye fiiroo domandiŋ ke, wo maarii be katiroo fanaa domandiŋ ne ke la. Bari moo meŋ ye fiiroo ke kendeke, wo maarii be katiroo ke la le kendeke.

Kalatiyankoolu 3:5

Fo Alla ye a la Nooroo dii ali la le baŋ, aniŋ ka kaawakuwolu ke ali kono, kaatu ali ka Luwaa yaamaroolu muta le, waraŋ fo a ka ì ke le, kaatu ali laata kumoo le la, ali ye meŋ moyi?

Efesusinkoolu 5:9

Kaatu kuwolu, maloo ka mennu diŋ, ì ka je beteyaa, tiliŋo aniŋ tooñaa le kono.

Filipinkoolu 1:11

Ali si faa niŋ tiliŋo la, meŋ ka daajika betoo saabu, ka bo niŋ Yeesu Kiristu la, Alla la horomoo niŋ jayiroo ye.

Filipinkoolu 4:17

M maŋ ñiŋ fo ka soorifeŋolu kaniŋ ali bulu, bari n lafita le ali la tinewo si lafaa-lafaa laalaa, ali la beteyaa kamma Alla la karoo la.

1 Tesalonikankoolu 3:12

Allamaa Alla ye ali la ñoo kanoo kafu, ali ye jarabi ñoo kanoo la, aniŋ moo koteŋolu kanoo, ko ntolu ye ali kanu ñaameŋ.

1 Tesalonikankoolu 4:10

Tooñaa le mu ko, ali ye baadiŋolu bee le kanu, mennu be Makedoniya tundoo kaŋ, bari m̀ be ali wakiilindi la ka ñoo kanu hani ka tambi nunto la.