2 Korintinkoolu 7:8 - Mandinka Bible

⁸ Hani n na wo leetari ye ali niyo kuyandi, bari m maŋ nimisa wo la. Folooto nuŋ, ǹ nimisata a la le, biriŋ ŋa a je ko, a ye ali sunundi le fo waatindiŋ.

2 Korintinkoolu 7:8 Mawu Ofanana

Niikuyaa Suukuwolu 3:32

Laa ko, a si niikuyaa saabu ñaa-wo-ñaa, a be balafaa yitandi la le a la kanu bambaloo la waroo kaŋ.

Yohana 16:6

Ŋa ñiŋ kuwolu mennu fo ali ye, wolu le ye ali sondomoolu fandi niŋ niikuyaa la.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

2 Korintinkoolu 7:11

Ali a juubee, Alla ye ali yelemandi ñaameŋ ka bo niŋ ñiŋ sunoo la: Ali hameta ka a yitandi ko, ali seneyaata le. Ñiŋ sunoo ye silaŋo le duŋ ali la, a ye a tinna ali kamfaata, a ye hamoo duŋ ali la ka je tiliŋo ye taama. Ali naata paree ka wo moo kuluu, meŋ ye kebaara kuruŋo ke. Ali ye ali faŋolu yitandi feŋo bee le to ko, ali maŋ sootaaroo soto ñiŋ kuwo to.

2 Korintinkoolu 7:12

Wo to, n na ali safoo ñiŋ leetaroo la, m maŋ a ke wo kuu jawu kelaa la kuwo kamma la, waraŋ wo kuu jawoo laata moo meŋ kaŋ. Ŋa ali safee le fo ali si a je seneyaarinke Alla ñaatiliŋo la, ali ye hamoo meŋ soto ǹ na kuwo to.

2 Korintinkoolu 7:6

Bari Alla meŋ ka moo niitoorariŋolu sabarindi, ate le ye ǹ sabarindi niŋ Titus la naa la.

2 Korintinkoolu 7:7

A maŋ ǹ sabarindi a la naa doroŋ na, bari sabarindiroo fanaa la, ali ye meŋ dii a la. Ali faamata nte la ñaameŋ, a ye wo fanaa fo ǹ ye le, aniŋ ali ka n kumboo ñaameŋ aniŋ ali ye hamoo meŋ soto n na kuwo to. Wo le naata n na seewoo kafu.

2 Korintinkoolu 7:9

Bari saayiŋ m be faariŋ seewoo la le, meŋ sababoo maŋ ke ali la sunoo ti, bari ali la tuuboo meŋ sunta wo sunoo la. Alla sonta ali la ñiŋ sunoo la le, aduŋ ǹ na ñiŋ kuwo maŋ ke bonoo ti ali ye.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.