2 Korintinkoolu 5:4 - Mandinka Bible

⁴ Baawo kabiriŋ m̀ be ñiŋ tiriliisoo kono, ǹ ka ŋuntaŋ ǹ na niitooroo kono le. M̀ maŋ lafi, ŋà ke bala kenseŋo ti, bari ǹ lafita ka feetoofata ǹ na Arijana taradulaa la. Bituŋ balajaatoo meŋ ka faa, baluwo si wo kunuŋ.

2 Korintinkoolu 5:4 Mawu Ofanana

Yesaya 25:8

A be saayaa buruka la le fo abadaa, a ye ñaajiyo fita moolu bee ñaa to, a ye a la moolu la malu kuwo bondi ñiŋ duniyaa kono. Yaawe le ye a fo.

Yesaya 38:12

Ì ye n na buŋo taa m bulu le, aduŋ ì ye a kafu ñoo ma le, ko kantarilaa la jembereŋo. Ko daarilaa ka a ke ñaameŋ, ŋa n na baluwo moromoro wo le ñaama ko bayi faanoo. N kuntuta daarilaŋ dokoo bala le ko bayoo. Suuto tili, n ka tu a miira la le ko, Maariyo be naa n na baluwo daŋ na le.

Roomankoolu 8:23

Aduŋ a maŋ ke daaroo doroŋ ti, bari ntolu faŋolu fanaa, mennu naata Nooroo soto Alla la soorifeŋ foloo ti, ǹ ka ŋuntaŋ ǹ sondomoo kono le, kaatu m̀ be waatoo batu kaŋ ne, ka ke Alla diŋolu ti, aniŋ ka balajaata kutoo soto.

1 Korintinkoolu 15:51

Ali i lamoyi, ŋa feŋ fo ali ye, meŋ be maaboriŋ kulloo kono fo saayiŋ. Ntolu bee te faa la, bari m̀ bee be yelema la le.

2 Korintinkoolu 5:2

Tooñaa, ǹ ka ŋuntaŋ jaŋ ne, aduŋ ǹ ka hame baake le ka ǹ na Arijana taradulaa duŋ,

2 Korintinkoolu 5:3

kaatu niŋ ŋà a duŋ, m̀ bala kenseŋo te loo la.

2 Pita 1:13

N na miiroo to, a beteyaata le ka ali hakiloo bulandi ñinnu la, baawo m be baluuriŋ ne hani ka bii.