2 Korintinkoolu 5:11 - Mandinka Bible

¹¹ Baawo ŋà Maariyo ñaasilaŋo loŋ ne, wo le ye a tinna ǹ ka a kata ka moolu sondi ate ma. Ntolu mu mennu ti, wo koyita Alla ma le, aduŋ n jikita ko, alitolu fanaa ye wo loŋ koyirinke ali sondomoolu kono le.

2 Korintinkoolu 5:11 Mawu Ofanana

1 Musa 35:5

Bituŋ Yaakuba niŋ a la dimbaayaa moolu taata ì la siloo la. Alla la kuwo silaŋo dunta wo dandanna saatee moolu bee la, ì maŋ haañi ka ì bayindi.

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

Yuuba 31:23

Bari n nene maŋ ñiŋ kuu siifaalu doodoo ke, kaatu n silata Alla la jarabiroo le la, aduŋ m maŋ haañi a la sembe waroo la.

Yuuba 6:4

Alla Tallaa ye m buŋ a la kalabeñoolu le la. Ì kunoo dunta n jaatoo kono. Alla ye silaŋ kuwolu le randi n kamma.

Jabuuroolu 73:19

Ì be kasaara la le waati kiliŋ, kooroo ye ì domo,

Jabuuroolu 76:7

Ite doroŋ ne mu silantaa ti. Jumaa le si i loo noo i fee, niŋ i jusoo kandita?

Jabuuroolu 90:11

Jumaa le ye i la kamfaa la waroo daŋo loŋ? I la kamfaa warata baake le, jumaa le si a loŋ noo? I ñaasilaŋo ñanta wara la ǹ kaŋ wo le ñaama.

Yesaya 19:16

Wo luŋo la Misirankoolu be muluŋ na le ko musoo, silaŋo ye duŋ ì la ka jarajara, niŋ Yaawe Alihawaa Maariyo ye a buloo teeka ì kamma.

Yesaya 33:14

Junubelaalu mennu be Siyoni, kijoo farata le. Jarajaroo dunta Alla sookilaalu la. Ì ko, “Jumaa le be ntolu kono, meŋ niŋ Yaawe la dimbaa si tara noo ñoo kaŋ? Jumaa le be ntolu kono, meŋ si tara noo dimbaa dendeŋo la, meŋ buka faa noo?”

Nahumu 1:6

A la kamfaa si kuŋ noo jumaa le to? Jumaa le si i loo noo a la jusuboo ye? A la kamfaa ka yelema naŋ ne ko dimbaa. Bere baalu ka juru ate ñaato le.

Matiyu 10:28

Ali kana sila moolu la, mennu si balajaatoo faa noo, bari ì te niyo faa noo la. Bari ali si sila Alla la, meŋ si niyo niŋ balajaatoo bee kasaara noo Jahannaba kono.

Matiyu 25:46

Bituŋ wolu si naa taa badaa-badaa yankankatoo kono, bari moo tilindiŋolu si naa taa badaa-badaa baluwo kono.”

Luka 12:5

Bari m be ali dandalaa la, ali ñanta sila la meŋ na. Ali sila Alla la, ate meŋ ye semboo soto ka ali faa, aduŋ a ye semboo soto le ka ali fayi Jahannaba kono. Ŋa a fo ali ye, ali sila Alla la!

Luka 16:31

Bituŋ Iburayima ko a ye ko, ‘Niŋ ì maŋ i lamoyi Musa niŋ annabiyomu doolu la, wo to ì te soŋ na, hani niŋ moo wulita saayaa kono.’ ”

Kiilaalu 13:43

Beŋo bandiŋ koolaa kafoo janjanta, bari Yahuudi jamaa, ì niŋ moolu mennu yelemata ka ke Yahuudoolu ti, aduŋ ì soobeeyaata ì la diinoo kono, ì kafuta Pawulu niŋ Barinabas ma. Bituŋ Pawulu niŋ Barinabas diyaamuta ì ye, aduŋ ì ka ì wakiilindi ka tu i tuukuriŋ Alla la hiinoo la.

Kiilaalu 18:13

Ì ye a tuumi ko, “Ñiŋ kewo ka moolu karandi Alla batuñaa le la, luwaa maŋ soŋ meŋ na.”

Kiilaalu 18:4

Loobula Luŋ-wo-Loobula Luŋ, Pawulu ka tara Yahuudi diina bendulaa* kono le. A niŋ ì ka kacaa, aduŋ a ka a kata le ka Yahuudoolu niŋ Jirisinkoolu sondi.

Kiilaalu 19:26

Ali ye a je le, aduŋ ali ye a moyi le fanaa, ñiŋ Pawulu ka meŋ ke. A ka moolu sondi, aduŋ a ye ì jamaa yelemandi niŋ kumoo le la ko, ‘Alla te keriŋ, meŋ dadaata niŋ buloo la.’ A la ñiŋ dookuwo maŋ daŋ Efesus dammaa to, bari a ye a ke ñiŋ Asiya tundoo bee le kaŋ.

Kiilaalu 26:26

Mansakewo ye ñiŋ kuwolu loŋ ne. N si kuwolu bee fo a ye ko ì be ñaameŋ, kaatu a koyita m ma le ko, hani kiliŋ wolu kono maŋ nukuŋ a ma. Ñiŋ kuwolu maŋ ke kulloo kono.

Kiilaalu 28:23

Kabiriŋ ì ye luŋo londi Pawulu ye, moo jamaa naata a la sabatidulaa to wo luŋo la. Bituŋ a ye seedeyaa ke ì ye Alla la mansabaayaa la kuwo to, a ye a fataŋ-fansi ì ye ka bo soomandaa la ka taa fo wulaaroo. A ye a kata ka ì sondi Yeesu la kuwo la, a ka a yitandi ì la Musa la Luwaa* niŋ annabiyomu doolu la kitaaboolu kono.

2 Korintinkoolu 2:17

A keta ñaa-wo-ñaa, ntolu buka Alla la kumoo ke safaarilaŋo ti ko moo jamaa ka a ke ñaameŋ. Ǹ ka Alla la kumoo kawandi a ñaatiliŋo le la ko moo soobeeyaariŋo ñanta a ke la Kiristu too la ñaameŋ.

2 Korintinkoolu 5:20

Wo to ntolu mu Kiristu la kiilaalu* le ti, aduŋ Alla ka a la kumandiroo ke ka bo niŋ ntolu le la. Ǹ ka ali daani Kiristu tooyaa la ka soŋ, ali niŋ Alla ye diyaa.

2 Korintinkoolu 6:1

Ntolu mennu mu Alla dookuuñoolu ti, m̀ be ali daani kaŋ kendeke, fo ali si soŋ Alla la hiinoo la. Niŋ wo nte, wo hiinoo be ke la ali ye kuu kenseŋo le ti,

Kalatiyankoolu 1:10

Saayiŋ, fo nte ka hadamadiŋolu la soŋo le ñini baŋ, fo Alla taa? Fo n ka kata le ka moolu seewondi baŋ? Niŋ n ka tu moolu la seewoo le ñini la, wo to n te ke noo la Kiristu la dookuulaa ti.

Efesusinkoolu 5:21

Ali soŋ ñoo ma Kiristu ñaasilaŋo kamma la.

Hiburunkoolu 10:31

Ka duŋ Alla baluuriŋo buloo kono, wo mu silaŋ kuu baa le ti.

Hiburunkoolu 12:29

kaatu ǹ na Alla ka muluŋ ne ko dimbaa, meŋ ka kasaaraloo ke.

Yuuda 1:23

Ali doolu kanandi, ali ì cansu naŋ ka bo dimbaa kono. Ali balafaa soto doolu ye niŋ hakilituwo la. Ali ye hani ì la sitifeŋolu koŋ, mennu be kosoriŋ niŋ junube baaroolu la.

Lankenemoo 20:15

Moo-wo-moo too maŋ safee baluwo kitaaboo kono, wo ka fayi wo dimbaa daloo le kono.