2 Korintinkoolu 4:8 - Mandinka Bible

⁸ Ì ye n toorandi ñaa-wo-ñaa, bari ì te n kasaara noo la. Ǹ tarata jaakaloo kono, bari m̀ maŋ jikilateyi.

2 Korintinkoolu 4:8 Mawu Ofanana

Jabuuroolu 129:2

Ì ye ntolu toorandi baake le, biriŋ m̀ foloodulaa, hani wo ì maŋ i kutu ǹ na de.

Jabuuroolu 37:33

Bari Yaawe te a tu la a ye a semboo taamandi a kaŋ, waraŋ ka a bula ì ye a muta kiitiyo kono.

Kuma Kotoomaalu 14:26

Moo meŋ silata Yaawe la, wo ye tankaraŋ tatoo le soto, aduŋ a be ke la a diŋolu ye tankaraŋo le ti.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 40:31

Bari moolu mennu ye ì jikoo loo Yaawe kaŋ, ì be bambaŋ kuu la le. Ì ye ke ko seeliŋo ka tii santo ñaameŋ. Ì be tara la bori la le, ì te ketu la, ì be taama la le, ì te kori la.

Habakuki 3:17

Hani niŋ sooto yiroolu maŋ firi faŋ, aduŋ diŋ te wayini* yiroolu bala, olifu* yiroolu maŋ diŋ, kunkoolu maŋ siimaŋ bondi, saajiyolu bee yeemanta saajii buŋo kono, ninsi fanaa te ninsi buŋolu kono,

Yohana 14:18

“N te ali tu la jaŋ ko baayoolu, m be naa la ali kaŋ ne.

1 Korintinkoolu 10:13

Alitolu maŋ marisa kuwo soto, meŋ maŋ dali ke la hadamadiŋo la. Alla tilinta le, aduŋ a te soŋ na ali ye marisa ka tambi, ali te meŋ muña noo la. Bari niŋ ali marisata, a be kana siloo dii la ali la le, fo ali si a muña noo.

2 Korintinkoolu 12:10

Kiristu la kuwo kamma la, n wasata n na sembentaŋyaa kono le, nendiroolu, koleyaa kuwolu, toora kuwolu aniŋ bataa kuwolu, kaatu niŋ n sembentaŋyaata tumoo meŋ na, n ka bambaŋ ne.

2 Korintinkoolu 6:12

ali ye le, bari alitolu sondomoolu be deteriŋ ntolu ye le.

2 Korintinkoolu 6:4

Bari kuwolu bee kono, ǹ ka m̀ faŋolu yitandi le ko Alla la dookuulaalu. Ntolu ka wakiili tooroolu kono le, bataalu, niikuyaalu niŋ

2 Korintinkoolu 7:5

Hani biriŋ ǹ naata Makedoniya tundoo kaŋ, m̀ maŋ dahaa soto hani domandiŋ, bari tooroo siifaa bee le laata ǹ kaŋ. Keloo be ǹ ye banta, silaŋo tarata ǹ sondomoo kono.

Kalatiyankoolu 4:20

N hameta baake ka tara ali fee saayiŋ, fo n si dahaa ñiŋ diyaamuñaa koleŋo la, kaatu m maŋ a loŋ m be ali la kuwo ke la ñaameŋ.

1 Samuweli 28:15

Samuweli ko Sawulu ye ko, “Muŋ ne ye a tinna, i ye m batandi, ka n kumandi naŋ?” Sawulu ko a ye ko, “M be bataa baa le kono. Filisitinkoolu ye m maa keloo le la, aduŋ Alla ye a koo dii n na le. A buka n danku kotenke niŋ a la annabiyomoolu la, waraŋ siiboolu. Bituŋ n ko, ŋa ite kumandi, fo i si m maakoyi. A fo n ye, m be meŋ ke la.”

1 Samuweli 30:6

Dawuda tarata niitoora baa le kono, kaatu kewolu ka ñiŋ ne fo ko, “Ali ŋà a buŋ.” Ì bee niyo kuyaata le, kaatu ì maŋ ì diŋolu je. Bari Dawuda ye a jikoo loo Yaawe* le kaŋ, a la Alla.

1 Samuweli 31:4

Sawulu ko a la kelejooraŋ sambalaa ye ko, “I la hawusaroo* saba naŋ, i ye m faa. Niŋ wo nte, ñiŋ moo sunnabaloolu be n soo la le, aduŋ ì be tuluŋ na m furewo la le.” Bari kelejooraŋ sambalaa maŋ haañi ka wo ke. Wo to le Sawulu ye a fansuŋ hawusaroo londi, a ye a faŋ fayi a kaŋ.