2 Korintinkoolu 4:11 - Mandinka Bible

¹¹ Ntolu la ñiŋ baluwo kono, waati-wo-waati ǹ ka tara saayaa maasiiboo le kono Yeesu la kuwo kamma la, fo a la baluwo si yitandi m̀ baloolu kono, mennu mu saayaa taa ti.

2 Korintinkoolu 4:11 Mawu Ofanana

Jabuuroolu 141:7

Komeŋ niŋ moo ye bankoo sene a ka a yelemandi ñaameŋ ka beroolu bondi, ì kuloolu be tara la janjandiŋ kaburu daala wo le ñaama.

Jabuuroolu 44:22

Ite la kuwo le ye a tinna ǹ ka tu faa la, ǹ keta le ko saajiyolu mennu ñanta kanateyi la.

Roomankoolu 8:11

Alla meŋ ye Yeesu wulindi ka bo saayaa kono, ate le ye a la Nooroo dii ka sabati alitolu kono. Wo to ate meŋ ye Kiristu Yeesu wulindi ka bo saayaa kono, a be baluwo dii la ali balajaatoolu la le ka bo niŋ a la Nooroo la, meŋ be ali kono.

Roomankoolu 8:36

Ǹ na kuwo be le ko a be safeeriŋ ñaameŋ: “Ite la kuwo le ye a tinna ì ka tu m̀ faa la, ì ka ǹ ke ko saajiyolu mennu ñanta kanateyi la.”

1 Korintinkoolu 15:31

Baadiŋolu, ŋa n kali alitolu la kuwo la, meŋ mu n ye kibiri kuwo ti m̀ Maarii Kiristu Yeesu ñaatiliŋo la ko, n ka saayaa je le luŋ-wo-luŋ.

1 Korintinkoolu 15:49

Baawo ǹ wuluuta wo moo sawuroo le la, meŋ dadaata niŋ bankumunkoo la, wo to m̀ be moo fanaa sawuroo soto la le, meŋ bota naŋ Alla yaa.

2 Korintinkoolu 4:10

Ǹ na tooroo kono, m̀ balajaatoo ka Yeesu la saayaa le duni fo a la baluwo fanaa si je noo m̀ bala.

2 Korintinkoolu 4:12

Wo kamma la, saayaa le be dookuwo ke kaŋ ntolu kono, baluwo le be dookuwo ke kaŋ alitolu kono.

2 Korintinkoolu 5:4

Baawo kabiriŋ m̀ be ñiŋ tiriliisoo kono, ǹ ka ŋuntaŋ ǹ na niitooroo kono le. M̀ maŋ lafi, ŋà ke bala kenseŋo ti, bari ǹ lafita ka feetoofata ǹ na Arijana taradulaa la. Bituŋ balajaatoo meŋ ka faa, baluwo si wo kunuŋ.

2 Korintinkoolu 6:9

Ì ka m̀ muta moolu ti, mennu la kuwo maŋ loŋ, bari ǹ darajoo janjanta, waraŋ ko moolu mennu sutiyaata saayaa la, bari m̀ be baluuriŋ ne, waraŋ ko moolu, kuluuri koleŋo laata mennu kaŋ, bari m̀ maŋ foo ǹ niyo la.