2 Korintinkoolu 2:14 - Mandinka Bible

¹⁴ Ŋa Alla tentu, meŋ ka ntolu kenkeŋ Kiristu kono waati-wo-waati ko kelejawaroo ka a la moolu kenkeŋ ñaameŋ, niŋ a ye nooroo ke. M̀ be le fanaa ko cuuraayi seeroo, baawo ka bo niŋ ntolu la, londoo a la kuwo to ka janjaŋ daa-wo-daa.

2 Korintinkoolu 2:14 Mawu Ofanana

Jabuuroolu 106:47

Hee Yaawe ǹ na Alla, m̀ bondi mutoo kono, ǹ seyindi ka bo banku koteŋolu kaŋ, fo ǹ si i tentu i too la kuliyaa kaŋ, aduŋ ǹ si jusulaa ka i jayi.

Jabuuroolu 148:14

A ye semboo dii a la moo tilindiŋolu la le, meŋ keta a la moolu ye horomoo ti, wo le mu Banisirayilankoolu ti, mennu sutiyaata a la. Ali Yaawe jayi.

Suukuwo 1:3

I la tulu seeralaa diyaata ñaameŋ! I too janjanta ko karabaanijiyo meŋ bonta, wo le ye a tinna sunkutoolu ye i kanu.

Esekiyeli 20:41

Niŋ ŋa ali bo naŋ janjandiŋ bantala bankoolu kaŋ, aduŋ ŋa ali kafu ñoo ma ali fansuŋ bankoo kaŋ, ali la kuwo be n seewondi la le, ko cuuraayi seera diimaa ka n seewondi ñaameŋ. Aduŋ bantala banku moolu bee be a seedeyaa la le ko, nte le mu Yaawe ti meŋ jankuta.

Yohana 16:33

Ŋa ñiŋ kuwolu fo ali ye le fo ali si kayiroo soto nte kono. Ali ka niikuyaa soto duniyaa kono le, bari ali ali jusoo bambandi, kaatu nte ye duniyaa noo le.”

Roomankoolu 1:8

Foloo-foloo, ŋa n na Alla tentu ka bo niŋ Yeesu Kiristu la ali la kuwo kamma la, kaatu ali la lannoo kibaaroo ye duniyaa bee le beŋ.

Roomankoolu 15:19

taamanseeroolu niŋ kaawakuwolu, aniŋ ka bo Alla la Nooroo semboo la. N taata ka bo Yerusalaamu saatewo to fo Illirikumu tundoo kaŋ. Ŋa Kiristu la kibaari betoo kawandi daa-wo-daa,

Roomankoolu 6:17

Bari tenturoo be Alla ye, kaatu alitolu mennu mu junuboo la joŋolu ti nuŋ, ali naata ñiŋ karandiroo muta ali sondomoo bee la, meŋ diita ali la.

Roomankoolu 8:37

Bari ñiŋ kuwolu bee kono, ǹ na kuwo tambita noorilaalu faŋo la le, ka bo niŋ ate la, meŋ ye ǹ kanu.

1 Korintinkoolu 12:8

Moo doo ye ñaameŋo kumoo le soto ka bo niŋ Nooroo la, doo ye londoo kumoo soto ka bo niŋ wo Noora kiliŋo la.

1 Korintinkoolu 15:37

Aduŋ ì ye meŋ fii, a maŋ ke wo kesoo faŋo ti meŋ ka faliŋ. Tumandoo a mu wiiti* siimaŋ kesoo le ti, waraŋ kese doo.

1 Korintinkoolu 15:57

Bari tenturoo be Alla le ye, meŋ ye nooroo dii ǹ na ka bo niŋ m̀ Maarii Yeesu Kiristu la.

2 Korintinkoolu 1:11

Ali la duwaalu fanaa ka m̀ maakoyi. Bituŋ moo jamaa be tenturoolu dii la Alla la hiinoo to, a ye meŋ dii ǹ na ka wo duwaalu bee jaabi.

2 Korintinkoolu 8:16

Tenturoo be Alla ye, meŋ ye ñiŋ hame kiliŋo ŋa meŋ soto, dundi Titus sondomoo kono ka ali la kuwo topatoo.

2 Korintinkoolu 9:15

Tenturoo be Alla ye a la soorifeŋo to, meŋ maŋ ñoŋo soto.

Efesusinkoolu 5:2

Ali taama kanoo kono, ko Kiristu* ye ǹ kanu ñaameŋ, fo a ye a faŋo dii ǹ na sadaa* ti, meŋ seeroo diyaata Alla ye.

Efesusinkoolu 5:20

Kuu-wo-kuu to, ali si tenturoo dii Alla la, m̀ Faamaa, m̀ Maarii Yeesu Kiristu too la.

Filipinkoolu 4:18

Ŋa a seedeyaa ko, ŋa feŋo bee soto le, ŋa jamaa baa le soto. Ali la ñiŋ soorifeŋolu, Epaforoditus ye mennu samba naŋ, ì tambita n na suuloolu la le, aduŋ n wasata le. Ì keta ko sadaa* seera feŋ diimaa meŋ ka Alla seewondi.

Kolosankoolu 1:23

Wo be ke la le, niŋ ali foroyaata lannoo kono, aduŋ ali ye bambaŋ wakiiloo kono fo ali kana ali la jikoo bula kibaari betoo la kuwo to, ali ye meŋ moyi nuŋ. Ñiŋ kibaari betoo kawandita duniyaa bee le ye, aduŋ nte Pawulu naata ke wo le dookuulaa ti.

Kolosankoolu 1:6

Ñiŋ kibaaroo futata ali ma le ko a futata duniyaa tonkoŋ naanoo bee to ñaameŋ, ka diŋ betoo diŋ, aniŋ ka yiriwaa. A keta wo le ñaama alitolu kono ka bo wo luŋo faŋo la, ali ye a moyi le ka a fahaamu, meŋ mu Alla la hiinoo ti tooñaa kono.

Kolosankoolu 2:15

Ka bo niŋ wo siloo la, a ye maralilaalu niŋ sembetiyolu la kelejooraŋolu buusi ì bulu le, a ye ì bee malundi kenebaa to, kaatu a ye ì noo ka bo niŋ Kiristu la yiribantambiloo le la.

1 Tesalonikankoolu 1:8

Ka bo alitolu la Maariyo la kumoo naata futa dulaalu bee to. A maŋ ke Makedoniya niŋ Akaya doroŋ ti, bari moolu ye a loŋ ne daa-wo-daa, ali ye lannoo meŋ soto Alla la kuwo to. Wo to, a maŋ jari ntolu ye feŋ fo wo to,

1 Tesalonikankoolu 3:9

Ǹ si muŋ tenturu siifaa le dii noo Alla la ali la kuwo to? Ǹ te a tentu noo la a ñaama wo seewoo to, ŋà meŋ soto ali la kuwo to a ñaatiliŋo la.

1 Timoti 2:8

Wo to, niŋ Kiristu la kafoo moolu benta daa-wo-daa, n lafita le, kewolu si ì bulu senuŋolu wulindi santo ka duwaa, kamfaabaliyaa niŋ soosooribaliyaa kono.

2 Timoti 2:2

I ye kuwolu mennu moyi nte la seede jamaa ñaatiliŋo la, i si wolu dii moolu la mennu tilinta, aduŋ ì si moo koteŋolu karandi noo fanaa.

Lankenemoo 7:12

Ì be a fo kaŋ ko: “Amiin! Jayiroo niŋ tenturoo, ñaameŋo, kallankeeyaa* niŋ horomoo, semboo niŋ waroo bee be ǹ na Alla le ye, fo abadaa. Amiin!”