1 Yohana 5:3 - Mandinka Bible

³ Ka Alla kanu, wo mu ka a la yaamaroolu muta, aduŋ a la yaamaroolu maŋ koleyaa.

1 Yohana 5:3 Mawu Ofanana

2 Mansoolu 18:6

A ye Yaawe la kuwo muta a bulu fuloo la le, aduŋ a maŋ bo a la siloo nooma. A ye yaamaroolu muta le, Yaawe ye mennu dii ka bo niŋ Musa la.

Jabuuroolu 119:140

I la laahidoo mu lanna kuwo le ti, aduŋ nte meŋ mu i la dookuulaa ti, ŋa a kanu le.

Jabuuroolu 119:45

M be tara la baluuriŋ firiŋo le kono, kaatu ŋa a kata le ka i la luwaalu muta.

2 Musa 20:6

Bari n ka kanu bambaloo yitandi jamaani wuliwuloolu moolu la le, mennu ye n kanu, aduŋ ì ye n na yaamaroolu muta.

Kuma Kotoomaalu 3:17

A la siloolu diyaata le, aduŋ ì bee ka ke kayira siloolu le ti.

Daniyeli 9:4

N duwaata le ka Yaawe daani, n na Alla, aduŋ ŋa a yitandi le ko, n niŋ n na moolu ye junuboo le ke. N kumata ko: M Maarii Alla, meŋ ñaasilaŋo warata, i ka kambeŋo niŋ kanu bambaloo muta moolu ye le, mennu ye i kanu, aduŋ ì ka i la yaamaroolu muta.

Mika 6:8

Ite hadamadiŋo, Yaawe ye a fo i ye le, meŋ mu kuu kendoo ti, aduŋ a ye meŋ kaniŋ i bulu, wo le mu, ka tooñaa taamandi, ka beteyaa kanu, aniŋ ka bula Alla nooma, i Maarii, fammajiyo kono.

Matiyu 23:4

Ì ka duni kuliŋolu le siti, ì ye ì landi moolu sañoolu kaŋ, mennu samboo maŋ diyaa. Bari ì faŋolu buka wo dunoolu maa hani ì bulukondiŋolu la.

Yohana 14:15

“Niŋ ali ye nte kanu, ali be n na yaamaroolu muta la le.

Yohana 15:10

Niŋ ali ye n na yaamaroolu muta, ali be tu la n na kanoo kono le, ko nte fanaa ye m Faamaa la yaamaroolu muta ñaameŋ, n tuta a la kanoo kono.

Yohana 15:14

Ŋa ali yaamari meŋ na, niŋ ali ye wo ke, ali mu n teeroolu le ti.

Roomankoolu 7:12

Wo to, Luwaa seneyaata le, aduŋ yaamaroo fanaa seneyaata le, a tilinta, aduŋ a beteyaata le.

Roomankoolu 7:22

N sondomoo kono, ŋa Alla la Luwaa kanu le,

5 Musa 5:10

Bari n ka kanu bambaloo yitandi jamaani wuliwuloolu moolu la le, mennu ye n kanu, aduŋ ì ye n na yaamaroolu muta.

5 Musa 7:9

Wo to ali si ñiŋ loŋ ko, Yaawe ali la Alla dammaa le mu Alla ti, meŋ foroyaata, aduŋ a ka kambeŋo muta, a niŋ moolu ye meŋ siti. Ate le ka kanu bambaloo yitandi jamaani wuliwuloo moolu la mennu ye a kanu, aduŋ ì ka a la yaamaroolu muta.

Hiburunkoolu 8:10

“M be kambeŋ kutoo meŋ siti la n niŋ Banisirayila teema, niŋ wo luŋolu tambita, a be ke la ñiŋ ne ti: M be n na yaamaroolu ke la ì hakiloolu kono le, ŋa ì safee ì sondomoolu bala. M be ke la ì la Alla le ti, aduŋ ì be ke la n na moolu le ti.” Maariyo le ye a fo.

1 Yohana 2:3

Niŋ ŋà a la yaamaroolu muta, wo to ǹ dankeneyaata le ko, ŋà ate loŋ ne.

2 Yohana 1:6

Aduŋ ñiŋ ne mu kanoo ti ko, ŋà m̀ Faamaa la yaamaroolu muta. Yaamaroo, ali ye meŋ moyi kabiriŋ foloodulaa to, wo le mu ka taama kanoo kono.