1 Yohana 5:14 - Mandinka Bible

¹⁴ Aduŋ ŋà ñiŋ dankeneyaa le soto ate kono ko, niŋ ŋà feŋ-wo-feŋ daani ka bo a la lafoo la, a ka m̀ moyi le.

1 Yohana 5:14 Mawu Ofanana

1 Mansoolu 3:12

Saayiŋ ŋa a ke le ko i la kumoo ye a yitandi ñaameŋ. Tooñaa, saayiŋ ŋa ñaameŋo dii i la le ka kuwolu bo ñoo to, moo nene maŋ meŋ ñoŋo soto, aduŋ moo nene te a ñoŋo soto la ko ite.

Yuuba 34:28

Ì ye fuwaaroolu kumbondi a ñaatiliŋo la, fo a ye moo toorariŋolu woosii kaŋo moyi.

Jabuuroolu 145:19

A ka moolu bee la suuloo timmandi le, mennu ye a kuliyaa. A ka ì la woosiyolu moyi le, a ye ì tankandi.

Jabuuroolu 31:22

N na jaakaloo kono, ŋa a miira le ko, n wafatita i ñaa koto le. Bari i ye n kumboo kaŋo moyi le, kabiriŋ ŋa i daani ka balafaa n ye.

Jabuuroolu 34:17

Niŋ moo tilindiŋolu woosiita Yaawe ye, ì ye a daani maakoyiroo la, a ka ì danku le, aduŋ a ka ì kiisa ì la mantooroolu bee le kono.

Jabuuroolu 69:33

Yaawe ka i lamoyi moolu la le mennu be sotobaliyaa daa to, aduŋ a buka a ñaa kaasi a la moolu la, mennu be mutoo kono.

Kuma Kotoomaalu 10:24

Moo kuruŋo silata kuwo meŋ na, a be bula la a kono le, bari moo kendoo ye meŋ ŋaniya, wo le be ke la a ye.

Kuma Kotoomaalu 15:29

Yaawe ka jamfa moo jawoolu la le, bari a ka moo kendoolu la duwaa jaabi le.

Yeremiya 33:3

“N kumandi, m be i danku la le, m be kuu baalu fo la i ye le mennu be nukundiŋ, i maŋ ì loŋ.

Matiyu 21:22

Aduŋ ali ye feŋ-wo-feŋ daani duwaa kono, ali be a soto la le, niŋ ali ye lannoo soto.”

Yohana 11:42

Ŋa a loŋ ne ko, ite ka m moyi le waati-wo-waati, bari ŋa ñiŋ fo moolu le la kuwo kamma, mennu be looriŋ jaŋ, fo ì si laa ko, ite le ye n kii.”

Yohana 14:13

Ali ye feŋ-wo-feŋ daani nte too la, m be a ke la ali ye le, fo Faamaa la semboo niŋ waroo si yitandi ka bo niŋ Dinkewo la.

Yohana 15:7

Niŋ ali tuta nte kono, aduŋ n na kumoolu tuta ali kono, ali ye kuu-wo-kuu daani, ali lafita meŋ na, a be ke la ali ye le.

Yohana 16:24

Hani saayiŋ ali maŋ kuu-wo-kuu le daani nte too la. Ali a daani, aduŋ ali be a soto la le, fo ali la seewoo si timma.

Yohana 9:31

Ŋà a loŋ ne ko, Alla buka junubekelaa lamoyi. Bari a ka moo le lamoyi, meŋ ye Alla ñaasilaŋo soto, aniŋ meŋ ka a la lafoo ke.

Efesusinkoolu 3:12

A la kafuñooyaa kono, ŋà fatiyaa niŋ dankeneyaa soto ka bo niŋ lannoo la, ka naa Alla kaŋ.

Hiburunkoolu 10:35

Wo to, ali kana ali la jiki baa fayi, meŋ ye tinee baa soto.

Hiburunkoolu 3:14

M̀ be ke la niisotolaalu le ti Kiristu fee, niŋ ǹ loota bambandinke ǹ na dankeneyaa kono fo labandulaa to, ko m̀ be ñaameŋ biriŋ foloodulaa to.

Hiburunkoolu 3:6

Bari Kiristu* mu Dinkewo le ti, aduŋ a foroyaata Alla ma le, meŋ ye a la dimbaayaalu bee karafa a ma. Ntolu mu a la dimbaayaalu le ti, niŋ ǹ tuta bambandiŋ dankeneyaa niŋ jikoo kono, ǹ ka kibiri meŋ na.

Yankuba 4:3

Ali ka daaniroo ke, bari ali buka a soto, kaatu ali la daaniroo maŋ tiliŋ, ali ka a ke ali la niidiyaa kuwolu le kamma.

Yankuba 5:16

Wo kamma la, ali i tuubiseyi ali la junuboolu la ñoo ye, aduŋ ali si duwaa ñoo ye, fo ali si kendeyaa. Moo tilindiŋo la duwaa ye sembe baa le soto.

1 Yohana 2:28

Saayiŋ, n na dindiŋolu, ali sabati Yeesu Kiristu kono. Wo to le, niŋ a muruta naŋ, ǹ si dankeneyaa soto ka loo a ñaatiliŋo la, aduŋ ǹ te malu la.