1 Yohana 3:20 - Mandinka Bible

²⁰ Wo kamma la, niŋ ǹ sondomoolu ye ǹ tuumi, ǹ si a loŋ ko, Alla le warata ǹ sondomoolu ti, aduŋ ate ye kuwolu bee le loŋ.

1 Yohana 3:20 Mawu Ofanana

Yuuba 27:6

M be n na tooñaa le muta la, a ye bambaŋ kat, n te a bula la muk. N sondomoo nene maŋ n jalayi dooto m baluu tiloolu kono.

Yuuba 33:12

Bari m be a fo la i ye ko, i maŋ tooñaa fo i la ñiŋ kumoo foo to. Alla le warata ka tambi hadamadiŋo la.

Jabuuroolu 90:8

I ye ǹ na junube kuwolu landi i ñaatiliŋo la le, ǹ na kullookono junuboolu be i ye kenebaa to le.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Yeremiya 23:24

“Fo moo si a faŋ maabo noo kulloo kono dulaalu to, ñiŋ kamma la n kana a je?” Yaawe le ye a fo. “Fo m maŋ saŋo niŋ bankoo faa tep?” Yaawe le ye a fo.

Yohana 21:17

Yeesu ko a ye sabanjanke ko, “Simoni Yohana dinkewo, fo i ye n kanu le baŋ?” Pita niyo naata kuyaa baake, kaatu wo le mu siiñaa sabanjaŋo ti, Yeesu ye a ñininkaa ko, “Fo i ye n kanu le baŋ?” Wo to le Pita ko a ye ko, “M Maarii, i ye kuwolu bee loŋ ne. Ite ye a loŋ ne ko, ŋa i kanu le.” Bituŋ Yeesu ko a ye ko, “N na saajiyolu daañini!

Yohana 8:9

Kabiriŋ ì ye ñiŋ kumoo moyi, ì bee kiliŋ-kiliŋ taata, keebaalu le foloo taata. Labaŋo la, Yeesu niŋ musoo doroŋ ne tuta jee.

Kiilaalu 5:33

Biriŋ kansulumoolu ye ñiŋ moyi, ì jusoo bota, ì lafita ka ì faa.

Roomankoolu 8:34

Wo to jumaa le be ì halaki noo la? Kiristu Yeesu meŋ ye wo kaŋo soto, fo ate le maŋ faa ǹ ye baŋ? Tooñaa, a faata ǹ ye le, a wulindita ka bo saayaa kono, aduŋ a be Alla bulubaa karoo la le ka a daani ǹ na kuwolu la.

1 Korintinkoolu 4:4

Nte maŋ feŋ loŋ, n sondomoo si n tuumi noo meŋ na, bari wo maŋ a yitandi ko, nte tilinta le. Maariyo le mu n kiitindirilaa ti.

Titus 3:11

Ite si ñiŋ kalamuta ko, wo moo siifaa hakiloo nakarita le. A mu junubekelaa le ti, aduŋ a ye a faŋ halaki le fokabaŋ.

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Hiburunkoolu 6:13

Kabiriŋ Alla ye Iburayima laahidi, a ye i kali a faŋo le la, kaatu a maŋ kantii soto, meŋ warata ate ti, ka i kali wo maarii la.

1 Yohana 3:19

Ka bo wo la ǹ si a loŋ ko, ǹ tarata tooñaa le kono, aniŋ ǹ sondomoolu be kayiroo le kono Alla ñaatiliŋo la.

1 Yohana 3:21

N kanuntewolu, niŋ ǹ sondomoolu maŋ ǹ tuumi, wo to ŋà dankeneyaa soto Alla ñaatiliŋo la le.

1 Yohana 4:4

N na dindiŋolu, alitolu mu Alla le taa ti. Wo kamma la, ali ye ì noo le, kaatu meŋ be ali kono, wo le warata ka tambi meŋ be duniyaa kono.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.