1 Timoti 3:15 - Mandinka Bible

¹⁵ fo niŋ m meeta, i si a loŋ, moolu ñanta maa la ñaameŋ Alla la dimbaayaa kono, meŋ mu Alla baluuriŋo la kafoo ti, tooñaa la samasiŋo, aniŋ fondamaŋo.

1 Timoti 3:15 Mawu Ofanana

1 Mansoolu 2:2

“Saayiŋ waatoo sutiyaata nte la le. I si fatiyaa, aduŋ i ye bambaŋ,

1 Mansoolu 2:4

Niŋ i sonta Yaawe ma, a be a la laahidoo timmandi la le. A ye ñiŋ ne laahidi ko, niŋ a ye a tara n koomalankoolu tilinta ka soŋ ate la yaamaroolu bee la niŋ ì sondomoo niŋ ì semboo bee la, itolu le be Banisirayila mara la.

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

1 Taarika 22:13

Niŋ i ye yaamaroolu niŋ luwaalu bee muta, Yaawe ye mennu dii Banisirayilankoolu la, ka bo niŋ Musa la, i be kututeyi noo la le. I si fatiyaa, i ye bambaŋ, kana sila, kana jikilateyi.

Jabuuroolu 42:2

Ite Alla baluuriŋo, i la kuwo mindoomaa le ye m muta. Muŋ tuma le m be naa noo la ka loo i ñaatiliŋo la?

Jabuuroolu 84:2

Nte be meeyaariŋ ne, ka tara jee, ka tara Yaawe la luwolu to. Seewoo dunta n sondomoo niŋ m balajaatoo bee le la ka suukuwo laa Alla baluuriŋo ye.

Yeremiya 1:18

A juubee, ka bo bii la, ŋa i bambandi le ko saatee tatariŋo, komeŋ nee bantambiloo, aniŋ komeŋ buŋo meŋ baloo mu newo ti. Paree bankoo moolu bee kamma, mennu keta Yahuuda mansoolu ti, maralilaalu, piriisoolu, aniŋ bankoo moo toomaalu bee.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 23:36

Bari ì kana ñiŋ fo kotenke ko, Yaawe la dunoo itolu ye, kaatu dunoo keta moo bee daakumoo le ti. Ì ka Alla baluuriŋo la kumoo le yelemandi, Yaawe Alihawaa Maariyo, ì la Alla.

Daniyeli 6:26

“Ŋa kaŋo dii le ko, moolu mennu bee be n na maraloo kono, si horomoo niŋ buuñaa dii Alla la, Daniyeli ka meŋ batu. Ate le mu Alla baluuriŋo ti, a be tu la keriŋ ne fo abadaa. A la mansabaayaa te buruka la muk, aduŋ a la noo le be tu la fo fawu.

Hoseya 1:10

“Hani wo Banisirayilankoolu yaatewo be ke la le ko bankumunkoo, meŋ te sumaŋ noo la sako a yaatewo si loŋ. Aduŋ a fota a ma daameŋ to ko, ‘Ali maŋ ke n na moolu ti,’ a be fo la a ma jee le to ko, ‘Alla baluuriŋo diŋolu.’

Matiyu 16:16

Bituŋ Simoni Pita ye a jaabi, “Ite le mu Alimasiihu* ti, Alla baluuriŋo Dinkewo.”

Matiyu 18:18

“Tooñaa, m be a fo la ali ye, ali be feŋ-wo-feŋ siti la ñiŋ duniyaa kono, a be siti la Arijana kono le fanaa. Aduŋ niŋ ali be feŋ-wo-feŋ firiŋ na ñiŋ duniyaa kono, a be firiŋ na Arijana kono le fanaa.

Yohana 1:17

Kaatu Luwaa diita ka bo Musa le la, bari hiinoo niŋ tooñaa naata ka bo Yeesu Kiristu* le la.

Yohana 14:6

Yeesu ko a ye ko, “Nte le mu siloo ti, tooñaa aniŋ baluwo. Moo-wo-moo te naa noo la m Faamaa yaa, fo niŋ a naata ka bo niŋ nte la.

Yohana 18:37

Bituŋ Payileti ko a ye ko, “Saayiŋ, ite mu mansa le ti baŋ?” Yeesu ye a jaabi ko, “Ite le ye a fo ko, m mu mansa le ti. Daliiloo meŋ ye a tinna nte wuluuta aniŋ n naata duniyaa kono, wo le mu ka tooñaa la kuwo seedeyaa. Aduŋ moo-wo-moo meŋ ye tooñaa kanu, wo maarii ka n lamoyi le.”

Yohana 6:69

Aduŋ ǹ laata le, aniŋ ŋà a loŋ ne ko, ite le mu Alla la Senuŋ Baa ti.”

Kiilaalu 1:2

fo luŋo meŋ na, a selendita ka taa Arijana kono. Janniŋ a be taa la, a ye yaamaroolu dii ka bo niŋ Noora Kuliŋo la kiilaalu* ye, a ye mennu tomboŋ.

Kiilaalu 14:15

“Kewolu, muŋ ne ye a tinna ali be ñiŋ ke la? Ntolu mu hadamadiŋolu doroŋ ne ti ko ali be ñaameŋ. M̀ be kibaari betoo le kawandi kaŋ ali ye fo ali si ali koo dii ñiŋ kuu kenseŋolu la ka soŋ Alla baluuriŋo ma. Ate le ye saŋo niŋ bankoo daa, fankaasoo aniŋ a konokono feŋolu bee.

Roomankoolu 3:2

Tooñaa, Yahuudiyaa ye nafaa soto karoo bee le la. Foloo-foloo, Alla ye a la kumoolu karafa itolu le ma.

Roomankoolu 9:26

“Aduŋ wo dulaa kiliŋo to, ŋa a fo ì ye daameŋ ko, ‘Alitolu maŋ ke n na moolu ti,’ ì be kumandi la jee le to ‘Alla baluuriŋo diŋolu’.”

1 Korintinkoolu 10:32

Ali kana feŋ ke, doolu si meŋ muta kasi ti, fo Yahuudoolu le mu baŋ, Jirisinkoolu waraŋ Alla la kafoo.

1 Korintinkoolu 3:16

Fo ali maŋ a loŋ ko, alitolu le mu Alla la Buŋo ti, aduŋ Alla la Nooroo be sabatiriŋ ali kono le?

2 Korintinkoolu 3:3

Ali la kuwo ye a yitandi le ko, ali keta Kiristu* la leetaroo le ti, a ye meŋ safewo karafa ntolu ma. A maŋ safee niŋ duwaa la, bari Alla baluuriŋo la Nooroo, aduŋ a maŋ safee berewalaalu bala, bari hadamadiŋolu sondomoolu kono.

2 Korintinkoolu 6:16

Fo jalaŋolu si kenoo soto Alla la Buŋo kono baŋ? Bari ntolu le mu Alla baluuriŋo la buŋo ti, ko Alla ye a fo ñaameŋ ko: “N si naa sabati ì fee, m be tara la taama la ì kono le, m be ke la ì la Alla ti, aduŋ ì be ke la n na moolu ti.”

2 Korintinkoolu 6:7

Ǹ ka tooñaa kumoo le fo, aduŋ ǹ na semboo bota Alla le bulu. Tiliŋo la kelejooraŋolu le be m̀ bulu, keloo niŋ tankandiroo kamma la.

Kalatiyankoolu 2:9

Biriŋ Yankuba, Kefas aniŋ Yohana mennu mu samasiŋolu ti Yeesu la kafoo kono, ye hiinoo je, Alla ye meŋ dii n na ka n ke kiilaa* ti, ì naata ì buloo dii n niŋ Barinabas la. Ñiŋ ye ǹ na kafuñooyaa le yitandi ko, ntolu si taa moolu yaa, mennu maŋ ke Yahuudoolu ti, itolu ye taa Yahuudoolu yaa.

Kalatiyankoolu 3:1

Alitolu Kalatiyanka toolewolu, jumaa le ye ali dookuu? Yeesu la faa yiribantambiloo kaŋ, wo yitandita ali la koyike le, fo a mulunta ko, ali faŋo ñaa ye a je le.

Efesusinkoolu 4:21

Tooñaa, ali ye a la kuwo moyi le, aduŋ ì ye wo tooñaa karandi ali ye le a ñaama meŋ mu ate Yeesu ti.

5 Musa 31:23

Wo to le Yaawe ye Yosuwa, Nuni dinkewo yaamari, a ko a ye ko, “I si bambaŋ, i ye fatiyaa. Kaatu ite le be Banisirayilankoolu ñaatonkayaa la ka ì samba bankoo kaŋ, ŋa ì laahidi daameŋ na, aduŋ m be tara la i fee le.”

5 Musa 5:26

Hadamadiŋ jumaa le nene sotota, Alla baluuriŋo diyaamuta meŋ ye dimbaa maloo kono, a maarii ye tu a niyo la ko ntolu?

Kolosankoolu 1:5

Ñinnu bee be looriŋ ali la jikoo la kuwo le kaŋ, meŋ be pareeriŋ ali ye Arijana kono. Ali naata kibaaroo moyi ñiŋ jikoo le la kuwo to nuŋ, kibaaroo meŋ mu tooñaa kumoo ti, aniŋ kibaari betoo.

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

1 Timoti 3:14

N jikita le ko, a te mee la, m be naa la i kaŋ jee. Hani wo, m be ñiŋ yaamaroolu safee kaŋ i ye le,

1 Timoti 3:16

A koyita le ko, ǹ na lannoo kulloo warata le: A naata hadamadiŋyaa le kono, a la tiliŋo yitandita ka bo niŋ Noora Kuliŋo le la. Malaayikoolu le ye a je, a la kuwo kawandita nasiyoŋolu kono. Lannoo keta a la kuwo to ñiŋ duniyaa kono, a wulindita ka taa santo, kallankeeyaa* kono.

1 Timoti 3:2

Kantarilaa ñanta ke la moo le ti, meŋ maŋ sootaaroo soto. A ñanta ke la kewo le ti, meŋ foroyaata a la musoo ma. A maŋ ñaŋ na ke la landatambi moo ti, a ñanta a faŋ muta la le. A ñanta ke la hakilimaa le ti, moo meŋ ka luntaŋolu jiyaa aniŋ meŋ ka karandiroo ke noo.

1 Timoti 3:5

Niŋ meŋ maŋ a faŋo la dimbaayaalu mara noo, a be Alla la kafoo topatoo noo la ñaadii le?

1 Timoti 4:10

Wo to, ntolu ka dookuwo niŋ katoo ke baake le, kaatu ŋà ǹ jikoo loo Alla baluuriŋo le kaŋ, meŋ mu moolu bee la Kiisandirilaa ti, sako mennu laata a la.

1 Timoti 6:16

Ate dammaa le buka faa. A be sabatiriŋ mala baa le kono, hadamadiŋo te sutiyaa noo la meŋ na. Moo nene maŋ a je, aduŋ moo nene te a je noo la. Horomoo niŋ semboo be ate le ye, fo abadaa. Amiin.

2 Timoti 2:19

Bari Alla la fondamaŋ bambandiŋo te maamaŋ noo la, a be notoriŋ ñiŋ kumoolu le la: “Maariyo ye moolu loŋ ne, mennu mu a taa ti.” Aduŋ “moo-wo-moo meŋ ka Maariyo too kumandi, wo ñanta a koo dii la tilimbaliyaa la le.”

2 Timoti 2:20

Keraŋolu mennu ka tara koridaa baa kono, bee buka dadaa sanoo niŋ kodiforoo doroŋ na, bari doolu be jee mennu dadaata yiroo la aniŋ pootoo. Doolu mu buuñaarilaŋo le ti, doolu maŋ ke buuñaarilaŋo ti.

Hiburunkoolu 10:21

Baawo ŋà ñiŋ piriisi kuntii baa le soto, meŋ ka Alla la dimbaayaalu mara,

Hiburunkoolu 12:22

Bari alitolu naata Siyoni* Konkoo le kaŋ, Alla baluuriŋo la saatewo to. Wo saatewo mu wo Yerusalaamu le ti, meŋ be Arijana kono, malaayika kontibaloolu be bendiŋ juuraloo la daameŋ.

Hiburunkoolu 3:12

Baadiŋolu, ali ali hakiloo tu fo moo-wo-moo kana tara ali kono, meŋ ye jawuyaa niŋ lannabaliyaa soto a sondomoo kono, kaatu wo le ka a tinna, moo ka a koo dii Alla baluuriŋo la.

Hiburunkoolu 9:14

Wo to, Kiristu yeloo duŋ, meŋ na kuwo warabaata beeyaŋ sadaalu yeloo ti! Ka bo niŋ badaa-badaa Nooroo la, a ye a faŋo dii sadaa ti, sootaari te meŋ na. Wo le ye a tinna a yeloo ka ǹ sondomoolu seneyandi ka bo baara nafantaŋolu kono, fo ǹ si Alla baluuriŋo batu noo.

Yosuwa 3:10

Ali be a loŋ na ñiŋ ne la ko, Alla baluuriŋo be ali fee le. A be ñiŋ moolu mennu mu Kanaaninkoolu ti, Hitinkoolu, Hiwinkoolu, Perisi koomalankoolu, Kirikasinkoolu, Amorinkoolu, aniŋ Yebusinkoolu bee bayi la ali ñaato le.

1 Pita 2:5

Ali ali faŋolu dii ka ke bere baluuriŋolu ti, fo ali si ke buŋ looraŋolu ti Alla la buŋo ye, meŋ loota a la Nooroo la siloo la. Alitolu si ke piriisi* senuŋolu ti, ali ye sadaalu* bo Nooroo la siloo la, ka bo niŋ Yeesu Kiristu* la, aduŋ Alla be soŋ na wo sadaalu ma le.

1 Pita 4:17

Waatoo siita le ka kiitiyo dati Alla la dimbaayaalu la. Wo to, niŋ a datita ntolu la, muŋ ne be ke la wo moolu labaŋo ti, mennu maŋ Alla la kibaari betoo yaamaroolu muta?

Lankenemoo 7:2

Bituŋ ŋa malaayika doo je, a ka bo naŋ santo tilibo karoo la, a niŋ Alla baluuriŋo la tampuraŋo. A sarita santo ka wo malaayika naanoo kumandi, semboo diita mennu la ka kasaaroo ke bankoo niŋ fankaasoo kono.

1 Samuweli 17:26

Dawuda ye kewolu ñininkaa, mennu be a daala. A ko, “Muŋ ne be ke la keendiŋo ye, meŋ ye ñiŋ Filisitinkoo faa, a ye Banisirayila bondi maloo kono? Jumaa le mu ñiŋ Filisitinka sunnabaloo ti, fo a ka Alla baluuriŋo la kelediŋolu hadaañi?”

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.