1 Tesalonikankoolu 5:3 - Mandinka Bible

³ Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

1 Tesalonikankoolu 5:3 Mawu Ofanana

Yuuba 15:21

Silaŋ kumoolu doroŋ ne ka tara a tuloolu kono, aduŋ hani niŋ kayiroo be keriŋ, ate ka tara i yillaariŋ boyinkandiroo le la.

Yuuba 24:23

Alla ka ì bula le ì ye a miira ko, ì be tankoo le kono, bituŋ ì ye tara jikiriŋ wo la. Bari a ka tara ì la kuwolu koroosi kaŋ ne.

Jabuuroolu 35:8

Allamaa kasaaroo ye boyi ì kaŋ moonewo kono, ì ye jaloo meŋ laa n kamma, a ye ì faŋolu muta, ì ye bula dinkoo kono ka kasaara.

Jabuuroolu 48:6

Jarajaroo niŋ dewuŋ baa le dunta ì la, komeŋ niŋ tiŋo ye musoo maa,

Jabuuroolu 55:15

Allamaa n jawoolu ye kere kati, Allamaa ì ye kende saareŋ ka taa laakira. Kaatu kuu jawoo le be ì la taradulaalu kono, aniŋ ì sondomoolu kono.

Jabuuroolu 69:22

Allamaa ì la domori beŋo taabuloo ye kupi ì kaŋ komeŋ papewo, ì ka sadaalu* mennu bo ka ì domo, a ye ke ì ye kutindiŋo ti.

Kuma Kotoomaalu 29:1

Ì ka moo meŋ yaamari waati-wo-waati, hani wo a buka i lamoyi, jee niŋ jee a si kasaara, a la haajoo te jaara noo la kotenke.

Yesaya 20:6

Wo luŋo la, baadaa borindoo siilaalu be a fo la le ko, ‘A juubee meŋ keta moolu la, m̀ be jikiriŋ mennu la, ǹ ka bori mennu yaa maakoyiroo la, ka ǹ tanka Asiriya mansa bulu. Saayiŋ ntolu be kana la ñaadii le?’ ”

Yesaya 29:5

Bari ñiŋ bee ñaa-wo-ñaa, i jawu jurumoo be naa ke la le ko kankaŋ kenseŋo, tilimbali kafu jurumoo ye tii ko fuufulewo.

Yesaya 30:13

ñiŋ junuboo be ke la ali ye le ko tata sansaŋ jaŋo meŋ farata, a be laamaariŋ, kataba kiliŋ a ye naa boyi piram.

Yesaya 47:11

Kooroo be boyi la i kaŋ ne, aduŋ i te saaboo soto la meŋ be a bondi noo la. Maasiiboo be naa i kaŋ ne, i te meŋ baayi la noo. Kasaaroo ñaamootoo si naa, i te meŋ kalaŋo loŋ na.

Yesaya 47:9

Bari luŋ kiliŋ, ñaa biti niŋ ñaa yele kono, ñiŋ kuu fuloo be ke la le, i diŋolu bee be faa la le, i be ke la furuyaamusoo ti. I la batuutaalu niŋ saaboolu siyaata ñaa-wo-ñaa, ñiŋ kuwolu be laa la i kaŋ ne, ì te baayi la.

Yesaya 56:12

Ì ko ñoo ye ko, “Ali naa, doloo fele! Ali ŋà a miŋ fo a ye ǹ sii. Saama be ke la le ko bii, waraŋ a ye tambi bii la.”

Yeremiya 13:21

I be muŋ ne fo la, niŋ ì ye moolu marandi i kunna, ite faŋo ye mennu muta i teeroolu ti? Fo dimiŋo te duŋ na i la baŋ, ko dimiŋo ka musoo muta tiŋo to ñaameŋ?

Yeremiya 14:19

Yahuuda moolu ko, “Yaawe, fo i ye i koo dii Yahuuda la le fereŋ? Fo ite ñewunta Siyoni* la le baŋ? Muŋ ne ye a tinna i ye m̀ busa jawuke, fo a ye a tinna ǹ te kendeyaa noo la? Ǹ tarata n yillaariŋ kayiroo le la, bari a fele, maasiiboo doroŋ, ŋà n yillaa jaaraloo la, bari kuu kende maŋ naa ǹ ye.

Yeremiya 22:23

Ite ye i la ñaŋo dadaa Libanooni sedari* yiroolu le la. Bari i be ŋuntaŋ na ñaameŋ, niŋ dimiŋo laata i kaŋ luŋo meŋ na, dimiŋo, ko niŋ tiŋo ye musoo maa!

Yeremiya 4:31

Ŋa musu le kumboo kaŋo moyi tiŋo to, a ŋuntaŋ kaŋo ka munta meŋ be a diŋ foloo wuluu kaŋ. Wo mu Dimmusuriŋ* Siyoni le ŋuntaŋ kaŋo ti, ka i niijii. A ye a buloolu wulindi le, a ka a fo ko, “Ayiwaalii nte! M be ketu kaŋ ne. N siyo dunta moofaalaalu le bulu.”

Yeremiya 6:14

Ì ka n na moolu la dimiŋo feeyaatoo jaara le, ì ka a fo ko, ‘Kayira, kayira,’ a ye a tara kayira te keriŋ.

Yeremiya 6:24

Yerusalaamunkoolu ko, “Ŋà ì kibaaroo moyi le, m̀ buloolu tuta yondiŋ. Niitooroo le laata ǹ kaŋ komeŋ niŋ tiŋo ye musoo maa.

Yeremiya 8:11

Ì ka n na kanu moolu la dimiŋo feeyaatoo jaara le, ko a maŋ ke feŋ ti, ì ka a fo ko, ‘Kayira, kayira,’ a ye a tara kayira te keriŋ.

Esekiyeli 13:10

“Ñiŋ annabiyomoolu le ka n na moolu filindi, ka a fo ì ye ko, ‘Kayira doroŋ,’ wo ye a tara kayira te keriŋ. A mulunta le ko niŋ moolu mennu ye tata sansaŋo loo kutukatoolu la, annabiyomoolu naata a muu lasoo la ka a ñiiñandi, a ye a tara a maŋ bambaŋ.

Hoseya 13:13

Efurayimu ye siloo soto le ka baluu, bari ì maŋ kewuyaa. Ì be le ko deenaanoo, meŋ wuluu waatoo siita, a maŋ soŋ ka finti naŋ wuluuñaŋo kono.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Matiyu 23:33

“Alitolu saalu! Alitolu daŋari koorewo! Ali be kana la Jahannaba la yankankatoo ma ñaadii le?

Yohana 16:21

Niŋ musoo be tiŋo to, a ka bataa le, kaatu a la wuluu waatoo le siita. Bari niŋ deenaanoo wuluuta, a ka ñina a la bataa la le, kaatu a ka seewoo le ko, deenaanoo wuluuta duniyaa kono le.

Kiilaalu 13:41

‘Alitolu ñaawalilaalu, ali i koroosi, ali si jaakali, ali ye kasaara! M be naa kuu ke la ali tiloo la, niŋ moo ye a fo ali ye, ali te laa la a la.’ ”

5 Musa 29:19

Ali ali hakiloo tu moo kana soto ali kono, meŋ si ñiŋ kambeŋo niŋ a saratoolu moyi, a ye naa a faŋ kuŋo jandi ka a fansuŋ siloo taa meŋ diyaata a ye, ka ñiŋ miira ko tana te a la. Wo be a tinna le Yaawe ye moo betoolu niŋ moo kuruŋolu bee kasaara ñoo la, a te moo bo la moo to.

2 Tesalonikankoolu 1:9

Kuluuroo be laa la wo moolu kaŋ ka bo niŋ badaa-badaa kasaaroo la. Ì te futa la Maariyo ñaatiliŋo la, ì ye jamfa a la waroo kallankeeyaa* la.

Hiburunkoolu 12:23

Ali naata moo senuŋolu la kafoo kono, mennu toolu be safeeriŋ Arijana kono ko, dinkee folooyaa neemoo mu itolu le taa ti. Ali naata Alla le kaŋ, meŋ mu moolu bee kiitindilaa ti, aniŋ moo tilindiŋolu kaŋ, mennu timmandita.

Hiburunkoolu 2:3

Wo to, ntolu duŋ? Ǹ si kana noo ñaadii le, niŋ ŋà ǹ ñaa kaasi ñiŋ ñoŋ kiisa baa la? Wo mu Maariyo faŋo le ti, meŋ ye ñiŋ kiisoo la kuwo bankee folooto, aduŋ moolu mennu ye a moyi, wolu ye a futandi m̀ ma le.

2 Pita 2:4

Alla maŋ yamfa hani malaayikoolu ye daameŋ, biriŋ ì ye junuboo ke nuŋ, bari a ye ì fayi dinka dambaloo kono, ì be tu la sitiriŋ dibi baa kataŋo kono daameŋ fo kiitiiluŋo la.

Kiitindirilaalu 8:11

Kideyoni ye siloo muta ka taa tiriliisikotonkoolu* la maafaŋo to la, Noba tilibo karoo maafaŋo la, aniŋ Yokibeha. A ye kelediŋolu la daakaa boyinkaŋ, ì maŋ bo a kalama.