1 Taarika 9:1 - Mandinka Bible

¹ Bituŋ Banisirayilankoolu bee too naata safee ko ì la kaabiiloo keñaa be laariŋ ñaameŋ. Aduŋ ì safeeta Banisirayila Mansoolu la Kitaaboo le kono. Ì ye Yahuuda lasiloo samba mutoo kono Babiloni ì la tilimbaliyaa kamma la.

1 Taarika 9:1 Mawu Ofanana

1 Mansoolu 14:19

Yerobowamu la mansayaa kuu doolu, a la keloolu, aniŋ a ye maraloo ke ñaameŋ, ì safeeta Banisirayila Mansoolu la Taarika Kitaaboo le kono.

2 Mansoolu 24:14

A ye Yerusalaamu saatewo moolu bee le samba ka tara mutoo kono. Wo moolu le mu ñaatonkoolu ti, kelediŋolu, kapintaalu bee, aniŋ numoolu bee. Ì bee kafuriŋo mu moo wuli taŋ ne ti. Bankoo fuwaaroolu doroŋ ne tuta jee.

2 Mansoolu 24:15

Nebukanesa ye Yehoyahini samba Babiloni le ka tara mutoo kono, aniŋ a baamaa, a la musoolu, a la ñaatonkoolu, ka taa Yahuuda bankoo moo sembemaalu.

2 Mansoolu 24:16

Babiloni mansa ye kelediŋ wuli woorowuloo bee fanaa muta le ka ì samba Babiloni, mennu bambanta, aduŋ ì si keloo noo, aniŋ kapintaalu niŋ numoolu moo wuli kiliŋ.

1 Taarika 8:40

Ulamu dinkewolu mu kelejawara baalu le ti, aniŋ kalafayilaa baalu. Ì ye dinkee jamaa le soto, aniŋ mamariŋ jamaa, a taata kaañaŋ moo keme, moo taŋ luulu le fee. Ñinnu bee keta Benjamini koomalankoolu le ti.

2 Taarika 33:11

Bituŋ Yaawe ye Asiriya mansa la kelediŋ kuntiyolu bula naŋ ì kaŋ. Ì ye Manase muta, ì ye dooliŋo bula a nuŋo la, ì ye a siti jaawali joloo la ka a samba Babiloni.

Esira 2:1

Ñiŋ ne mu Yahuuda kumandaŋ mara bankoo moolu yaatewo ti, Babiloni mansa Nebukanesa ye mennu muta nuŋ, a ye ì samba Babiloni bankoo kaŋ. Ì muruta Yerusalaamu, aniŋ ì la saatewolu bee to, Yahuuda bankoo kaŋ.

Esira 2:59

Ñiŋ moolu mennu yaatewo ka naa fo teŋ, fanaa muruta naŋ ne ka bo saatewolu to, mennu keta Teli-Mela ti, Teli-Harisa, Kerubu, Adoni, aniŋ Immeri. Bari itolu maŋ a yitandi noo ko ì la dimbaayaa moolu niŋ ì bonsuŋolu mu Banisirayilankoolu le ti. Wolu le mu ñinnu ti:

Nehemiya 11:1

Banisirayilankoolu la ñaatonkoolu siita Yerusalaamu saatewo le kono. Bari moo toomaalu ye alikuuroo* le ke, ka dimbaayaa kiliŋ tomboŋ dimbaayaa taŋ-wo-taŋ kono, ka sii Yerusalaamu saatee senuŋo to. Bituŋ dimbaayaa kononto toomaalu, wolu tarata siiriŋ saatee doolu to.

Nehemiya 7:5

Bituŋ n na Alla ye hakiloo dii n na ka ñaatonkoolu bendi, alifaalu, aniŋ moo toomaalu bee, ka ì toolu safee ka bo niŋ ì la dimbaayaalu la. N naata moolu la wuluu sila safeeroolu je le, mennu foloo seyita naŋ. Ŋa ñiŋ ne tara safeeriŋ jee:

Nehemiya 7:64

Itolu ye ì la moolu bonsuŋolu ñini wuluu sila safeeroolu kono le, bari ì maŋ ì je. Wo le ye a tinna ì ye ì bali piriisiyaa la, kaatu ì ye ì muta moo seneyaabaloolu le ti.

Yesaya 3:2

A be ì la kelejawaroolu niŋ ì la kelediŋolu buusi la ì la le, ì la kiitindirilaalu, annabiyomoolu, juubeerilaalu, alifaalu,

Yeremiya 13:19

Nekefu* tundoo saatewolu be sukiriŋ ne, moo te soto la meŋ be ì yele la. Yahuuda bee le be taa mutoo kono, a muumewo bee le be taa mutoo kono.

Yeremiya 39:9

Kelediŋ kuntiyo Nebusaradani ye moo doolu muta le, a ye ì samba Babiloni. Wo le mu moolu ti mennu tuta saatewo kono, ka taa moolu mennu ye ì faŋ seyi Babiloni mansa ma, aniŋ moo koteŋolu.

Daniyeli 1:2

Maariyo ye Yahuuda mansakewo duŋ a bulu le, ka taa Alla Batudulaa Buŋo* kono jooraŋo doolu. A ye ì samba naŋ Babiloni bankoo kaŋ, aduŋ a ye jooraŋolu ke a la jalaŋolu la buŋo maaboridulaa le kono.