1 Taarika 4:9 - Mandinka Bible

⁹ Kee doo le mu, a too mu Yabesi le ti, ì ye a la kuwo kuliyandi ka tambi a baadiŋolu la. A baamaa ye a toolaa Yabesi le la, kaatu a ye ñiŋ ne fo ko, “Ŋa a wuluu bataa le kono.”

1 Taarika 4:9 Mawu Ofanana

1 Musa 3:16

A ko musoo ye ko, “M be bataa kuu baa lafaa la i la karoo la, niŋ konoo be i la. I be diŋolu wuluu la dimoo le kono. Bari hani wo, i keemaa la kuwo be tara la i meeyaariŋ ne, aduŋ ate le be mara la i ma.”

1 Musa 34:19

Bituŋ Sekemu maŋ naa miniŋ-miniŋ ka kuwo ñiŋ ke, kaatu a ye Yaakuba ñiŋ dimmusoo kanu le. Ate le mu a faamaa la dimbaayaa kono kantiyo ti.

1 Musa 35:18

Kabiriŋ Raheli be naa faa la, a be niibo la waatoo meŋ, a ye a ñiŋ dinkewo toolaa Benoni la. Bari a faamaa, wo ye a toolaa Benjamini le la.

1 Taarika 4:10

Yabesi naata Banisirayila la Alla daani ko, “M Maarii, i la neemoo niŋ barakoo dii n na, i ye n na bankoo kenoo fanundi. I ye tara m fee, i ye n tanka bataa ma meŋ si n toora.” Bituŋ a ye meŋ daani, Alla naata a ke a ye.

1 Taarika 4:8

Kosi le ye Anubu wuluu, aniŋ Sobeba. Harumu dinkewo Ahareli fanaa la kaabiila moolu bota ate le bala.

1 Taarika 7:23

Efurayimu niŋ a la musoo kafuta, a ye konoo taa, a naata dinkewo wuluu, a ye a toolaa Beriya la, kaatu maasiiboo le boyita a la dimbaayaa kaŋ.

Kuma Kotoomaalu 23:25

Allamaa i faamaa niŋ i baamaa ye kontaanoo soto. Allamaa i baamaa meŋ ye i wuluu, ye seewoo.

Yesaya 43:4

M be moolu ke la ali ye jooroo ti le, ka banku koteŋo moolu ke ali ye kumakaaraŋo ti, kaatu ali kummaayaata m fee le, ali keta n na horoma moolu ti, ŋa ali kanu le famfaŋ.

Kiilaalu 17:11

Bereya Yahuudoolu le daajikoo beteyaata Tesalonika Yahuudoolu ti, kaatu ì ye ñiŋ kumoo muta niŋ hame baa le la. Luŋ-wo-luŋ ì ka a kisikisi le, fo ñiŋ kumoo niŋ Kitaabu Senuŋolu taata ñoo la le.

1 Samuweli 4:21

A ye kambaanoo toolaa Ikabodi le la, ka a yitandi ko, Yaawe la semboo niŋ waroo bota Banisirayila bala le, kaatu ì ye Alla la Kambeŋ Kunewo taa le, aniŋ a bitankewo niŋ a keemaa la saayaa.