1 Taarika 3:1 - Mandinka Bible

¹ Dawuda ye diŋolu mennu soto Heburoni: Foloo mu Amunoni le ti, a ye a wuluu Ahinowamu le la, Yesireelinkoo. Fulanjaŋo mu Daniyeli le ti, a ye a wuluu Abikali le la, Karimelinkoo.

1 Taarika 3:1 Mawu Ofanana

2 Samuweli 13:1

Ñiŋ kuwolu keriŋ koolaa, Amunoni Dawuda dinkewo ye Tamara kanu. Tamara mu Abusalomu baarimmusu le ti, aduŋ musu ñiimaa baa le mu. Abusalomu fanaa mu Dawuda dinkewo le ti.

2 Samuweli 13:29

Bituŋ Abusalomu ye a fo a la kewolu ye ñaameŋ, ì ye wo le ke Amunoni la. Wo to le mansa dinkewolu bee wulita, ì ye ì la bahalewolu* lipa, ì borita.

2 Samuweli 3:1

Keloo meŋ keta Sawulu la moolu niŋ Dawuda la moolu teema, ye waati jaŋ ne taa. Dawuda semboo ka tu lafaa la le doroŋ, bari Sawulu la moolu, wolu semboo ka tu dooyaa la le.

2 Samuweli 5:13

Kabiriŋ a bota Heburoni, Dawuda ye kaŋ foroyandi musoolu* niŋ musu doolu le futuu Yerusalaamu, aduŋ a ye dinkewolu niŋ dimmusoolu doolu soto le.

1 Taarika 2:55

Kaabiiloolu mennu ka safeeroo ke, mennu bota Yabesi saatewo to, wolu le mu: Tirati koomalankoolu, Simeyati koomalankoolu aniŋ Sukati koomalankoolu. Ñinnu le mu Keninkoolu ti, mennu bota Hammati bala, Rekabu kaabiiloo bonsuŋo.

1 Taarika 28:5

“A ye n harijee dinkee jamaa le la, aduŋ wolu kono, a ye Sulemani le tomboŋ ka Banisirayila mara, a faŋo la moolu.

1 Taarika 3:2

Sabanjaŋo mu Abusalomu le ti, a ye a wuluu Maaka le la, Kesuri mansa Talimayi dimmusoo. Naaninjaŋo mu Adoniya le ti, a ye a wuluu Hakiti le la.

Yosuwa 15:56

Yesireeli, Yokideyamu, Sanowa,

1 Samuweli 27:3

Dawuda niŋ a la kewolu siita Kati le, ì niŋ Mansa Akisi. Kee-wo-kee niŋ a la dimbaayaa, aduŋ Dawuda fanaa niŋ a la musu fuloo tarata jee le: Ahinowamu, wo bota Yesireeli le, Abikali, meŋ keta Nabali la furuyaamusoo ti, wo bota Karimeli le.