1 Taarika 25:3 - Mandinka Bible

³ Yedutuni dinkewolu: Kedaliya, Seri, Yesaya, Simeyi, Hasabiya aniŋ Matitiya. Ì dinkee wooro bee be ì faamaa Yedutuni la yaamaroo le koto, aduŋ ate le ka Alla la kiilaariyaa kumoolu fo niŋ kooraa la, aniŋ ka jayiroo niŋ tenturu suukuwo laa Yaawe* ye.

1 Taarika 25:3 Mawu Ofanana

1 Taarika 15:18

Aduŋ ì baadiŋolu mennu ye ì maakoyi, mu Jakariya le ti, Yaasiyeli, Semiramoti, Yehiyeli, Unni, Eliyabu, Benaya, Maaseya, Matitiya, Elifelehu, Mikineya, aniŋ dundaŋ daa kantalaalu Obedi-Edomu aniŋ Yeyeli.

1 Taarika 15:21

Matitiya, Elifelehu, Mikineya, Obedi-Edomu, Yeyeli aniŋ Asasiya ye a kosi ko Seminiti.

1 Taarika 25:2

Asafu dinkewolu: Sakuri, Yusufa, Netaniya aniŋ Asarela. Ì dinkee naanoo bee be Asafu la yaamaroo le koto, aduŋ ate le ka Alla la kiilaariyaa kumoolu fo, niŋ mansa ye yaamaroo dii.

1 Taarika 25:21

Taŋ niŋ naaninjaŋo diita Matitiya niŋ a dinkewolu le la aniŋ a baadiŋolu, ì moo taŋ niŋ fula.

1 Taarika 25:4

Hemani dinkewolu: Bukiya, Mataniya, Usiyeli, Sebuyeli, Yerimoti, Hananiya, Hanani, Eliyata, Kidaliti, Romamuti-Eseri, Yosibekasa, Malloti, Hotiri aniŋ Mahasiyoti.

1 Taarika 9:16

aniŋ Obadiya, Semaya dinkewo, Semaya, Kalali dinkewo, Kalali, Yedutuni dinkewo aniŋ Berekiya, Asa dinkewo, Asa, Elikana dinkewo meŋ sabatita Netofankoolu la saateeriŋolu to.

2 Taarika 29:14

Ka bo Hemani kaabiiloo kono: Yehiyeli aniŋ Simeyi. Ka bo Yedutuni kaabiiloo kono: Semaya aniŋ Usiyeli.

Jabuuroolu 92:1

Kuu kende le mu, ka ite Yaawe* tentu, ka suukuwo laa ka ite Alla Mansa Tallaa jayi i too la.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

1 Samuweli 10:5

“Niŋ wo bota a la, i be taa Kibeya le, Alla batudulaa be daameŋ aniŋ Filisitinkoolu la kelediŋolu la daakaa dulaa. Janniŋ i ka futa saatewo la, i niŋ Alla la annabiyomu jamaa le be beŋ na, ì ka bo naŋ batudulaa to, ì niŋ kontiŋo, tambuuroo, footaŋo aniŋ kooraa, ì be ì kosi kaŋ. Ì be tara la Alla batoo kaŋ ne ko moolu mennu te ì faŋ bulu.