1 Taarika 23:26 - Mandinka Bible

²⁶ Aduŋ saayiŋ Lewi lasiloo moolu fanaa te kali Tiriliisi Senuŋo* ñiŋ samba la, aniŋ a jooraŋolu, ì ka baturoo ke mennu la.”

1 Taarika 23:26 Mawu Ofanana

1 Taarika 23:27

Ka bo Dawuda la yaamari labaŋo la, Lewi lasiloo moolu meŋ-wo-meŋ ye sanji muwaŋ ne soto, ka dookuwo dati Alla Batudulaa to.

2 Taarika 35:3

A ko Lewi lasiloo moolu ye, mennu ye Banisirayila bee karandi, aduŋ ì seneyaata Yaawe la karoo la ko, “Ali Kambeŋ Kunee* Senuŋo dundi Batudulaa Buŋo kono, Sulemani ye meŋ loo, Banisirayila mansa Dawuda diŋo. Ali te a laa la ali kabakunkuŋo kaŋ kotenke. Saayiŋ ali dookuwo ke Yaawe ye, ali la Alla, aniŋ a la moolu, Banisirayila.

4 Musa 4:15

Niŋ Haaruna niŋ a dinkewolu pareeta konoto feŋ senuŋo ñiŋ muuroo la, a niŋ a jooraŋolu bee, aniŋ niŋ daakaa ñiŋ pareeta ka wutu a noo to, Kohati koomalankoolu le ñanta naa la ka ì samba. Bari ì maŋ ñaŋ ka feŋ senuŋolu maa, niŋ ì ye wo ke doroŋ ì si faa. Kohati koomalankoolu le ñanta feŋolu samba la mennu be Bendulaa Tiriliisi Senuŋo koto.

4 Musa 4:49

Ko Yaawe ye Musa yaamari ñaameŋ, moo-wo-moo ì ye a la dookuwo dii a la le, aduŋ a fota ì ye le ì be meŋ duni la. Ì toolu safeeta le, ko Yaawe ye Musa yaamari a la ñaameŋ.

4 Musa 4:5

Niŋ daakaa be bo la a noo to, Haaruna niŋ a dinkewolu le ñanta duŋ na konoto, ì ye ridoo taa meŋ be Dulaa Senuŋ Baa* to, ì ye Kambeŋ Kunewo* muuri a la, seedeyaa walaa fuloo be meŋ kono.

4 Musa 7:9

Bari Musa maŋ feŋ dii Kohati koomalankoolu la, kaatu itolu le ñanta Tiriliisoo la feŋ senuŋolu duni la ì kaboolu kaŋ, ì marata mennu la.

5 Musa 10:8

Wo waatoo le mu, Yaawe ye Lewi lasiloo moolu tomboŋ ka ì marandi a la Kambeŋ Kunewo* samboo la, ka piriisiyaa dookuwo ke Yaawe ñaatiliŋo la, aniŋ ka neemoo duwaa moolu ye a too la ka naa bula fo bii la.