1 Taarika 2:22 - Mandinka Bible

²² Sekubu naata Yayiri wuluu, meŋ ye saatee muwaŋ niŋ saba mara Kileyadi tundoo kaŋ.

1 Taarika 2:22 Mawu Ofanana

1 Taarika 2:21

Wo le koolaa Hesironi naata Makiri dimmusoo futuu, Kileyadi baarimmusoo. A be a futuu la tuma meŋ, a siyo be sanji taŋ wooro. Bituŋ a naata Sekubu soto a la.

1 Taarika 2:23

Bari Kesurinkoolu niŋ Aramunkoolu naata Yayiri taa a bulu, aniŋ Kenati niŋ a saateeriŋolu. Ì ye saatewolu mennu noo, a bee taata kaañaŋ saatee taŋ wooro le fee. Ñinnu bee mu Kileyadi faamaa Makiri koomalankoolu le ti.

4 Musa 32:40

Bituŋ Musa naata Kileyadi dii Makiri koomalankoolu la, ì siita jee.

4 Musa 32:41

Yayiri fanaa mu Manase koomalankoo le ti, a fanaa taata a ye Kileyadi saateeriŋo doolu muta, a ye ì toolaa a faŋo la, Yayiri la saateeriŋolu.

5 Musa 3:14

Bituŋ Yayiri meŋ bota Manase lasiloo kono, wo naata Arikobu tundoo bee taa, meŋ be Basani bankoo kaŋ, ka taa fo naanewo to, Kesurinkoolu niŋ Maakatinkoolu be daameŋ. A ye jee saateeriŋolu toolaa a faŋo le la, aduŋ ì ka a fo wo saatewolu ye le Yayiri la saateeriŋolu fo ka naa bula bii la.

5 Musa 3:15

Ŋa Kileyadi talantee doo dii Makiri koomalankoolu le la.

Yosuwa 13:30

Ì la bankoo daa bota Mahanayimu, aniŋ Basani mansa Oki la mansamarali bankoo bee, aniŋ saatee taŋ wooroo mennu be Yayiri bulu Basani,