1 Taarika 16:9 - Mandinka Bible

⁹ Ali suukuwo laa a ye ka a jayi, ali a fo, a ye kaawakuwolu mennu ke.

1 Taarika 16:9 Mawu Ofanana

1 Taarika 16:10

Ali kidimandiroo ke a too senuŋo la. Moolu mennu ka Yaawe ñini, ì ye jusulaa.

1 Taarika 16:24

Ali a la semboo niŋ waroo kankulaa bankoolu bee kaŋ, aniŋ a la kaawakuu baalu duniyaa siyolu bee kono.

1 Taarika 16:8

Ali tenturoo dii Yaawe la. Ali ye a batu a too la. Ali a fo bantala banku* moolu ye a ye kuwolu mennu ke.

Yuuba 36:24

Kana ñina ka Alla tentu a la keroo la, hadamadiŋolu ka meŋ suukuu.

Jabuuroolu 145:12

ka hadamadiŋolu londi i la kaawakuu baalu la, aniŋ i la mansayaa horomoo la waroo.

Jabuuroolu 40:10

I ye ǹ deemaa ñaameŋ ka ǹ tankandi, m maŋ a tu maaboriŋ n kono. I ye ǹ deemaa ñaameŋ ka ǹ tankandi. Ŋa a fo le i tuta looriŋ ǹ ye ñaameŋ, aniŋ i ye ǹ tankandi ñaameŋ. M maŋ tu deyiriŋ ka i la kanu bambaloo niŋ i la tiliŋo maabo i la moolu la beŋ baa to.

Jabuuroolu 71:17

Hee Alla, i ye n karandi le biriŋ n dindiŋ, aduŋ ka naa fo saayiŋ na, n ka i la kaawakuwolu seyinkaŋ ne.

Malaki 3:16

Yaawe ñaasilannaalu diyaamuta ñoo ye a kuwo la le, aduŋ a ye ì lamoyi le, a ye ì la kumakaŋo moyi. Bituŋ moolu mennu silata a la, ì ye a kuliyaa, ì toolu naata safee kitaaboo kono, ka ke a ye hakili bulandiraŋo ti.

Matiyu 26:30

Bituŋ ì ye suukuwo laa, ì taata Olifu Konkoo to.

Efesusinkoolu 5:19

Ali diyaamu ñoo ye niŋ jabuuroolu la, jayiri suukuwolu aniŋ suukuu senuŋolu. Ali Maariyo tentu ali la suukuwolu la, ali ye a jayi niŋ ali sondomoolu bee la.

Kolosankoolu 3:16

Ali Kiristu la kumoo bula, a ye baluu kendeke ali kono. Ali ñoo karandi, ali ye ñoo yaamari niŋ ñaameŋo bee la. Ali jabuuroolu laa, jayiri suukuwolu aniŋ suukuu senuŋolu. Ali si ì laa niŋ tenturoo la ali sondomoolu kono.

Yankuba 5:13

Niŋ moo be ali kono, meŋ be bataariŋ, a maarii si duwaa. Niŋ moo be ali kono meŋ be seewooriŋ, wo maarii si jayiri suukuwolu laa.