1 Taarika 16:4 - Mandinka Bible

⁴ Wo koolaa a ye Lewi lasiloo moo doolu tomboŋ ka ke dookuulaalu ti Yaawe la Kambeŋ Kunewo ñaatiliŋo la, ka Yaawe Banisirayila la Alla batu, ka a tentu aniŋ ka a jayi.

1 Taarika 16:4 Mawu Ofanana

1 Musa 17:7

M be n na kambeŋo londi la n niŋ i teema, aniŋ i koomalankoolu, ì jamaanoolu bee la, kambeŋ looriŋo fo abadaa, ka ke i la Alla ti, aniŋ i koomalankoolu mennu be naa ite koolaa.

1 Musa 32:28

Bituŋ kewo ñiŋ ko a ye ko, “I too te ke la Yaakuba ti kotenke, i too be ke la Isirayila le ti, kaatu i niŋ Alla ye keloo ke le, i niŋ hadamadiŋolu fanaalu keleta, aduŋ i ye i kutu ì la le.”

1 Musa 33:20

Yaakuba ye sadaabodulaa* loo jee, a ye a toolaa Alla le mu Isirayila la Alla ti.

1 Mansoolu 8:15

Bituŋ a ko: “Tentoo be Yaawe ye Banisirayila la Alla, ate meŋ ye kuwo timmandi niŋ a semboo la, a ye meŋ laahidi m faamaa Dawuda ye. Kaatu a ye ñiŋ ne fo ko,

1 Taarika 15:16

Dawuda ye Lewi lasili ñaatonkoolu yaamari le ka tombondiri ke Lewi lasiloo moolu kono, ka seewoo suukuwo laa, aniŋ ka kontiŋolu, kooraalu aniŋ jaawali palaatoolu kosi.

1 Taarika 16:3

Bituŋ a ye mbuuru kuŋo, subu janiriŋo aniŋ wayini* yiridiŋ jaaroo doo dii Banisirayila kewolu niŋ musoolu bee kiliŋ-kiliŋ naa la.

1 Taarika 16:5

Asafu le mu ñaatonkoo ti, Jakariya ye wo nooma, Yeyeli, Semiramoti, Yehiyeli, Matitiya, Eliyabu, Benaya, Obedi-Edomu aniŋ Yeyeli. Wolu le ka kontiŋolu niŋ kooraalu kosi, Asafu le ka jaawali palaatoolu kosi.

1 Taarika 16:8

Ali tenturoo dii Yaawe la. Ali ye a batu a too la. Ali a fo bantala banku* moolu ye a ye kuwolu mennu ke.

1 Taarika 24:3

Mansa Dawuda ye Haaruna koomalankoolu talaa teŋ ne, ka bo niŋ ì la dookuuñaalu la. Mennu ye a maakoyi ka ñiŋ talaaroo ke, wolu le mu Sadoki ti, Eleyasa koomalankoo, aniŋ Ahimeleki, Itama koomalankoo.

1 Taarika 25:1

Mansa Dawuda niŋ a la ñaatonkoolu ye tombondiri ke ñiŋ kaabiiloolu le kono ka baturoo kuwolu taamandi, wolu le mu: Asafu kaabiiloo, Hemani kaabiiloo aniŋ Yedutuni kaabiiloo. Ñinnu be kali la Alla la kiilaariyaa kumoo fo la kooraalu la le, kontiŋolu aniŋ jaawali palaatoolu. Ñiŋ ne mu moolu ti mennu tombonta ka baturoo ñaatonkayaa, kafu-wo-kafu niŋ a la dookuwo:

1 Taarika 6:31

Ñinnu le mu kewolu ti, Dawuda ye mennu tomboŋ, ka tara marariŋ suukuwo kuwolu la, Yaawe Batudulaa to, biriŋ ì ye Kambeŋ Kunewo* dundi jee.

Esira 3:10

Kabiriŋ buŋ loolaalu ye Yaawe Batudulaa Buŋo fondamaŋo laa fokabaŋ, piriisoolu niŋ ì la duŋ feŋolu loota ì loodulaalu to, footaŋolu be ì bulu, aduŋ Lewi lasiloo Asafu koomalankoolu fanaa loota jee le, ì niŋ ì la jaawali palaatoolu ì ka mennu kosi. Ì ye Yaawe jayi, ko Mansa Dawuda ye a yitandi ñaameŋ koomanto.

Nehemiya 12:24

Lewi lasiloo la ñaatonkoolu mu Hasabiya le ti, Serebiya, Kadimiyeli dinkewo Yesuwa, aniŋ ì baadiŋolu, mennu ka loo ì ñaatiliŋo la, ka tenturoo niŋ jayiroo ke. Kafu kiliŋo ka kafu doo laamuta le, ko Dawuda ye yaamaroo dii ñaameŋ, Alla la moo.

Jabuuroolu 103:2

Nte be Yaawe jayi la le de, aduŋ n te ñina la a ye kuu betoolu mennu ke.

Jabuuroolu 105:5

Alitolu Iburayima koomalankoolu, Alla la dookuulaa, Yaakuba koomalankoolu, Yaawe ye mennu tomboŋ, ali i miira kuu baalu la, a ye mennu ke, aniŋ a ye kaawakuwolu niŋ kiitiiteyoolu mennu taamandi.

Jabuuroolu 106:48

Tenturoo be Yaawe ye, Banisirayilankoolu la Alla, ka bo saayiŋ na ka taa fo abadaa. Moolu bee ye a fo ko, “Amiin.” Ali Yaawe jayi.

Jabuuroolu 37:1

Kana diminnaa moo jawoolu la kuwo kamma la. Kana ñaabo kuu kuruŋ kelaalu fee.

Jabuuroolu 70:1

Hee Alla, n tankandi. Yaawe*, naa katabake ka m maakoyi.

Jabuuroolu 72:18

Tentoo be Yaawe* ye, Banisirayila la Alla, ate doroŋ ne ka kaawakuwolu ke.