1 Samuweli 7:2 - Mandinka Bible

² Yaawe la Kambeŋ Kunewo meebaata Kiriyati-Yeyarimu le. A ye sanji muwaŋ ne ke jee. Wo waatoolu kono Banisirayilankoolu ka tu kumboo le la, ka Yaawe daani maakoyiroo la.

1 Samuweli 7:2 Mawu Ofanana

1 Taarika 13:3

Aduŋ ǹ si taa ka Alla la Kambeŋ Kunewo* naati naŋ, kaatu Sawulu la mansayaa waatoo la ŋà ǹ ñaa kaasi a la le.”

1 Taarika 13:5

Wo to le Dawuda ye moolu bee bendi ka bo naŋ bankoo karoo bee la, ka bo Sihori Boloŋo to Misira bankoo maraa karoo la, ka taa fo Lebo Hamati to ko, ì si naa ka Alla la Kambeŋ Kunewo naati naŋ Yerusalaamu, ka bo naŋ Kiriyati-Yeyarimu.

Yeremiya 26:20

Kee doo fanaa tarata jee wo waatoo la, meŋ too mu Uriya ti, Semaya dinkewo, a bota Kiriyati-Yeyarimu, aduŋ a ye kiilaariyaa kumoolu fo Yaawe tooyaa la. A ye kiilaariyaa kumoolu fo ñiŋ saatewo ma le, aniŋ ñiŋ bankoo, kumoolu mennu be ko nte Yeremiya ye mennu fo.

Yeremiya 3:13

Ali soŋ ali la boyidaa la doroŋ ko ali balanta nte Yaawe ali la Alla le ma. Ali ye siloo dii banku koteŋ jalaŋolu le la, ka wolu kanuñooyaa yirisuŋ biireeriŋolu meŋ-wo-meŋ koto, ali maŋ soŋ ka n na kumakaŋo muta.” Yaawe le ye a fo.

Yeremiya 31:9

Ì ñaajiitoo le be naa, ì be tara la duwaa le la, niŋ m be ì tambindi kaŋ ka seyi. M be ì samba la niŋ woyoolu dandaŋo le la, sila deerariŋolu kaŋ, ì te taki la daameŋ, kaatu m mu Banisirayila Faamaa le ti, n dinkee foloo le mu Efurayimu ti.

Matiyu 5:4

“Barakoo be moolu ye, mennu ka woosii, kaatu ì be sabarindi la le.

Yosuwa 9:17

Bituŋ Banisirayilankoolu naata paree taamoo la. Tili sabanjaŋ luŋo, ì naata futa Kibeyoninkoolu la saatewolu to: Kibeyoni, Kefira, Beeroti aniŋ Kiriyati-Yeyarimu.

Kiitindirilaalu 2:4

Kabiriŋ Yaawe la malaayikoo ye ñiŋ kumoolu fo Banisirayilankoolu ye, ì naata kumboo baake.

1 Samuweli 7:1

Bituŋ Kiriyati-Yeyarimu kewolu naata, ì ye Yaawe* la Kambeŋ Kunewo* taa. Ì ye a samba Abinadabu la buŋo le to konkoo kaŋ, aduŋ ì naata a dinkewo Eleyasa seneyandi, ka a ke Yaawe la Kambeŋ Kunewo kantalaa ti.

1 Samuweli 7:3

Bituŋ Samuweli ko Banisirayilankoolu bee ye ko, “Niŋ ali be muruŋ na Yaawe kaŋ niŋ ali sondomoo bee la, wo to ali ñiŋ alla koteŋolu, aniŋ Asitoreti* jalaŋolu fayi, ali ye ali ñaa tiliŋ Yaawe la ka a dammaa batu, bituŋ i si a je, a si ali bondi noo ñiŋ mantooroo kono, Filisitinkoolu ka meŋ ke ali la.”