1 Samuweli 7:10 - Mandinka Bible

¹⁰ Kabiriŋ Samuweli be ñiŋ jani sadaa bondi kaŋ, Filisitinkoolu naata naŋ ka naa Banisirayila kele. Bari wo luŋo Yaawe ye saŋ feteŋ baa kumandi Filisitinkoolu kaŋ, wo le ye ì kijoo teyi. Bituŋ Banisirayilankoolu naata ì noo keloo la.

1 Samuweli 7:10 Mawu Ofanana

Jabuuroolu 18:15

Fankaasoo duuma, wulumbaŋolu fintita jee, kabiriŋ ite Yaawe ye i jawoolu tindi niŋ i la niijii foñoo la. Duniyaa fondamaŋolu kenseŋyaata, i la dandalaaroo waatoo la.

Jabuuroolu 29:3

Yaawe kumakaŋo jiita baajiyolu kaŋ, Alla, Mansa Kallankewo bumbunta, aduŋ a kumakaŋo ye i danku fankaasoolu to.

Jabuuroolu 29:4

Yaawe kumakaŋo semboo warata le, a warata, aduŋ a kaawakuuyaata.

Jabuuroolu 78:66

A ye a jawoolu murundi ì koo la le, ka ì bulandi maloo kono fo fawu.

Jakariya 4:6

Bituŋ malaayikoo ko n ye ko, “Yaawe* la kumoo fele Serubabeli ye, a ko: ‘A maŋ ke semboo ti, a maŋ ke waroo ti, n na Nooroo doroŋ ne si a ke noo.’ Yaawe Alihawaa Maariyo* le ye a fo.

5 Musa 28:7

Niŋ ali jawoolu wulita ali kamma, Yaawe be a ke la le ali ye ì noo. Ì be naa la ali kaŋ sila kiliŋ ne la, bari ì boritoo, ì be janjaŋ na le.

Yosuwa 10:10

Yaawe ye ì kijoo teyi le, kabiriŋ ì ye Banisirayilankoolu hayinaŋ. Ate le ye a tinna, Banisirayilankoolu ye ì noo kendeke keloo to, meŋ keta Kibeyoni. Ate le ye a tinna fanaa, ì ye ì bayi fo Beti-Horoni Konko seleraŋ siloo kaŋ. Ì tententa ka ì faa ka taa fo Aseka aniŋ Makeda.

Kiitindirilaalu 4:15

Kabiriŋ Baraki niŋ hawusari* daa diimaa aniŋ a la kewolu ñorita ñaato, Yaawe ye Sisera cawundi, a la kelediŋolu niŋ ì la sareetoolu bee. Bituŋ Sisera sawunta ka bo a la sareetoo kaŋ, a borita ka taa a siŋo la.

Kiitindirilaalu 5:20

Looloolu ye keloo ke ka bo santo, ì boritoo, ì ye Sisera kele.

Kiitindirilaalu 5:8

Kabiriŋ ì ye alla kutoolu tomboŋ, keloo naata tara saatewo dundaŋ daalu* to. Tankaraŋ ne maŋ tara Banisirayila la ñiŋ moo wuli taŋ naanoo bulu, sako sooroo.

1 Samuweli 12:17

M̀ be tilikandoo le kono saayiŋ, bari m be duwaa la le, aduŋ Yaawe be samaa niŋ saŋ feteŋo jindi la le. Niŋ ñiŋ keta, ali be a loŋ na le ko, ali ye junube baa le soto Yaawe la karoo la, kabiriŋ ali ko, a ye mansa dii ali la.”

1 Samuweli 14:15

Filisitinkoolu mennu bee be bankoo dandaŋo la kijoo farata le, tiñaarilaalu aniŋ kelediŋolu mennu be daakaa to silata le fo ì ka jarajara. Bankoo jarajarata, aduŋ moolu kijoo farata baake le.

1 Samuweli 2:10

Moolu mennu ye Yaawe soosoo, wolu be kasaara la le. A be sari la ì kaŋ ne ko saŋ feteŋo ka bo saŋo kono ñaameŋ. Yaawe be duniyaa bee kiitindi la le. A be semboo dii la a la mansa la le. A be a la tomboŋ moo la dawuloo wulindi la le.

1 Samuweli 7:11

Banisirayilankoolu tariyaatoo fintita Misipa, ì ye Filisitinkoolu bayindi, ì be ì faa kaŋ, fo ì futata Beti-Kari.