1 Samuweli 6:13 - Mandinka Bible

¹³ Wo waatoo Beti-Semesinkoolu be ì la wiiti* siimaŋo le kati kaŋ wulumbaŋo kono, aduŋ kabiriŋ ì ye ì kuŋo wuli, ì ye Kambeŋ Kunewo je, ì kontaanita kendeke.

1 Samuweli 6:13 Mawu Ofanana

Yosuwa 15:10

Ka bo Baala, naanewo ñiŋ muruta wo la naŋ ka taa Seyiri Konkoo to, tilijii karoo la. A tententa wo la ka taa fo Yeyarimu Konkoo maraa karoo la, ì ka daameŋ kumandi Kesaloni la. Bituŋ a jiita naŋ wo la Beti-Semesi saatewo to la, ka tambi Timuna saatewo to la.

1 Samuweli 6:12

Bituŋ ninsoolu ye a tiliŋ fo Beti-Semesi maafaŋo la, aduŋ ì ye siloo muta, ì be kuma la, bari ì maŋ taa bulubaa la sako maraa. Filisitinkoolu la maralilaalu ye ì nooma le, fo ì futata Beti-Semesi la naanewo to.

1 Samuweli 6:14

Sareetoo taata le fo Yosuwa Beti-Semesinkoo la kunkoo to, a loota bere baa daala. Moolu ye sareetoo la dokoolu kuntuŋ-kuntuŋ, bituŋ ì ye ninsoolu faa, ì ye ì ke jani sadaa ti Yaawe ye.