1 Samuweli 5:4 - Mandinka Bible

⁴ Bari wo saamoo soomandaa kabiriŋ ì wulita, ì ye a tara Dakoni be boyiriŋ a ñaadaa kaŋ bankoo to Alla la Kambeŋ Kunewo ñaatiliŋo la kotenke. A kuŋo niŋ a buloolu bee kunturiŋo be laariŋ bundaa kuŋo to, a baloo dammaa le tuta jee.

1 Samuweli 5:4 Mawu Ofanana

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Yesaya 40:20

Fuwaaroo meŋ maŋ sanoo waraŋ kodiforoo soto, ka yiroo le ñini meŋ te tiñaa la. A ka leserilaa bulu koyiriŋo le ñini ka jalaŋo dadaa a ye, meŋ te busandi la.

Yeremiya 10:11

Yaawe ko: “Yeremiya, a fo ì ye ko: Wo alloolu mennu maŋ saŋo niŋ bankoo daa, ì be kasaara la le ka bo bankoo kaŋ, aniŋ ka bo saŋ fatoo koto.”

Yeremiya 10:14

Ate ñaa la, hadamadiŋo bee le mu hakilintaŋo ti, ì maŋ londi soto. Wo tunkannaalu meŋ-wo-meŋ ka malu le, a la jalaŋolu kamma la, kaatu tunkannaalu la batufeŋolu mu kenseŋ ne ti, niijii foño te ì kono.

Yeremiya 10:15

Feŋ fuuriŋolu le mu, jelefeŋyaa feŋolu. Niŋ ì jarabi waatoo siita, ì be kasaara la wo le fee.

Yeremiya 50:2

“Kiilaariyaa kumoo bankee bankoolu kaŋ ka a kankulaa, bandeeroo wulindi, i ye a kankulaa. Kana a ke kulloo ti, a fo ko, ì be Babiloni muta la keloo to le! Jalaŋ Beli be bula la maloo kono le, wo jalaŋ Merodaki be jikilateyi la le! Babiloni batufeŋolu be bula la maloo kono le, a jalaŋ ñewundiŋolu ye jikilateyi!

Daniyeli 11:8

Wo koolaa a be ì la jalaŋolu muluŋolu samba la Misira le, a ye mennu taa keloo kono, aniŋ ì ye kodiforo jooraŋolu niŋ sani jooraŋolu mennu londi ì batoo kamma. A be sanji dantaŋ sii la le, a te Aramu mansa boyinkaŋ na.

Mika 1:7

A jalaŋ leseriŋolu bee be teyiŋ-teyiŋ na le, tumbuŋo doroŋ ne be tu la jee. Jalaŋ batudulaa naafuloo meŋ sotota cakayaa la, a bee be jani la dimbaa le la. Kaatu cakoolu la joo le mu, a be ke la cakoolu la joo ti banku koteŋ ne kaŋ.”

1 Samuweli 6:5

Ali maadiŋ muluŋolu dadaa, aniŋ ñina muluŋolu, mennu ka bankoo kasaara, aduŋ ali si Banisirayila la Alla horoma. A si ke noo le, a ye a buloo bo ali niŋ ali la alloolu kaŋ, aniŋ ali la bankoo.