1 Samuweli 4:22 - Mandinka Bible

²² A ko, “Yaawe la semboo niŋ waroo bota Banisirayila bala le, kaatu ì ye Yaawe la Kambeŋ Kunewo taa le.”

1 Samuweli 4:22 Mawu Ofanana

Jabuuroolu 78:64

Ì ye ì la piriisoolu* faa hawusaroo la le, ì la furuyaamusoolu maŋ saŋakumboo ke noo.

Niikuyaa Suukuwolu 2:1

Ayiwaalii! Maariyo la kamfaa kamma la, a ye tawali dibiriŋo le wanka Siyoni* moolu kunto. A ye Banisirayila darajoo jindi bankoo to le, ka bo naŋ saŋo santo. A ye Siyoni muta le ko, a siŋ looraŋo le mu nuŋ, bari saayiŋ a ye a hakiloo bo a kaŋ ne, a la kamfaa waatoo la.

Yohana 2:17

Wo to le a la saayiboolu hakiloolu bulata kumoo la, meŋ safeeta nuŋ ko: “Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa.”

1 Samuweli 2:34

I dinkee fuloo Hofuni niŋ Pineha be ke la taamanseeroo le ti i ye, ì bee be faa la luŋ kiliŋo le la.

1 Samuweli 3:12

Wo waatoo le m be kuwolu taamandi la, ŋa mennu bee fo Eli la dimbaayaa la jawuyaa to, ka bo foloodulaa fo labaŋo to.

1 Samuweli 4:21

A ye kambaanoo toolaa Ikabodi le la, ka a yitandi ko, Yaawe la semboo niŋ waroo bota Banisirayila bala le, kaatu ì ye Alla la Kambeŋ Kunewo taa le, aniŋ a bitankewo niŋ a keemaa la saayaa.

1 Samuweli 5:1

Kabiriŋ Filisitinkoolu ye Alla la Kambeŋ Kunewo* taa, ì ye a bondi Ebenesa, ì ye a samba Asidodi.