1 Samuweli 4:19 - Mandinka Bible

¹⁹ Pineha la musoo meŋ mu Eli bitammusoo ti, konoo tarata wo la, aduŋ a be a la wuluu karoo le kono. Kabiriŋ a ye ñiŋ kibaaroo moyi ko, ì ye Alla la Kambeŋ Kunewo taa le, a bitankewo fanaa faata aniŋ a keemaa, tiŋo ye a maa. A ñoyita doroŋ, a wuluuta.

1 Samuweli 4:19 Mawu Ofanana

1 Musa 3:16

A ko musoo ye ko, “M be bataa kuu baa lafaa la i la karoo la, niŋ konoo be i la. I be diŋolu wuluu la dimoo le kono. Bari hani wo, i keemaa la kuwo be tara la i meeyaariŋ ne, aduŋ ate le be mara la i ma.”

1 Musa 35:17

Kabiriŋ tiŋo koleyaata, bituŋ timmutalaa naata a fo a ye ko, “Kana sila, kaatu i ka naa dinkewo le soto kotenke.”

1 Mansoolu 14:1

Wo waatoo kono Mansa Yerobowamu dinkewo Abiya naata saasaa.

Jabuuroolu 78:64

Ì ye ì la piriisoolu* faa hawusaroo la le, ì la furuyaamusoolu maŋ saŋakumboo ke noo.

Yeremiya 26:6

Niŋ ali maŋ i lamoyi n na, m be n na ñiŋ Batudulaa Buŋo buruka la le ko ŋa n na batudulaa ke ñaameŋ, meŋ tarata nuŋ Silo saatewo to. Wo to le m be ñiŋ saatewo ke la danka feŋo ti duniyaa banku koteŋolu bee ye.”

1 Samuweli 4:18

Kabiriŋ a ye Alla la Kambeŋ Kunewo la kuwo fo, Eli boyita a la siiraŋo kooma la saatee dundaŋ daa to. A kaŋo katita, aduŋ a faata, kaatu a kotoota le, a baloo kuliyaata. A ye Banisirayila ñaatonkayaa le fo sanji taŋ naani.

1 Samuweli 4:20

Kabiriŋ a niyo be bo kaŋ, musoolu mennu ye a timmuta ko a ye ko, “I faŋo bambandi, i ye dinkewo le wuluu.” Bari a maŋ i lamoyi ì la, waraŋ ka ì jaabi.