1 Samuweli 4:18 - Mandinka Bible

¹⁸ Kabiriŋ a ye Alla la Kambeŋ Kunewo la kuwo fo, Eli boyita a la siiraŋo kooma la saatee dundaŋ daa to. A kaŋo katita, aduŋ a faata, kaatu a kotoota le, a baloo kuliyaata. A ye Banisirayila ñaatonkayaa le fo sanji taŋ naani.

1 Samuweli 4:18 Mawu Ofanana

Jabuuroolu 26:8

Hee Yaawe, ŋa i taradulaa buŋo kanu le, i la semboo niŋ waroo be daameŋ to.

Jabuuroolu 42:10

Ì la nendiroolu ka duŋ n na le fo n kuloo kono, bayiri luŋ-wo-luŋ ì ka n ñininkaa le ko, “I la Alla lee?”

Jabuuroolu 42:3

N ka kumboo le suutoo niŋ tiloo, aduŋ n ñaajiyo doroŋ ne mu n na domoroo ti. N jawoolu ka tu la a fo la n ye le ko, “I la Alla lee?”

Jabuuroolu 69:9

Ŋa hamoo meŋ soto i Batudulaa Buŋo* la kuwo to, a ka mala n kono le ko dimbaa, aduŋ moolu mennu ka i neŋ, ì la nendiroolu ka laa nte le kaŋ.

3 Musa 10:3

Bituŋ Musa ko Haaruna ye ko, “Yaawe ye ñiŋ ne fo ko: ‘M be n na seneyaa yitandi la le ka bo niŋ moo-wo-moo la, meŋ be sutiyaariŋ n na, fo moolu bee si n kuliyaa.’ ” Bari Haaruna tuta deyiriŋ ne.

Kiitindirilaalu 15:20

Samuuda ye Banisirayilankoolu ñaatonkayaa Filisitinkoolu la waatoo la fo sanji muwaŋ.

1 Samuweli 4:13

Kabiriŋ a futata, Eli be siiriŋ nuŋ a la siiraŋo le kaŋ siloo daala ka i lamoyi, kaatu Alla la Kambeŋ Kunewo la kuwo ye a dewuŋ baake le. Kabiriŋ keendiŋo dunta saatewo kono, a ye kuwo keñaa saata, saatewo bee datita ka kumboo.

1 Samuweli 4:17

Keendiŋo meŋ ye kibaaroo naati ko a ye ko, “Banisirayilankoolu borita Filisitinkoolu ñaato le, aduŋ kelediŋolu faata baake le. I dinkee fuloo Hofuni aniŋ Pineha fanaa faata le, aduŋ ì ye Alla la Kambeŋ Kunewo taa le.”

1 Samuweli 4:19

Pineha la musoo meŋ mu Eli bitammusoo ti, konoo tarata wo la, aduŋ a be a la wuluu karoo le kono. Kabiriŋ a ye ñiŋ kibaaroo moyi ko, ì ye Alla la Kambeŋ Kunewo taa le, a bitankewo fanaa faata aniŋ a keemaa, tiŋo ye a maa. A ñoyita doroŋ, a wuluuta.