1 Samuweli 4:17 - Mandinka Bible

¹⁷ Keendiŋo meŋ ye kibaaroo naati ko a ye ko, “Banisirayilankoolu borita Filisitinkoolu ñaato le, aduŋ kelediŋolu faata baake le. I dinkee fuloo Hofuni aniŋ Pineha fanaa faata le, aduŋ ì ye Alla la Kambeŋ Kunewo taa le.”

1 Samuweli 4:17 Mawu Ofanana

Jabuuroolu 78:61

A ye a la Kambeŋ Kunewo* duŋ jawoolu bulu le, a la semboo niŋ a la kallankeeyaa* misaaloo.

Jabuuroolu 78:64

Ì ye ì la piriisoolu* faa hawusaroo la le, ì la furuyaamusoolu maŋ saŋakumboo ke noo.

1 Samuweli 2:34

I dinkee fuloo Hofuni niŋ Pineha be ke la taamanseeroo le ti i ye, ì bee be faa la luŋ kiliŋo le la.

1 Samuweli 3:11

Bituŋ Yaawe ko Samuweli ye ko, “A juubee, m pareeta ka kuu le ke Banisirayila kono, meŋ be a tinna la, niŋ moo-wo-moo tuloo ye a moyi, a si dewuŋ.

1 Samuweli 3:12

Wo waatoo le m be kuwolu taamandi la, ŋa mennu bee fo Eli la dimbaayaa la jawuyaa to, ka bo foloodulaa fo labaŋo to.

1 Samuweli 4:16

A ko Eli ye ko, “Saayiŋ-saayiŋ ne m bota naŋ kele wuloo kono, bii luŋo faŋo le mu m borita naŋ.” Eli ye a ñininkaa ko, “N dinkewo, muŋ ne keta?”

1 Samuweli 4:18

Kabiriŋ a ye Alla la Kambeŋ Kunewo la kuwo fo, Eli boyita a la siiraŋo kooma la saatee dundaŋ daa to. A kaŋo katita, aduŋ a faata, kaatu a kotoota le, a baloo kuliyaata. A ye Banisirayila ñaatonkayaa le fo sanji taŋ naani.