1 Samuweli 26:10 - Mandinka Bible

¹⁰ A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.

1 Samuweli 26:10 Mawu Ofanana

1 Musa 47:29

Kabiriŋ saayaa sutiyaata naŋ Isirayila la, a ye a dinkewo Yusufa kumandi, a ko a ye ko, “Niŋ ŋa a soto i la, i buloo laa n kenoo kaŋ ka laahidoo taa n ye ko, i be tiliŋo niŋ tooñaa le yitandi la n na. Kana m baadee Misira bankoo kaŋ.

Yuuba 14:14

Niŋ hadamadiŋo faata, fo a be wuli la le koteŋ baŋ? M be tara la muñariŋ n na bataa luŋolu bee kono le, fo janniŋ m firiŋ luŋo.

Yuuba 14:5

Hadamadiŋo la baluwo ye dandulaa le soto. Ite Alla, ite le ye a baluu tiloo nankamoo loŋ, a te tambi noo la meŋ na.

Yuuba 7:1

Fo hadamadiŋo buka dookuu koleŋo le ke duniyaa kono baŋ? A ka tara boriŋ-boriŋ kaŋ ne luŋ-wo-luŋ komeŋ tili dookuulaa.

Jabuuroolu 37:10

Hani a te mee la, moo kuruŋolu be yeemaŋ na. I si ì ñiniŋ, bari i te ì je la.

Jabuuroolu 37:13

Bari Maariyo ka jele moo jawoo la le, kaatu a ye a je le ko, sambii a la luŋo be sii la.

Jabuuroolu 94:23

A be ì joo la ì la kuu jawu kewo la le, a ye ì kasaara ì la junuboolu kamma la. Yaawe n na Alla be ì kasaara la le.

Kawandilaa 3:2

Waati le be wuluwo la, waati be faa la. Waati le be tuturoo la, waati be wuturoo la.

Luka 18:7

Wo to, fo Alla te a la tomboŋ moolu la hakoo dii la ì la baŋ, mennu ka kumboo a ma suutoo niŋ tiloo? Fo a be mee la le baŋ, janniŋ a be ì maakoyi la?

Roomankoolu 12:19

N kanuntewolu, ali kana ì joo ali faŋ ye, bari wo noo to, ali Alla seyi jee, kaatu a be safeeriŋ ne ko: “Maariyo ko, ‘Julujoo mu nte le taa ti, m be n joo la le.’ ”

5 Musa 31:14

Yaawe ko Musa ye ko, “I la saayaa waatoo maŋ jamfa saayiŋ, wo to Yosuwa kumandi, ali ye naa Bendulaa Tiriliisi Senuŋo* kono, fo n si a londi ka a ke ñaatonkoo ti.” Bituŋ Musa niŋ Yosuwa taata Bendulaa Tiriliisi Senuŋo kono.

5 Musa 32:35

Julujoo mu Yaawe le taa ti, a be ì joo la a ñaama le, ì be boyi la a waatoo la le, a te mee la, mantooroo be jii la ì kaŋ, maasiiboo be ì moonee la le.

Hiburunkoolu 10:30

Ŋà ate loŋ ne, meŋ ye ñiŋ fo ko, “Julujoo mu nte le taa ti, m be a joo la le.” Aduŋ a be safeeriŋ fanaa le ko, “Maariyo be a la moolu le kiitindi la.”

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Lankenemoo 18:8

Wo kamma la, luŋ kiliŋ mantooroolu be boyi la a kaŋ ne, alibalaa kuuraŋo, woosiyo aniŋ konko jawoo. A be kasaara la niŋ dimbaa le la, kaatu sembe baa be Maarii Alla le bulu, meŋ ye a kiitindi.”

1 Samuweli 24:12

Allamaa Yaawe ye kiitiyo teyi ǹ teema. Allamaa Yaawe ye i joo i to, i ye kuu jawoolu mennu ke n na, bari nte buloo te i maa la.

1 Samuweli 24:15

Allamaa Yaawe ye ke ǹ na kiitiilaa ti, a ye kiitiyo kuntu ǹ teema. Allamaa a ye n daliiloo je, aduŋ a ye a ke a ñaama. Allamaa a ye n koyindi, ka m bondi i buloo kono.”

1 Samuweli 25:26

Saayiŋ, Alla ye i tanka le, n na keebaa, i maŋ moo faa, aniŋ ka i joo niŋ i faŋo buloo la. A be koyiriŋ ñaameŋ ko Yaawe* be baluuriŋ ne aniŋ ite faŋo, Allamaa i jawoolu, aniŋ moo-wo-moo pareeta ka kuu jawoo ke ite la, ye ke ko Nabali be ke la ñaameŋ.

1 Samuweli 25:38

Tili taŋ ñaato Yaawe ye a ke, Nabali faata.

1 Samuweli 25:39

Kabiriŋ Dawuda ye a moyi ko, Nabali faata le, a ko, “Jayiroo be Yaawe ye, meŋ ye i joo n ye Nabali to, a ye n neŋ meŋ kamma, aduŋ a ye nte a la dookuulaa tanka kuu jawoo kewo la le. Yaawe ye Nabali yankankati a la kuu jawoo le la.” Bituŋ Dawuda ye kiilaalu kii Abikali yaa ka a fo a ye ko, a lafita a futuu la le.

1 Samuweli 31:4

Sawulu ko a la kelejooraŋ sambalaa ye ko, “I la hawusaroo* saba naŋ, i ye m faa. Niŋ wo nte, ñiŋ moo sunnabaloolu be n soo la le, aduŋ ì be tuluŋ na m furewo la le.” Bari kelejooraŋ sambalaa maŋ haañi ka wo ke. Wo to le Sawulu ye a fansuŋ hawusaroo londi, a ye a faŋ fayi a kaŋ.

1 Samuweli 31:6

Bituŋ Sawulu niŋ a dinkee saboo, a la kelejooraŋ sambalaa aniŋ a la kewolu bee faata luŋ kiliŋ ne.