1 Samuweli 25:5 - Mandinka Bible

⁵ Wo to le a ye fondinkee taŋ kii, aduŋ a ko ì ye ko, “Ali taa fo Nabali yaa Karimeli, ali ye kontondiroo futandi a ma niŋ n too la.

1 Samuweli 25:5 Mawu Ofanana

1 Musa 43:23

Dookuulaa ñiŋ ko ì ye ko, “Ali kana ali faŋ batandi wo la! Ali kana sila! A si ke noo, ali la Alla, meŋ mu ali faamaa la Alla ti, le ye ñiŋ kodoo murundi ali la bootoolu kono. Ŋa ali la kodoo muta le, ali ye meŋ joo.” Bituŋ a ye Simeyoni fintindi ì ye naŋ.

1 Taarika 12:18

Bituŋ wo to le Yaawe la Nooroo jiita Amasayi kaŋ kelejawara taŋ saboo ñaatonkoo, bituŋ a ko, “Hee Dawuda Yese dinkewo, ntolu mu i fansuŋ moolu le ti! Neemoo be i niŋ i la kafoo ye, aduŋ neemoo be moo-wo-moo ye meŋ kafuta i ma ka i maakoyi, kaatu Alla be ali fee le.” Wo to le Dawuda sonta ì ye kafu a ma, aduŋ a ye ì ke a la kelediŋ kafu ñaatonkoolu ti.

1 Samuweli 17:18

I si ciisi taŋ taa, i ye a dii ì la kelediŋ kafu kuntiyo la. I si i kotoolu la kuwo koroosi, i ye taamanseeri naati n ye, ka a yitandi ko, i ye ì je le, aduŋ tana-wo-tana te ì la.

1 Samuweli 17:22

Dawuda ye a la feŋolu tu bakaasi kantalaa bulu, bituŋ a borita keledulaa to, a taata a kotoolu kontoŋ.

1 Samuweli 25:4

Kabiriŋ Dawuda be keñewuloo kono, a ye a moyi ko, Nabali be saajiitii kuntoo le la.

1 Samuweli 25:6

Ali a fo a ye ko, Allamaa a so la siimaayaa la. Allamaa a faŋo, a la dimbaayaa aniŋ a la sotofeŋolu bee so la kayiroo la.