1 Samuweli 25:39 - Mandinka Bible

³⁹ Kabiriŋ Dawuda ye a moyi ko, Nabali faata le, a ko, “Jayiroo be Yaawe ye, meŋ ye i joo n ye Nabali to, a ye n neŋ meŋ kamma, aduŋ a ye nte a la dookuulaa tanka kuu jawoo kewo la le. Yaawe ye Nabali yankankati a la kuu jawoo le la.” Bituŋ Dawuda ye kiilaalu kii Abikali yaa ka a fo a ye ko, a lafita a futuu la le.

1 Samuweli 25:39 Mawu Ofanana

1 Mansoolu 2:44

Mansa ko Simeyi ye fanaa ko, “Ite faŋo ye a loŋ i faŋo sondomoo kono le, i ye kuu jawoo meŋ ke m faamaa Dawuda la. Wo to Yaawe be i la kuu jawoo murundi la i faŋo kuŋo kaŋ ne.

Esita 7:10

Bituŋ ì ye Hamani deŋ moo dendulaa bala a faŋo ye meŋ parendi Moridekayi ye. Bituŋ mansa la kamfaa bota.

Esita 9:25

Bari kabiriŋ mansa ye ñiŋ feeroo kalamuta, a ye yaamari safeeriŋo le dii meŋ ye a tinna Hamani bulata a faŋo la mantooroo kono, aduŋ ì ye a niŋ a dinkewolu bee le deŋ moo dendulaa bala.

Jabuuroolu 7:16

A la feere kuruŋolu ka naa donko a faŋo kuŋo le kaŋ. A ka fitinoo meŋ kurukuru, a be denkuŋ na a faŋo le kaŋ.

Jabuuroolu 9:5

I ye bantala banku* moolu jalayi le, i ye moo kuruŋolu kasaara. I ye ì toolu buruka duniyaa kono le fo fawu.

Kuma Kotoomaalu 18:22

Musu sotoo mu kewo fee kuu kendoo le ti, aduŋ a ka maakoyiroo soto Yaawe bulu le.

Kuma Kotoomaalu 19:14

Buŋolu niŋ naafuloo ka keetaa wuluulaalu le bulu, bari musoo meŋ ka a kekuwo loŋ, wo ka bo Yaawe le bulu.

Kuma Kotoomaalu 22:23

kaatu Yaawe le be loo la ì ye, aduŋ moo-wo-moo ye ì la feŋolu taa, a be i niyo taa la le.

Kuma Kotoomaalu 31:10

Jumaa le si musu kendoo soto noo? Musu kendoo le jarita ka tambi luuluwo la.

Kuma Kotoomaalu 31:30

Ñiiñaa si bo noo moo koto le, kuma diimaa si moo neenee noo, bari musoo meŋ silata Yaawe* la, wo ñanta le ka jayi.

Suukuwo 8:8

Ŋà doomusuriŋ ne soto, dindiŋo le mu, a sunjoo maŋ bo foloo. M̀ be muŋ ne ke la ǹ doomusoo ye luŋ meŋ na, ì ye a la kuwo maa?

Mika 7:9

Ŋà junube kuwo le ke a la, wo kamma la m̀ be muña la a la kamfaa la ǹ kamma le, fo janniŋ a be loo la ǹ na kuwo la, a ye ǹ na kuwo tooñaa londi. A be m̀ fintindi la diboo kono le, ka ǹ dundi maloo kono, m̀ be a la makatibayoo je la le.

2 Korintinkoolu 13:7

Ǹ ka Alla daani le saayiŋ, fo ali kana kuu kuruŋ ke. A maŋ kummaayaa nte ye ko, moo doolu ñanta ka a miira le, ntolu maŋ boyi kotoboroo kono. Meŋ kummaayaata wo mu ñiŋ ne ti ko, alitolu si baara kuu betoo la, hani niŋ moolu be ntolu la kuwo muta la le ko, m̀ boyita kotoboroo kono le.

1 Tesalonikankoolu 5:23

Allamaa Alla faŋo meŋ ka kayiroo dii, a ye ali muumewo seneyandi. Allamaa ali la nooroolu, ali niyolu aniŋ ali balajaatoolu bee ye tanka sootaari sotoo ma, fo janniŋ Maarii Yeesu Kiristu be naa la.

2 Timoti 4:18

Maariyo be n kanandi la kuu jawoolu bee ma le, a be n samba la tankoo kono a la mansabaayaa to, Arijana. Tenturoo niŋ jayiroo be ate le ye fo abadaa. Amiin.

Kiitindirilaalu 5:2

Banisirayilankoolu pareeta le ka keloo ke, moolu wakiilita le ka ì faŋolu dii. Ali Yaawe* tentu!

1 Samuweli 24:15

Allamaa Yaawe ye ke ǹ na kiitiilaa ti, a ye kiitiyo kuntu ǹ teema. Allamaa a ye n daliiloo je, aduŋ a ye a ke a ñaama. Allamaa a ye n koyindi, ka m bondi i buloo kono.”

1 Samuweli 25:26

Saayiŋ, Alla ye i tanka le, n na keebaa, i maŋ moo faa, aniŋ ka i joo niŋ i faŋo buloo la. A be koyiriŋ ñaameŋ ko Yaawe* be baluuriŋ ne aniŋ ite faŋo, Allamaa i jawoolu, aniŋ moo-wo-moo pareeta ka kuu jawoo ke ite la, ye ke ko Nabali be ke la ñaameŋ.

1 Samuweli 25:32

Dawuda ko Abikali ye ko, “Jayiroo be Yaawe ye, Banisirayilankoolu la Alla, meŋ ye i kii naŋ, ka naa n yaa bii.

1 Samuweli 25:34

A be koyiriŋ ñaameŋ ko Yaawe Banisirayilankoolu la Alla be baluuriŋ ne, niŋ i maŋ naa nuŋ tariyaake ka n waliŋ, hani kee kiliŋ meŋ be Nabali la karoo la te baluu la, janniŋ fanoo ka ke. Yaawe ye n tanka le ka kuu jawoo ke i la.”

1 Samuweli 25:40

A la dookuulaalu taata Karimeli, ì ko Abikali ye ko, “Dawuda ko, ŋà i samba a ye, i ye ke a la musoo ti.”

1 Samuweli 26:10

A ko, “A be koyiriŋ ñaameŋ ko Yaawe be baluuriŋ ne, Yaawe faŋo le be a faa la. A la waatoo le be sii la, a ye faa, waraŋ a ye taa keloo la, a ye kasaara jee.