1 Samuweli 25:36 - Mandinka Bible

³⁶ Kabiriŋ Abikali taata Nabali yaa, a ye a tara buŋo le kono, a be feetoo ke kaŋ komeŋ mansa. A jusoo be laariŋ ne, aduŋ a be siirariŋ baake le. Bituŋ Abikali maŋ feŋ fo a ye fo fanoo keta.

1 Samuweli 25:36 Mawu Ofanana

2 Samuweli 13:23

Sanji fula ñaato, kabiriŋ Abusalomu la saajiitii kuntulaalu be Baali-Hasori Efurayimu* naanewo daala, a ye mansa dinkewolu bee buuñaatoo kumandi le, ka naa jee.

2 Samuweli 13:28

Abusalomu ye a la kewolu yaamari ko, “Ali i lamoyi! Niŋ Amunoni ye doloo miŋ, fo a siirata, aduŋ n ko ali ye ko, ali a faa, ali si a faa. Ali kana sila. Fo nte le maŋ ali yaamari, ka a ke baŋ? Ali si fatiyaa, ali ye bambaŋ!”

2 Samuweli 3:20

Kabiriŋ Abuna meŋ niŋ kee muwaŋ tarata ñoo kaŋ taata Dawuda yaa Heburoni, a ye feetoo le ke Abuna niŋ a la kewolu ye.

1 Mansoolu 20:16

Ì wulita tilibuloo waatoo ka taa, wo tumoo Beni-Hadadi niŋ mansa taŋ saba niŋ fuloo mennu be laariŋ ñoo kaŋ be ì la dolo mindulaa jembereŋolu koto dolomiŋ baa la.

Jabuuroolu 112:5

Neemoo be moo ye le meŋ ka niiroo ke baake, a ka moolu donto, aduŋ a ka a la kuwolu bee taamandi niŋ tiliŋo la.

Kuma Kotoomaalu 20:1

Doloo ka i bula ñaawalitoo kuu kewo le la, a ka moo dundi keloo le kono, a ye moo-wo-moo filindi, i maŋ ñaameŋ.

Kawandilaa 10:19

Domori kendoo ka dadaa faŋ seewondoo le kamma, wayinoo* ye niyo seewondi, kodoo, wo ka ñinnu bee le ke.

Yesaya 28:3

Ŋaañaaraŋo meŋ keta Efurayimu* siiratoolu la kibirilaŋo ti, bee be doriŋ-doriŋ na siŋo le la.

Yesaya 5:11

Kooroo be wo moolu ye, mennu ka wuli soomandaa juunoo ka taa doloo ñini, ka yaayi, ka tara banta fo suuto baa, ì ye wayinoo miŋ fo ì ye siira.

Yeremiya 51:57

M be a ñaatonkoolu niŋ a moo ñaamendiŋolu siirandi la le, a maralilaalu, wolu noomalankoolu, aniŋ a kelejawaroolu. M be ì tundi la siinoo le kono ì kana kuniŋ.” Mansoo le ye a fo, meŋ too mu Yaawe Alihawaa Maariyo ti.

Hoseya 4:11

Yaawe ko: “Cakayaa, wayini* kutoo aniŋ wayini kumuŋo, wolu le ye n na moolu la fahaamuroo taa.

Nahumu 1:10

Ì si ke ko niŋ feŋo maranta ŋaniŋo kono, ì ye ke ko siiratoo, dimbaa ye ì domo ko ñaama jaaroo.

Matiyu 10:16

“Ali a kalamuta ko, m be ali kii kaŋ banta le ko saajiyolu, mennu be suluwolu kono. Wo kamma la ali si feere ko woloo, aniŋ ali si sooneeyaa ko puraa.

Luka 14:12

Yeesu diyaamuta kewo ye fanaa, meŋ ye a buuñaatoo kumandi ko: “Niŋ i ye kontoŋo waraŋ siimaŋo parendi i la feetoo ye, kana i teeroolu kumandi, i baadinkewolu, i baadiŋ sutuŋolu waraŋ i siiñoo fankamaalu. Niŋ wo nte, ì fanaa be i buuñaatoo kumandi la i taa to, aduŋ wo le be ke la i la joo ti.

Luka 21:34

“Ali koroosiroo ke, fo ali sondomoolu kana tu looriŋ domori diimaalu kaŋ, siiroo waraŋ ñiŋ duniyaa la suulakuwolu. Niŋ wo nte, wo luŋo be ali terendi la le, a ye ali muta ko kutindiŋo.

Roomankoolu 13:13

Ali m̀ maañaalu ye beteyaa ko mennu be maloo kono. Ali ǹ kana tara baluuriŋ bidaŋo niŋ siiroo kono, laañooyaa tuluŋolu niŋ malubaliyaa, waraŋ waaliyo niŋ kiiliyaa.

Efesusinkoolu 5:14

aduŋ feŋ-wo-feŋ meŋ jeta maloo kono, wo fanaa keta maloo le ti. Wo kamma la, a fota le ko: “Ite siinoolaa, kuniŋ i ye wuli saayaa kono, aduŋ Kiristu be a la maloo mala la i kaŋ ne.”

Efesusinkoolu 5:18

Aduŋ ali kana siira doloo la, meŋ ka fankeñaa lombaliyaa saabu ka kuu nooriŋolu ke, bari ali si faa niŋ Noora Kuliŋo la.

1 Samuweli 25:19

Bituŋ a ko a la dookuulaalu ye ko, “Ali tambi ñaato, m be ali nooma le.” Bari a maŋ a fo a keemaa Nabali ye.

1 Samuweli 25:37

Biriŋ fanoo keta, Nabali seyita a ñaama, a la musoo ye ñiŋ kumoolu bee fo a ye. Jusukuuraŋo ye a muta, a baloo faata.