1 Samuweli 25:10 - Mandinka Bible

¹⁰ Nabali ye Dawuda la dookuulaalu jaabi ñiŋ ne la ko, “Jumaa le mu ñiŋ Dawuda ti? Jumaa le mu ñiŋ Yese dinkewo ti? Ñiŋ luŋolu kono joŋ jamaalu le ka bori ì la keebaalu koto, ì ye tara ì faŋolu ye.

1 Samuweli 25:10 Mawu Ofanana

2 Samuweli 20:1

Saayiŋ, seetaani moo doo le tarata nuŋ jee, ì ka a fo meŋ ye Seba. Benjamini lasili moo le mu, aduŋ a keta Bikiri dinkewo le ti. A ye saakotoŋ binoo* fee, a wuurita ko, “M̀ maŋ talaari soto Dawuda la karoo la, hani feŋ, m̀ maŋ wo le soto Yese dinkewo la karoo la. Banisirayilankoolu, ali bee ye seyi ali la suwolu kono.”

1 Mansoolu 12:16

Kabiriŋ Banisirayila bee ye a je ko, mansa balanta le ka i lamoyi ì la, ì ye mansa jaabi ko: “Ŋà muŋ ne soto Dawuda la karoo la? Ntolu maŋ nii soto Yese dinkewo la kara la. Ali ali la buŋolu waliŋ, Banisirayilankoolu! Dawuda dinkewo si a faŋo la moolu mara!” Bituŋ Banisirayilankoolu seyita suwo kono.

2 Musa 5:2

Firawoona kumata ko, “Jumaa le mu Yaawe ti? Muŋ ne ye a tinna, m be n lamoyi la a la, ka Banisirayilankoolu bula ì ye taa? M maŋ Yaawe loŋ, aduŋ m maŋ taa Banisirayilankoolu bula la ì ye taa.”

Kuma Kotoomaalu 15:1

Jaabiri diimaa ka kamfaa bayi le, bari kuma kuumaa ka kamfandiroo le ke.

Kawandilaa 7:10

Kana a fo ko, “Muŋ ne ye a tinna nunto kuwolu beteyaata saayiŋ ti?” Ñiŋ ñininkaari siifaa, wo maŋ ke ñaameŋo ti.

Yesaya 32:5

Ì te toolewo kumandi la moo kummaa la kotenke, sako ka tapalewo buuñaa.

Yesaya 32:7

Tapalewo ka tapaleeyaa doroŋ ne taamandi, aniŋ ka kuu jawoo kurukuru. A ka fuwaaroolu kasaara a la faniyaa kumoo le la, hani a ye a tara wo fentaŋolu be tooñaa siloo le kaŋ.

Kiitindirilaalu 9:28

Kaali, Ebedi dinkewo kumata ko, “Muŋ ne be a tinna la, ntolu, Sekemunkoolu be bula la Abimeleki nooma? Fo ate le mu jumaa ti? Ate le mu Kideyoni dinkewo ti, a ye ñiŋ Sebuli le ke a noomalankoo ti ka ntolu mara. A be beteyaa la le, niŋ ali bulata Hamori koomalankoolu nooma, meŋ ye ñiŋ saatewo loo. Muŋ ne be a tinna la, ntolu be Abimeleki nooma la?

1 Samuweli 20:30

Sawulu jusoo bota Yonatani kamma, a ko a ye ko, “Ite baafutuubali diŋ! Fo m maŋ a loŋ ko, i ye Yese dinkewo ke i teeri ti i la maloo le kaŋ, aniŋ i baamaa meŋ ye i wuluu?

1 Samuweli 22:2

Moolu mennu be mantooroo kono, aniŋ juloo be mennu la, ka taa moolu mennu maŋ jusulaa kuwo soto, ì kafuta a ma le, aduŋ a keta ì la ñaatonkoo ti. Mennu tarata a fee kaañanta moo keme naani ñoŋ ne fee.

1 Samuweli 25:9

Kabiriŋ Dawuda la fondinkewolu futata, ì ye ñiŋ kiilaariyaa sindi Nabali la niŋ Dawuda tooyaa la. Bituŋ ì be i lamoyi kaŋ.