1 Samuweli 24:11 - Mandinka Bible

¹¹ M faamaa, a juubee, ŋa i la dendika kunturiŋo meŋ muta! N si i faa noo le, bari ŋa ñiŋ dammaa le kuntu. Ñiŋ ñanta a yitandi la le ko, m maŋ ke moo kuruŋo ti, aduŋ m maŋ lafi ka balaŋ i ma. I ka m bayindi le, fo i si m faa, aduŋ m maŋ feŋ-wo-feŋ ke i la.

1 Samuweli 24:11 Mawu Ofanana

2 Samuweli 1:14

Dawuda ye a ñininkaa ko, “Muŋ ne ye a tinna, i maŋ sila ka i buloo maa Yaawe la tomboŋ moo la ka a kasaara?”

2 Mansoolu 5:13

Bari a la dookuulaalu taata a kaŋ, ì ko a ye ko, “M faamaa, niŋ a ye a tara annabiyomoo ñiŋ ye kuu koleŋo le fo i ye nuŋ, fo i te a ke la baŋ? Wo to niŋ a ko i ye taa i kuu boloŋo to doroŋ i ye seneyaa, wakiili i ye taa.”

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Jabuuroolu 119:161

Maralilaalu ka n toorandi le, daliila te a la, bari ite le la kumoo silaŋo be n sondomoo kono.

Jabuuroolu 140:11

Allamaa moo neŋ fatiŋolu kana ñaatotaa soto ñiŋ bankoo kaŋ. Allamaa kuu jawoo ye tu fitina moolu teerindi la, ka ì kasaara.

Jabuuroolu 35:7

Ì maŋ daliila soto ka jaloo laa nte kamma, ka jamfaa dinkoo siŋ n kamma, daliila te a la.

Jabuuroolu 59:3

A juubee, ì be bitiriŋ n kamma le, ka m faa. Moo saŋaroolu le ye feeroo siti n kamma. Bari Yaawe*, a maŋ ke ko m boyita le waraŋ ŋa junuboo le ke.

Jabuuroolu 7:5

wo to Allamaa n jawoolu ye m bayindi, ì ye m muta. Allamaa ì ye n doriŋ-doriŋ bankoo to fo n siyo ye baŋ, ì ye m furewo landi buutoo kono. S

Kuma Kotoomaalu 15:1

Jaabiri diimaa ka kamfaa bayi le, bari kuma kuumaa ka kamfandiroo le ke.

Niikuyaa Suukuwolu 4:18

Ruk-ruk, a duuta! Ǹ jawoolu ka ǹ wulu deema le, ì ka m̀ bali finti la ǹ na mbeedoolu kaŋ. Ǹ labaŋo siita le, m̀ baluu tiloolu banta fereŋ-fereŋ.

Esekiyeli 13:18

A fo ì ye ko, nte Yaawe ì Maariyo ye ñiŋ ne fo ko: Kooroo be wo musoolu le ye, mennu ka safoolu siti moolu bulukaŋolu to aniŋ ì kuŋolu to, fo dindiŋ to baŋ, waraŋ fo keebaa. Fo ì ñanta n na moolu deema la le baŋ, ka ì mara ì faŋolu la nafaa kaŋ?

Mika 7:2

Alla ñaasilaŋ moolu bee banta bankoo kaŋ, hani moo tilindiŋ kiliŋ maŋ tu. Moo bee be hameriŋ ka yeloo boŋ, ka jawuyaa wereŋo laa hani ì faŋo baadiŋolu kamma.

Yohana 15:25

Bari ñiŋ keta le ka kumoo timmandi, meŋ be safeeriŋ Luwaa Kitaaboo* kono ko: ‘Ì ye n koŋ ne, daliila te a la.’

1 Samuweli 12:3

M fele looriŋ! Niŋ a ye a tara, ŋa kuu jawu le ke, ali a fo Yaawe* niŋ a ye mansa meŋ tomboŋ ñaa la. Ŋa jumaa le la ninsoo taa waraŋ a la faloo? Ŋa jumaa le tapaleeyaa waraŋ ka a batandi? Kabiriŋ m be kiitindiroo la, ŋa dukoo muta jumaa le bulu? Ñiŋ kuwolu kono, niŋ ŋa meŋ-wo-meŋ ke, ali a koyindi m ma, m be a joo la le.”

1 Samuweli 18:27

Dawuda niŋ a la moolu taata ì ye Filisitinka moo keme fula faa. A ye ì solimaa kunturiŋolu kemperiŋolu samba, a ye ì dii mansa la, fo a si ke mansa bitankewo ti. Sawulu ye a dimmusoo Mikali dii a la, a ye a futuu.

1 Samuweli 23:14

Dawuda tuta maaboriŋ tatoolu le kono, mennu be keñewuloo* kono aniŋ konkotundoo* kaŋ Sifu keñewuloo kono. Waati-wo-waati Sawulu ka a kata le, ka a muta, bari Alla maŋ Dawuda duŋ a bulu.

1 Samuweli 23:23

A ka tara maaboriŋ dulaalu mennu bee to, ali ye jee kuwolu bee kisikisi, aduŋ ali niŋ kuma koyoo si naa n kaŋ. Bituŋ n niŋ ali si taa ñoo la. Niŋ a be wo maafaŋo la, m be a muta la le, hani a ye a tara, m be ñinindiroo ke la Yahuuda kaabiiloolu bee le kono.”

1 Samuweli 25:28

Dukaree, i si yamfa ke nte la tooñeeroo la. Ŋa a loŋ ne ko, Yaawe be ite niŋ i koomalankoolu ke la mansoolu ti le fo abadaa. I ka Yaawe la keloolu ke le. Allamaa kuu jawoolu kana je i la baluwo bee kono.

1 Samuweli 26:18

A kumata ko, “M maarii, muŋ ne ye a tinna, i ka i la dookuulaa bayindi? Ŋa muŋ ne ke? Ŋa muŋ kuu jawu le ke, m maŋ ñaŋ na meŋ ke la?

1 Samuweli 26:20

Kana a ke, ŋa faa a maŋ ke Yaawe ñaa la. Muŋ ne ye a tinna Banisirayilankoolu la mansa be jaatakoloo ñini la, meŋ be ko nte. Muŋ ne ye a tinna a be nte ñini la ko bereto woloo konkoolu kaŋ?”

1 Samuweli 26:23

Yaawe ka moo-wo-moo joo i la tiliŋo niŋ i la foroyaa le la. Yaawe ye i duŋ m buloo kono le bii, bari n te m buloo maa la Yaawe la tomboŋ moo la.