1 Samuweli 21:4 - Mandinka Bible

⁴ Piriisoo ye Dawuda jaabi ko, “Mbuuru kenseŋ-kenseŋo te m bulu jaŋ. Mbuuru senuŋo* le be jaŋ. I si a taa, niŋ a ye a tara, i la kewolu niŋ musoolu maŋ kafu.”

1 Samuweli 21:4 Mawu Ofanana

2 Musa 19:15

Bituŋ a ko moolu ye ko, “Ali ali faŋolu parendi sinindiŋ kamma la. Ñiŋ waatoo ali kana laañooyaa ke.”

2 Musa 25:30

Waati-wo-waati mbuuru senuŋo* le ñanta tara la laariŋ taabuloo kaŋ n ñaatiliŋo la.

3 Musa 15:18

Niŋ kewo niŋ musoo kafuta, fo a ye i jii, ì moo fuloo ñanta jiyo taa la le, ì ye i kuu. Kosoo be tara la ì bala le fo wulaaroo.

Jakariya 7:3

Ì ko fanaa, ì si piriisoolu* ñininkaa, mennu be Yaawe Alihawaa Maariyo* Batudulaa Buŋo* to, aniŋ annabiyomoolu ko, “Fo ǹ ñanta suŋ na le baŋ saŋo kari luulunjaŋo ǹ niŋ niikuyaa, ko ǹ ka a ke ñaameŋ sanji jamaa la?”

1 Korintinkoolu 7:5

Ali kana balaŋ ñoo ma futuwo la karoo la, fo niŋ ali kambenta ka waatoo tomboŋ, ali be meŋ kerekere la ka ke duwaa waatoo ti. Bari wo koolaa, ali si muru ñoo kaŋ kotenke, niŋ wo nte Seetaanoo* si ali marisa noo le, kaatu ali lamfuta faŋ maroo la karoo la le.

1 Samuweli 21:3

Saayiŋ duŋ, muŋ ne be i bulu? Mbuuru kuŋ luulu dii n na, waraŋ feŋ-wo-feŋ be i bulu.”

1 Samuweli 21:6

Bituŋ piriisoo ye mbuuru senuŋo dii a la, kaatu mbuuru koteŋ te jee, fo ì ye meŋ landi Alla ye, aduŋ ì ye a bondi taabulu senuŋo le kaŋ, ì ye kutamaa seyindi jee.