1 Samuweli 20:42 - Mandinka Bible

⁴² Yonatani ko Dawuda ye ko, “Taa kayiroo kono, kaatu ǹ kalita ñoo ye teeriyaa la le Yaawe too la, ka a fo ko, Yaawe le mu nte niŋ ite seedoo ti, aniŋ ite koomalankoolu niŋ nte koomalankoolu fo abadaa.” Bituŋ Dawuda taata, Yonatani fanaa muruta saatewo kono.

1 Samuweli 20:42 Mawu Ofanana

2 Samuweli 9:1

Dawuda ye ñininkaaroo ke ko, “Fo moo le tuta Sawulu la buŋo to baŋ, n si beteyaa yitandi meŋ na Yonatani la kuwo kamma la?”

4 Musa 6:26

Allamaa Yaawe ye a ñaa tiliŋ ali la, a ye kayiroo dii ali la.”

Luka 7:50

Bituŋ Yeesu ko musoo ye ko, “I la lannoo le ye i kiisa. Taa kayira kono!”

Kiilaalu 16:36

A ye ñiŋ kumoo futandi Pawulu ma ka a fo a ye ko, “Kiitiikuntulaalu ye ì la dookuulaalu kii naŋ ne ko, ŋa ali bula. Wo to, ali bo jaŋ saayiŋ, ali ye taa kayira kono.”

1 Samuweli 1:17

Eli ye a jaabi ko, “Taa kayira kono. Allamaa Banisirayila la Alla ye i lafinna kuwo ke i ye.”

1 Samuweli 20:15

i kana i la kanu bambaloo koo dindi n na dimbaayaa la, hani a ye a tara, Yaawe ye Dawuda jawoolu bee kasaara le ka bo duniyaa kono.”

1 Samuweli 20:16

Bituŋ Yonatani ye kambeŋo siti a niŋ Dawuda niŋ a la moolu teema, ka a fo ko, “Allamaa Yaawe ye Dawuda jawoolu halaki.”

1 Samuweli 23:18

Ì moo fuloo ye kambeŋo siti Yaawe ñaatiliŋo la. Bituŋ Yonatani seyita, bari Dawuda tuta Horesa le.

1 Samuweli 25:35

Wo to le Dawuda ye soorifeŋolu taa a bulu, a ye mennu samba naŋ, a ko a ye ko, “Seyi kayiroo kono. Ŋa i la kumoolu moyi le, aduŋ meŋ diyaata i ye, m be wo le ke la.”