1 Samuweli 20:30 - Mandinka Bible

³⁰ Sawulu jusoo bota Yonatani kamma, a ko a ye ko, “Ite baafutuubali diŋ! Fo m maŋ a loŋ ko, i ye Yese dinkewo ke i teeri ti i la maloo le kaŋ, aniŋ i baamaa meŋ ye i wuluu?

1 Samuweli 20:30 Mawu Ofanana

Yuuba 5:2

Kamfaa ka toolewo kasaara le, kiiliyaa ka hakilintaŋo faa.

Kuma Kotoomaalu 14:29

Moo meŋ ka kamfaa juuna, a ka a la kuntaŋyaa le yitandi, bari moo meŋ buka kamfaa juuna ka ke fahaamurulaa baa le ti.

Kuma Kotoomaalu 15:2

Moo ñaamendiŋo la kumoo ka londoo la kuwo diyandi moolu ye le, bari toolewo daakumoo ka ke kuu kuntaŋo doroŋ ne ti.

Kuma Kotoomaalu 19:12

Mansa la kamfaa ka munta le ko, niŋ jatoo be bumbuŋ kaŋ, bari a la maakoyiroo ka muluŋ ne ko, niŋ komboo jiita fiifeŋolu kaŋ.

Kuma Kotoomaalu 19:19

Fitinamoo ka fitinoo nafaa je le, niŋ i ye a tankandi, i be tu la a ke la le.

Kuma Kotoomaalu 21:24

Moo meŋ faratita aniŋ meŋ ka a faŋ wara, ñaawalilaa le mu a too ti, a ka kuu landatambiriŋolu le ke.

Kuma Kotoomaalu 25:28

Komeŋ ì ye saatewo meŋ sansaŋolu boyi, wo le mu moo ti, meŋ buka a faŋo muta noo.

Kuma Kotoomaalu 27:3

Beroo kuliyaata, bankoo mu dunoo ti, bari niŋ toolewo ye i ñaawali, wo le kuliyaata ñiŋ fuloo ti.

Matiyu 5:22

Bari saayiŋ m be fo la alitolu ye, moo-wo-moo meŋ kamfaata a baadiŋo* kamma, wo maarii ñanta kiitindi la le. Aduŋ moo-wo-moo meŋ ye a baadiŋo neŋ, wo maarii ñanta taa la luwaa ñaatiliŋo la le. Aduŋ moo-wo-moo meŋ ko a baadiŋo ye ko, ‘Ite toolee’, wo maarii ñanta duŋ na Jahannaba dimbaa kono le.

Efesusinkoolu 4:31

Ali niikuyaa bee bula, kamfaa, jusuboo, kawuyeeyaa, tooñeeri kumoolu aniŋ kuruŋyaa kuwolu bee.

Efesusinkoolu 6:4

Faalu, ali kana ali la dindiŋolu kamfandi, bari ali ì kuluu niŋ Maariyo la kuluuroo la, aniŋ a la yaamaroolu.

1 Samuweli 20:29

A ko n ye le ko, ‘M batu ŋa taa, kaatu n na kaabiiloo ka sadaaboo le ke saatewo to, aduŋ n kotoomaa ye n yaamari le ka tara jee. Niŋ ŋa maakoyiroo je i ñaato, i si m bula, ŋa taa n kotoomaalu je.’ Ñiŋ daliiloo le ye a tinna, a maŋ naa mansa la taabuloo to.”

1 Samuweli 20:31

Niŋ Yese dinkewo be baluuriŋ ñiŋ duniyaa kono, ite la mansamarali bankoo te loo la, i te ke la ñiŋ bankoo mansa ti. Saayiŋ kiilaa kii, i ye a samba n ye naŋ, fo a si faa!”