1 Samuweli 2:9 - Mandinka Bible

⁹ A be a la moo kendoolu kanta la ì la siloolu kaŋ ne, bari moo jawoolu be tara la deyiriŋ diboo le kono. Moo faŋo semboo buka a samba ñaato.

1 Samuweli 2:9 Mawu Ofanana

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Yuuba 40:13

Ì bee baadee ñoo la bankoo kono, i ye ì maabo laakira.

Yuuba 5:16

Wo ñaama, fuwaaroolu si jikoo soto, tilimbaloo ye a daa soroŋ ñoo bala.

Yuuba 5:24

I si ñiŋ dankeneyaa soto ko, i la dimbaayaa be tara la kayiroo le kono. Niŋ i ye i la beeyaŋolu yaatee, feŋ te dasa la kooma.

Jabuuroolu 1:6

Kaatu Yaawe ka moo tilindiŋolu la siloo kanta le, bari moo kuruŋolu la siloo be kasaara la le.

Jabuuroolu 105:37

Bituŋ a ye Banisirayilankoolu fintindi, ì niŋ sanoo niŋ kodiforo ñaroolu, aduŋ kiliŋ te ì lasiloolu kono meŋ jaatoo korita.

Jabuuroolu 121:3

A te soŋ na i siŋo ye bo i koto, i tankandilaa buka jinkoo.

Jabuuroolu 121:5

Yaawe le mu i tankandilaa ti. Ate le mu i ye dubeŋo ti, meŋ ka tara i fee.

Jabuuroolu 121:8

A be i tankandi la le, i duntoo niŋ i fintitoo, ka bo saayiŋ, ka taa fo abadaa.

Jabuuroolu 145:20

A ka moolu bee kanta le mennu ye a kanu, bari a be moo kuruŋolu bee kasaara la le.

Jabuuroolu 31:17

Yaawe, kana soŋ ŋa malu muumeeke, kaatu n kumboota i ye le. Moo kuruŋolu duŋ maloo kono, ì ye tara deyiriŋ kaburoo kono.

Jabuuroolu 37:28

Kaatu Yaawe ye tiliŋo le kanu, aduŋ a te a koo dii la a la moo tilindiŋolu la. A ka ì kanta le fo abadaa, bari moo jawoolu koomalankoolu, a be wolu wafati la bankoo kaŋ ne.

Jabuuroolu 94:18

N kumata le ko, nte boyitoo le mu. Bari Yaawe, i la kanu bambaloo kaŋ, i ye i buloo duŋ n koto le.

Jabuuroolu 97:10

Yaawe ye moolu le kanu mennu ye kuu jawoo koŋ, a ka a la moolu niyo kanta le, a ka ì tankandi moo jawoolu bulu.

Kuma Kotoomaalu 16:9

Hadamadiŋo ka a la feeroolu siti a sondomoo kono le, bari Yaawe le ka a la kuwolu bee taamandi.

Kuma Kotoomaalu 2:8

Kaatu a ka moo tilindiŋolu la siloolu kanta le, aduŋ a ka tankandiri ke a la tooñaa moolu la.

Kuma Kotoomaalu 3:26

Kaatu Yaawe le be ke la i jikoo ti, aduŋ a te soŋ na kutindiŋo ye i siŋo muta.

Kawandilaa 5:17

Ñiŋ koolaa, a ka a la baluwo muumeelaa bee ke diboo le kono, wo niŋ niitoora bambaloo, kuuraŋo, aniŋ niikuyaa.

Kawandilaa 9:11

Ŋa kuwo doo le fanaa je ñiŋ duniyaa tiloo koto, wo le mu: Ñoo daŋo te dendiŋ tariyaa doroŋ na, aduŋ ñoo noo te dendiŋ semboo dammaa la. Domori sotoo te dendiŋ ñaameŋo la, fankoo te dendiŋ hakilidiyaa la, aduŋ buuñaa sotoo te dendiŋ dookuu noo la. Waatoo, aniŋ mantaabeŋo, wo le be ñinnu bee la.

Yesaya 27:3

“Nte Yaawe le ka a kanta, n ka a jiiboŋ taariŋ, n ka a kanta suuto tili, fo moo kana a tiñaa.

Yesaya 47:5

Yaawe ko, “Dimmusuriŋ Babiloni, tara siiriŋ diboo kono, i ye tenkuŋ jee. Ì te i kumandi la bankoolu la musumansoo* la kotenke.

Yeremiya 8:14

Yahuuda moolu ko: “Ǹ ka muŋ ne sii jaŋ? Ali ŋà kafu ñoo ma, ŋà bori saatee tatariŋolu kono, hani niŋ a ye a tara m̀ be faa la jee, kaatu saayaa, Yaawe ǹ na Alla ye wo le parendi ǹ ye, a ye kunoo le dii ǹ na ka a miŋ, kaatu ŋà junuboo le ke a la.

Yeremiya 9:23

Yaawe ye ñiŋ ne fo ko: “Moo ñaamendiŋ kana kibiri a la ñaameŋo la, sako moo bambandiŋ si kibiri a la bambaŋo la, waraŋ naafulutii si kibiri a la naafuloo la.

Nahumu 1:8

Bari a be a jawoolu bayi la le, ì ye duŋ diboo kono, a be ì siidulaa kasaara la niŋ waame baa le la.

Sefaniya 1:15

A be ke la Yaawe la kamfaa luŋo le ti, kataa niŋ niitooroo luŋo, tiñaaroo niŋ kasaaroo luŋo, diboo niŋ minaayoo, niikaa niŋ dibi fiŋo luŋo.

Jakariya 4:6

Bituŋ malaayikoo ko n ye ko, “Yaawe* la kumoo fele Serubabeli ye, a ko: ‘A maŋ ke semboo ti, a maŋ ke waroo ti, n na Nooroo doroŋ ne si a ke noo.’ Yaawe Alihawaa Maariyo* le ye a fo.

4 Musa 6:24

“Allamaa Yaawe neema la ali ma, a ye ali kanta.

Matiyu 8:12

Bari moolu mennu ñanta tara la Alla la mansabaayaa kono, wolu be fayi la banta le diboo kono, kumboo niŋ nimisoo be daameŋ.”

Roomankoolu 3:19

Ŋà a loŋ ne ko, Musa la Luwaa* ye feŋ-wo-feŋ fo, a ye a fo moolu le ye, mennu be Luwaa koto, fo moo-wo-moo daa si muta, aduŋ duniyaa bee si tara Alla la kiitiyo koto.

5 Musa 33:3

Tooñaa-tooñaa, Yaawe ye a la moolu kanu le, a la moo senuŋolu bee be a buloo le kono, ì be siiriŋ a siŋolu koto, ka yaamaroo soto a bulu.

1 Pita 1:5

Ali be a soto la le, baawo Alla la semboo ka ali tankandi lannoo kono wo kiisoo le ye, meŋ be lankenema la luŋ labaŋolu kono.

2 Pita 2:17

Wo faniyaa karandirilaalu la kuwo be le ko woyoolu, mennu maŋ jiyo soto, waraŋ komboo, foñoo ka meŋ janjaŋ. Dibi baa kataŋo le be pareeriŋ ì ye fokabaŋ.

Yuuda 1:1

Nte Yuuda, meŋ mu Yeesu Kiristu* la dookuulaa ti, Yankuba dookewo, m be ali kontoŋ na, alitolu mennu bee kumandita ka sabati Alla, m̀ Faamaa la kanoo kono, meŋ ye ali kanda Yeesu Kiristu ye.

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

Yuuda 1:3

N kanuntewolu, a keta n ye hame kuwo le ti, ka ali safee ǹ na kiisoo la kuwo to, m̀ bee denta meŋ na. Bari saayiŋ, n naata a je le ko, a kummaayaata le ka ali wakiilindi fo ali si tu looriŋ bambandinke wo lannoo kaŋ, Alla ye meŋ dii a la moo senuŋolu la, siiñaa kiliŋ waatoolu bee ye.

1 Samuweli 25:26

Saayiŋ, Alla ye i tanka le, n na keebaa, i maŋ moo faa, aniŋ ka i joo niŋ i faŋo buloo la. A be koyiriŋ ñaameŋ ko Yaawe* be baluuriŋ ne aniŋ ite faŋo, Allamaa i jawoolu, aniŋ moo-wo-moo pareeta ka kuu jawoo ke ite la, ye ke ko Nabali be ke la ñaameŋ.