1 Samuweli 2:7 - Mandinka Bible

⁷ Yaawe le ka fuwaareyaa niŋ fankamaayaa ke, a ka jindiroo ke, a ka sikandiroo ke.

1 Samuweli 2:7 Mawu Ofanana

2 Mansoolu 9:6

Yehu wulita a niŋ a taata buŋo kono. Wo to le annabiyomoo ñiŋ ye tuloo boŋ a kuŋo to, aduŋ a ye ñiŋ bankee ko, “Yaawe, Banisirayila la Alla ye ñiŋ ne fo ko, a ye i tomboŋ ne ka ke Yaawe la moolu Banisirayilankoolu la mansa ti.

1 Taarika 29:12

Fankoo niŋ horomoo ka bo ite le bulu. Ite le mu feŋo bee maralaa ti. Bambaŋo niŋ semboo be ite le buloo kono, ka moo wulindi aniŋ ka a bambandi.

2 Taarika 32:27

Hesekiya ye fanka baa soto, aniŋ buuñaa. Bituŋ a ye maaboridulaalu loo ka sanoo, kodiforoo, bere ñiimaalu, seerandi feŋolu, koteeroolu aniŋ feŋ daa jawoo siifaa bee ke jee.

2 Taarika 32:29

Alla ye feŋ jamaa baa le dii a la. A ye saatewolu loo a faŋ ye, a ye saajiyolu, baalu niŋ ninsoolu jamaa soto.

Yuuba 1:21

A ko, “N kenseŋo le naata ñiŋ duniyaa kono, aduŋ n kenseŋo le be taa la. Yaawe le ye a dii n na, aduŋ ate Yaawe le ye a taa. Tentoo be Yaawe ye.”

Yuuba 40:12

Moo juubee meŋ ka a faŋ wara, i ye a la kuwo jindi. Moo jawoolu kasaara waati kiliŋ.

Yuuba 5:11

Ate le ka fammajiilaa la kuwo selendi santo, ate le ka seewoo dii niikuyaatoo la.

Jabuuroolu 75:7

Bari Alla le ka kiitiyo teyi, a ye doo dooyandi, a ye doo warandi.

Jabuuroolu 75:8

Yaawe* la kamfaa mindammaa le be a bulu, meŋ mu a la kiitindiroo ti, moo jawoolu kamma. A be fuusa kaŋ wayini* fatiŋo le la. A be a bee le kupi la, hani tondoo te tu la, moo kuruŋolu ye a bee miŋ.

Kuma Kotoomaalu 22:2

Fankamaa niŋ fuwaaroo denta ñiŋ kuwo la le, Yaawe* ì Daamansoo le ye ì bee daa.

Yesaya 2:12

Yaawe Alihawaa Maariyo* ye luŋ ne tomboŋ, luŋo meŋ a be faŋ wara moolu, faŋ sikandilaalu, aniŋ kibiri moolu bee la kuwo jindi la.

Yeremiya 49:15

Yaawe ye a bankee le ko: “M be i ke la bankundiŋ ne ti bankoolu bee kono, ka moolu jutundi i la. I la kuwo silaŋo ka tara moolu la, wo le ye i neenee, aniŋ i la sondome kufaŋo, ite meŋ yaalu be bere konko jaŋolu kaŋ santo, i ye konko jaŋolu kaŋ ke i yaa ti. Hani niŋ i ye i yaa loo santo le ko seeliŋo, n si i saba naŋ jee duuma.” A ko:

Esekiyeli 17:24

Yiroolu bee be a loŋ na le ko, nte le mu Yaawe ti, meŋ ka yiri jaŋo boyi, ŋa yiri sutuŋo jaŋayandi. N ka yiri kitiŋo norondi le, ŋa yiri nororiŋo kitiŋyandi. Nte Yaawe faŋo le ye a fo, aduŋ m be a ke la le.”

Yankuba 4:10

Ali ali fammajii Maariyo ñaatiliŋo la, aduŋ a be ali sikandi la le.