1 Samuweli 2:6 - Mandinka Bible

⁶ Yaawe le ka saayaa naati, aduŋ ate le ka baluwo dii, ate le ka hadamadiŋolu samba fureeduu, aniŋ ate le fanaa ka ì wulindi.

1 Samuweli 2:6 Mawu Ofanana

1 Mansoolu 17:22

Yaawe ye Eliya la woosiyo moyi, bituŋ dindiŋo niyo muruta a kaŋ, aduŋ a baluuta kotenke.

2 Mansoolu 5:7

Kabiriŋ Banisirayila mansa ye leetaroo ñiŋ karaŋ, a ye a faŋo la dendikoo fara, niikuyaa kamma la. A kumata ko, “Fo nte le mu Alla ti baŋ, meŋ ka niyo dii, a ka a taa? Muŋ ne ye a tinna ñiŋ kewo ye moo kii n ye naŋ, a ko ŋa wo la balajawu kuuraŋo jaara? Ali a juubee doroŋ a ka fitinoo ñini m ma ñaameŋ.”

Yuuba 5:18

Ate le ka dimoo ke, a ye a jaara. Ate le ka baramoo ke, a ye a kendeyandi.

Jabuuroolu 116:3

Saayaa jalamaa le naata n kaŋ karoo bee la, kaburoo silaŋo dunta n na, n tarata dewuŋo niŋ kijafaroo kono.

Jabuuroolu 30:4

Ali suukuwo laa Yaawe ye, alitolu mennu mu a la moolu ti. Ali i miira a ye meŋ ke, ka a tentu a too la kuliyaa kaŋ.

Jabuuroolu 68:20

Ntolu la Alla mu Alla le ti meŋ ka kiisandiroo ke. Ate Yaawe, m̀ Maariyo le ka ntolu kanandi saayaa ma.

Jabuuroolu 71:20

I ye bataa baa niŋ mantooroo laa n kaŋ ne, bari i be muru la le i ye m bambandi, ka m bondi saayaa daa to, i ye m murundi baluwo to kotenke.

Kawandilaa 3:3

Waati le be faaroo la, waati be kendeyandiroo la. Waati le be tiñaaroo la, waati be dadaaroo la.

Yesaya 26:19

Hee Yaawe, i la furewolu ye wuli, n na moo faariŋolu ye wuli. Yaawe, i la komboo meŋ ka baluwo dii, a ye feenee bankoo kaŋ, ì ye furewolu baadee daameŋ. Alitolu mennu be laariŋ bankoo kono, ali wuli, ali ye suukuwo laa seewoo kono.

Esekiyeli 37:12

Silaŋ kiilaariyaa kumoo fo n too la, a fo ì ye, nte Yaawe, ì Maariyo ye ñiŋ ne fo ko: M be n na moolu la kaburoolu daalu yele la le, ŋa ì fintindi naŋ jee, ŋa ì seyindi Banisirayila bankoo kaŋ.

Esekiyeli 37:3

Yaawe ko n ye ko, “Ite hadamadiŋo, fo ñiŋ kulu jaaroolu si wuli noo baŋ ka baluu?” N ko a ye ko, “Maarii Yaawe, ite dammaa le ye wo loŋ.”

Matiyu 12:40

Ko Yunusa tarata ñee baa konoo kono tili saba aniŋ suuto saba, wo ñaa kiliŋo la, Moo Dinkewo be tara la bankoo kono fo tili saba aniŋ suuto saba.

Yohana 11:25

Bituŋ Yeesu ko a ye ko, “Nte le mu saayaakoolaa wulindiroo ti, aniŋ baluu tooñaa. Moo meŋ laata nte la, wo maarii be baluu la le kotenke, hani niŋ a faata.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.

Lankenemoo 1:18

nte meŋ be baluuriŋ. M faata le nuŋ, bari a fele, m be baluuriŋ fo abadaa. Saayaa niŋ a la maralidulaa caaboolu be nte le bulu.

1 Samuweli 20:3

Bari Dawuda kalita le, aduŋ a ko, “I faamaa ye a loŋ koyike le ko, i ye n kanu baake le. A ko a faŋo ye le ko, Yonatani te ñiŋ loŋ na. Niŋ wo nte, a niyo be toora la le. Bari a be koyiriŋ ñaameŋ ko Yaawe* be baluuriŋ ne aniŋ ite faŋo, simfaa kiliŋ, wo le be n niŋ saayaa teema.”