1 Samuweli 2:3 - Mandinka Bible

³ Ali kana tu diyaamu la ka ali faŋolu sikandi, ali si ali la kuma baalu talaa. Kaatu Yaawe mu Alla le ti, meŋ ye moo la kuwolu loŋ, aduŋ ate le ka ke moolu la kebaaroolu peesarilaa ti.

1 Samuweli 2:3 Mawu Ofanana

1 Mansoolu 8:39

i si i lamoyi ka bo Arijana kono, i taradulaa. I si yamfa, aduŋ i si kuu ke. I si moo-wo-moo kuluu a la baaroo la, kaatu i ye a loŋ ne a sondomoo be ñaameŋ, aduŋ ite doroŋ ne ye moo bee sondomoo kono loŋ.

Yuuba 31:6

Wo to Alla ye n na kuwo peesa tiliŋo peesarilaŋo kaŋ, a be a loŋ na le ko, n tilinta le.

Jabuuroolu 147:5

M̀ Maariyo warata le, a semboo warata le, a la ñaameŋo tambita sumaŋo la le.

Jabuuroolu 17:10

Balafaa te ì sondomoo kono. Ì ka faŋ wara kumoolu le fo ì daalu la.

Jabuuroolu 31:18

Faniyaa folaalu daa siti, mennu ka kuma jawu baalu fo moo tilindiŋolu ma, aniŋ faŋ waroo niŋ jutunnayaa.

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

Jabuuroolu 75:5

Ali kana ali semboo yitandi faŋ waroo kaŋ, ka diyaamu kuluubaliyaa kaŋ.’ ”

Jabuuroolu 94:4

Kuu jawu kelaalu ka tu nendiri kumoolu le feenee la, aduŋ ì ye meŋ ke, ì ka kibiri a la le.

Kuma Kotoomaalu 16:2

Hadamadiŋo taañaa ka munta a fee le ko, a maŋ sootaari soto, bari Yaawe le ka sondomoo kono kuwolu bee kisikisi.

Kuma Kotoomaalu 24:12

Bari niŋ i ko, “Hee, ntolu maŋ ñiŋ loŋ!” Fo meŋ ka sondomoo la kuwo kisikisi, maŋ i la kuwo loŋ baŋ? Fo ate meŋ ka i la baluwo kanta, maŋ a loŋ baŋ? Fo a te moo-wo-moo joo la a la baaroo la?

Kuma Kotoomaalu 8:13

Yaawe* ñaasilaŋo le mu kuu jawu koŋo ti. Ŋa faŋ waroo niŋ horomantaŋyaa koŋ ne, aduŋ jawuyaa niŋ faniyaa foo mu n tanoo le ti.

Yesaya 26:7

Moo tilindiŋolu la siloo ka tembe le. Ite Yaawe le ka moo kendoo la siloo deerandi.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

Yeremiya 17:10

Nte Yaawe le ka hakiloo kisikisi, n ka sondomoo kotobo, ka moo-wo-moo joo a maañaa la, aniŋ a kekuwolu la.”

Esekiyeli 35:13

Ali ka ali faŋ wara le aniŋ ka tenteŋ ka faŋ wara kumoolu fo m ma. Ŋa a moyi le.”

Daniyeli 4:37

Saayiŋ, nte Nebukanesa ye Arijana Mansoo tentu, ŋa a jayi, aduŋ ŋa a horoma le. A ka kuwo bee taamandi tiliŋo niŋ tooñaa le la, aduŋ niŋ moo-wo-moo ye a faŋ sikandi, a be a maarii jindi la le.

Daniyeli 5:27

Peesa: A ye i peesa peesarilaŋo kaŋ ne, aduŋ a ye a je le ko, i mankita le.

Malaki 3:13

Yaawe ye ñiŋ ne fo ko, “Ŋa ali la kuma jawoolu moyi le, ali ye mennu fo m ma. Bari ali ye ñiŋ ne fo ko, ‘Ntolu ye kuma jawoolu fo i ma ñaadii le?’

Hiburunkoolu 4:12

Alla la kumoo be baluuriŋ ne, a nene buka lamfu. A diyaata le ka tambi hawusari* daa fuloo bee la. A ka duŋ konoto le ka sondomoo niŋ nooroo talaa, a ka cokoo niŋ yuwo bondi ñoo bala le, aduŋ a ka miiroolu niŋ feeroolu kiitindi le, mennu be maaboriŋ sondomoo kono.

Yosuwa 22:22

“Yaawe Alla Tallaa! Yaawe Alla Tallaa ye a loŋ ne! Aduŋ alitolu Banisirayilankoolu fanaa ñanta a loŋ na le! Niŋ a ye a tara, ñiŋ mu ka ǹ koo dii Alla le la, waraŋ ka foroyaabaliyaa tiliŋ Yaawe la, ali kana m̀ bula ŋà baluu bii.

Lankenemoo 2:23

M be a diŋolu faa la le. Wo to le, n na kafoolu bee be a loŋ na ko, nte le mu wo ti, meŋ ka sondomoolu niŋ hakiloolu kisikisi, aduŋ m be alitolu meŋ-wo-meŋ joo la a la kebaaroolu la le, a jarita meŋ na.

Kiitindirilaalu 9:38

Bituŋ Sebuli ko a ye ko, “I la kuma baa foo nafaa lee saayiŋ? Ite meŋ ko, ‘Abimeleki mu jumaa le ti, meŋ be a tinna la m̀ be bula la a nooma?’ Fo ñinnu le maŋ ke kelediŋ kafoolu ti baŋ, i ka mennu tooñee? Saayiŋ finti banta, i niŋ ì ye kele.”

1 Samuweli 16:7

Bari Yaawe ko a ye ko, “Kana a la jamfoo niŋ a la ñiiñaa juubee. N te ate ke la mansa ti, kaatu nte buka kiitiyo teyi ko hadamadiŋolu ka a ke ñaameŋ. Hadamadiŋolu ka moo muluŋo le juubee, bari nte ka moo sondomoo le juubee.”