1 Samuweli 2:2 - Mandinka Bible

² Senuŋ Baa te jee Yaawe koolaa, kiliŋ te jee meŋ be ko ite. Semberaŋ beroo te jee, meŋ be ko ǹ na Alla.

1 Samuweli 2:2 Mawu Ofanana

2 Samuweli 22:3

N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti n na kiisandirilaa sembemaa baa. Ate le mu n na tatoo ti, aniŋ n tuukuraŋo, a ka n tankandi fitina moolu ma.

2 Samuweli 22:32

Alla te keriŋ, Yaawe koolaa. Aduŋ jumaa le mu semberaŋ beroo ti ǹ na Alla koolaa?

2 Samuweli 7:22

“M̀ Maarii Yaawe, i warata ñaameŋ! I maŋ ñoŋo soto. Ŋà meŋ bee moyi ǹ tuloo la, wo ye a koyindi le ko, Alla koteŋ te keriŋ fo ite dammaa.

1 Mansoolu 8:23

A ko: “M Maarii Yaawe, Banisirayila la Alla, Alla koteŋ maŋ soto ko ite, saŋo santo waraŋ duniyaa bankoo kaŋ duuma. Ite ka kambeŋo niŋ kanu bambaloo muta moolu ye le mennu sonta i ye, aniŋ ì ka taama i la siloo la niŋ ì sondomoo bee la.

Jabuuroolu 111:9

A ye a la moolu kiisa le, aduŋ a ye yaamaroo dii le ko, a ye a la kambeŋo londi le fo abadaa. A too seneyaata le, aduŋ a kuliyaata.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 18:31

Alla te keriŋ, Yaawe koolaa. Aduŋ jumaa le mu semberaŋ beroo ti ǹ na Alla koolaa?

Jabuuroolu 71:19

Kooni Alla, i la tiliŋo nakita saŋ fatoolu la le. I ye kaawakuu baalu le ke. Doo koteŋ te jee komeŋ ite Alla.

Jabuuroolu 71:3

Ke n ye semberaŋ beroo ti, aniŋ tata bambandiŋo, ka n kiisa, kaatu ite le mu n na tuukuraŋo ti, aniŋ n na tatoo.

Jabuuroolu 73:25

Ŋa jumaa le soto Arijana kono ite koolaa? Aduŋ feŋ te duniyaa kono n ñaanita meŋ na ite koolaa.

Jabuuroolu 86:8

Kooni Maariyo, ñoŋ te ite la, alla te jee meŋ be ko ite. I ye kuwolu mennu ke, kiliŋ te jee meŋ ye wolu ke.

Jabuuroolu 89:6

Kiliŋ te saŋo santo meŋ ka munta ko ite. Kiliŋ te sembetiyolu kono meŋ niŋ i si kaañaŋ noo.

Jabuuroolu 89:8

Hee Yaawe Alihawaa Maariyo*, jumaa le niŋ ite si kaañaŋ waroo la? Kooni Yaawe, i ka i la tiliŋo le yitandi kuwo bee to.

Jabuuroolu 99:3

Batu ì ye a jayi a too la, a too silaŋñaa warata le. Yaawe seneyaata le!

Jabuuroolu 99:5

Ali Yaawe jayi ǹ na Alla. Ali sujudi a ye a siŋ looraŋo to. Yaawe seneyaata le!

Jabuuroolu 99:9

Ali Yaawe jayi, ǹ na Alla, ka sujudi a ye a la konko senuŋo* to. Kaatu ǹ na Alla, Yaawe seneyaata le!

2 Musa 15:11

“Hee Yaawe! Jumaa le be alloolu kono, mennu niŋ ite mulunta? Jumaa le mulunta ko ite, i la mansayaa senuŋo, i la sembe waroo, i la kaawakuwolu?

Yesaya 40:18

Wo to saayiŋ, ali be jumaa le niŋ Alla tembendi la? Ali be a niŋ muŋ ne misaali la?

Yesaya 44:6

Banisirayila la Mansoo, a Kumakaalaa, Yaawe Alihawaa Maariyo* ko: “Nte le mu foloo ti, aduŋ nte le mu labaŋo ti. Nte koolaa Alla te keriŋ.

Yesaya 44:8

Ali kijoo kana ali fara, waraŋ ka sila. Fo m maŋ ñiŋ fo ali ye nuŋ kabiriŋ aniŋ saayiŋ? Alitolu le mu n seedoo ti. Fo alla doo le be jee nte koolaa? Hanii, semberaŋ bere doo te jee, nte maŋ hani kiliŋ loŋ.”

Yesaya 57:15

Mansa meŋ be santo-santo, a be kallankeeyaariŋ* ne, a be baluuriŋ fo abadaa, aduŋ a too kuliyaata, a ye ñiŋ ne fo ko: “M be sabatiriŋ dulaa sikandiriŋo le to aniŋ dulaa senuŋo. Bari fanaa m be sabatiriŋ moo jikilateyiriŋolu aniŋ fammajiilaalu le fee, fo n si fammajiilaalu niyo kutayandi, aniŋ ka jikilateyiriŋolu sondomoo bambandi.

Yesaya 6:3

Ì tarata a fo la ñoo ye le ko, “Seneyaa, seneyaa, seneyaa be Yaawe* Alihawaa Maariyo* le fee. Duniyaa bee be faariŋ a la semboo niŋ a la waroo le la.”

Yeremiya 10:6

Kooni Yaawe, doo koteŋ te jee meŋ be ko ite. Ite warata le, i too semboo warata.

3 Musa 11:44

Nte le mu Yaawe ali la Alla ti, wo to ali ali faŋ muta seneyaa kono, kaatu nte seneyaata le. Ali kana ali faŋolu kosondi daafeŋolu la, mennu keta kuruntu feŋolu ti bankoo kaŋ taariŋ.

3 Musa 11:45

Nte le mu Yaawe ti, meŋ ye ali bondi naŋ Misira bankoo kaŋ, ka ke ali la Alla ti. Wo to ali si seneyaa, kaatu nte seneyaata le.

3 Musa 19:2

ka a fo Banisirayila jamaa moo bee ye ko: Ali si seneyaa, kaatu nte Yaawe ali la Alla seneyaata le.

Roomankoolu 15:4

Feŋ-wo-feŋ meŋ safeeta koomanto, wo safeeta le ka ke ǹ ye yaamaroo ti, fo ǹ si jikoo soto ka bo niŋ muñoo niŋ wakiilindiroo la, Kitaabu Senuŋolu ye mennu dii ǹ na.

Roomankoolu 4:8

Seewoo be moo le ye, Maariyo maŋ meŋ na kuu jawoo muta a fee.”

5 Musa 3:24

“Hee Yaawe n na Alla, ŋa a loŋ ne ko, i ye i la semboo niŋ waroo domandiŋ doroŋ ne dati ka a yitandi n na, i la dookuulaa. Alla koteŋ te saŋo niŋ bankoo teema meŋ si kaawakuwolu ke ko ite ye a ke ñaameŋ!

5 Musa 32:20

A kumata ko, “M be m maabo la ì ma le, ŋa ì labaŋo juubee, jamaani jenkeriŋolu le mu ì ti, moolu le mu ì ti, foroyaa te mennu bala.

5 Musa 32:39

Fo ali maŋ ñiŋ je ko, nte le mu Alla ti, Alla koteŋ te keriŋ nte koolaa? Nte le ka moo faa, nte le ka moo balundi, nte le ka moo barama, nte le ka moo kendeyandi. Baayiñaa te nte la keroo la.

5 Musa 32:4

Ate le mu Semberaŋ Bere Baa ti, a kekuwolu maŋ sootaari soto, a la siloolu bee tilinta. Alla foroyaata le, faniyaa te a la kuwo to, ate mu tiliŋo niŋ tooñaa le ti.

5 Musa 4:35

Yaawe ye ñinnu bee ke le ka ali kalamutandi ko, ate le mu Alla ti, Alla koteŋ te keriŋ.

5 Musa 4:39

Wo to ka bo bii la, ali si ñiŋ kalamuta, ali kana ñina ko, Alla koteŋ te keriŋ saŋo niŋ bankoo teema Yaawe koolaa.

1 Pita 1:16

Baawo a be safeeriŋ ne ko: “Ali si seneyaa, kaatu nte seneyaata le.”