1 Samuweli 17:50 - Mandinka Bible

⁵⁰ Dawuda ye Koliyati noo keloo la kampuraŋo niŋ beroo le la. A ye a buŋ ne, a ye a faa. Aduŋ a maŋ hawusaroo muta a buloo kono.

1 Samuweli 17:50 Mawu Ofanana

Kiitindirilaalu 15:15

Bituŋ a ye faloo ŋaaŋaa kuloo je laariŋ, meŋ maŋ hani jaa foloo. A ye a sika, a ye kee wuli kiliŋ faa a la.

Kiitindirilaalu 3:31

Ehudi la kuwo koolaa, Samuka, Anati dinkewo, meŋ ye Filisitinka moo keme wooro faa kantarilaŋ dokoo la, fanaa naata Banisirayila tanka.

1 Samuweli 13:22

Keloo luŋo Banisirayilankoolu la kelediŋ te jee, meŋ ye hawusaroo niŋ sooroo soto fo Sawulu niŋ a dinkewo Yonatani.

1 Samuweli 17:39

Dawuda ye Sawulu la hawusaroo* siti kelejooraŋolu bala, a ye a kata ka taama, bari a maŋ taama noo, kaatu a maŋ dali ì la. Wo to le Dawuda ko Sawulu ye ko, “N niŋ ñinnu te taama noo la, kaatu m maŋ dali ì la.” Bituŋ a ye ì bondi.

1 Samuweli 17:49

A ye a buloo bula a la kufoo kono, a ye beroo bondi, a ye a fayi kampuraŋo la daameŋ doroŋ, a taata Koliyati maa a fondaa to. Beroo dunta a kuŋo kono, a boyita a ñaadaa kaŋ bankoo to.

1 Samuweli 17:51

Wo to le Dawuda borita, a loota Koliyati kaŋ, a ye Koliyati la hawusaroo saba naŋ a laa kono, a ye a faa, a ye a kuŋo kuntu. Kabiriŋ Filisitinkoolu ye a je ko, ì la kelejawaroo faata le, ì bee borita.

1 Samuweli 19:5

A ye a niyo laa le, kabiriŋ a ye Filisitinkoolu la kelejawaroo faa. Yaawe* ye kañee baa le ke Banisirayilankoolu bee ye, i ye a je, aduŋ i kontaanita le. Silaŋ, muŋ ne ye a tinna, i be kuu jawoo ke la moo kendoo la, meŋ be ko Dawuda, ka a faa, i maŋ daliila soto?”

1 Samuweli 21:9

Piriisoo ye a jaabi ko, “I ye Koliyati Filisitinkoo meŋ faa Ela wulumbaŋo kono, wo le la hawusaroo be jaŋ. A be moromororiŋ bayoo le kono efodoo* kooma. Wo koolaa hawusari koteŋ te jaŋ. Niŋ i lafita a la, i si a taa.” Dawuda ko, “Doo te jee meŋ niŋ a mulunta, a dii n na.”

1 Samuweli 23:21

Sawulu ye ì jaabi ko, “Allamaa Yaawe ye neema ke ali ye, kaatu ali ye balafaa le soto n ye.