1 Samuweli 17:45 - Mandinka Bible

⁴⁵ Bari Dawuda ko Koliyati ye ko, “Ite ka naa n kaŋ niŋ tamboo, sooroo aniŋ hawusaroo le la. Bari nte ka naa i kaŋ niŋ Yaawe Alihawaa Maariyo* too le la, meŋ mu Banisirayila la kelediŋ kafoolu la Alla ti, i ye meŋ hadaañi.

1 Samuweli 17:45 Mawu Ofanana

2 Taarika 14:10

Asa fintita ka a kele, ì bee ye ì loodulaalu taa Sefata Wulumbaŋo to, Maresa daala.

2 Taarika 32:8

Hadamadiŋ semboo le be ate fee, bari ntolu, Yaawe le be m̀ fee, ǹ na Alla ka m̀ maakoyi ka keloo ke ǹ ye.” Yahuuda mansa Hesekiya la kumakaŋo ye moolu bambandi.

Jabuuroolu 124:8

Maakoyiroo ka bo ǹ ye naŋ Yaawe le bulu, meŋ ye saŋo niŋ bankoo daa.

Jabuuroolu 18:2

Yaawe le mu n na semberaŋ bere baa ti, n na tankaraŋ tatoo, aniŋ m bondilaa. N na Alla le mu n ye semberaŋ beroo ti, n ka n dende meŋ na. Ate le mu n na koteeroo* ti, n na kiisandirilaa sembemaa baa, aniŋ n tuukuraŋo.

Jabuuroolu 20:8

Wo moolu be taki la le, ì ye boyi, bari ntolu be wuli la le, ŋà bambaŋ.

Jabuuroolu 3:8

Tankoo ka bo Yaawe le bulu, Allamaa a la neemoo ye tara a la moolu fee. S

Jabuuroolu 44:6

M maŋ jiki n na kalabeñoo la, waraŋ n na hawusaroo ka n tankandi.

Kuma Kotoomaalu 18:10

Yaawe* too mu tata bambandiŋo le ti, moo tilindiŋolu ka bori jee le, aduŋ ì ka tanka le.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

Yesaya 37:28

Nte Yaawe ye a wulitoo niŋ a siitoo loŋ ne, a fintitoo niŋ a duntoo, aniŋ a la kamfaa nte kamma.

2 Korintinkoolu 10:4

Ntolu la kelejooraŋolu maŋ ke ñiŋ duniyaa kelejooraŋolu ti, bari ŋà Alla la sembe baa le soto ka tata bambandiŋolu kasaara. Ǹ ka moolu la soosooroolu tiñaa le,

2 Korintinkoolu 3:5

A maŋ ke ko, m̀ faŋolu si kuu-wo-kuu ke noo le, bari ŋa feŋ-wo-feŋ ke noo, a bee bota Alla le bulu.

Filipinkoolu 4:13

N ka kuwolu bee ke noo ka bo niŋ ate le la, meŋ ka n sembentuŋyaa.

1 Samuweli 17:10

Wo to le Koliyati ko, “Bii luŋo ŋa Banisirayilankoolu la kelediŋolu hadaañi le. Ali kee kiliŋ dii n na, n niŋ a ye keloo ke.”

1 Samuweli 17:26

Dawuda ye kewolu ñininkaa, mennu be a daala. A ko, “Muŋ ne be ke la keendiŋo ye, meŋ ye ñiŋ Filisitinkoo faa, a ye Banisirayila bondi maloo kono? Jumaa le mu ñiŋ Filisitinka sunnabaloo ti, fo a ka Alla baluuriŋo la kelediŋolu hadaañi?”

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.

1 Samuweli 17:6

Tankandiraŋolu mennu dadaata niŋ jaawaloo la, a ye wolu le duŋ a siŋolu bala, aduŋ tamboo meŋ fanaa dadaata niŋ jaawaloo la, a ye wo le bambu a sañoo kaŋ.