1 Samuweli 17:26 - Mandinka Bible

²⁶ Dawuda ye kewolu ñininkaa, mennu be a daala. A ko, “Muŋ ne be ke la keendiŋo ye, meŋ ye ñiŋ Filisitinkoo faa, a ye Banisirayila bondi maloo kono? Jumaa le mu ñiŋ Filisitinka sunnabaloo ti, fo a ka Alla baluuriŋo la kelediŋolu hadaañi?”

1 Samuweli 17:26 Mawu Ofanana

2 Mansoolu 19:4

Asiriya mansa ye a la kelediŋ kuntiyo kii le ka Alla baluuriŋo sooki. Tumandoo Yaawe, i la Alla, ye a la kumakaŋolu moyi le, a si a yankankati a kaŋ. Wo to duwaa moo toomaalu ye, mennu tuta jee.”

2 Taarika 32:17

A ye leetaroo fanaa safee ka Yaawe neŋ, Banisirayila la Alla, aniŋ ka kumoolu fo a ma ko, “Banku koteŋolu la alloolu maŋ ì tankandi noo nte bulu ñaameŋ, Hesekiya la Alla fanaa te a la moolu tankandi noo la nte bulu wo le ñaama.”

Nehemiya 5:9

Bituŋ n tententa ka a fo ko, “Ali be meŋ ke kaŋ a maŋ tiliŋ. Fo ali maŋ ñaŋ na taama la Alla ñaasilaŋo le la baŋ, i si a je ǹ jawoolu mennu maŋ ke Yahuudoolu ti, te feŋ fo noo la ali ma?

Jabuuroolu 44:13

I ye ǹ dandanna moolu jutundi ǹ na, ì ka ǹ ñaawali ka jele ǹ na.

Jabuuroolu 74:18

Hee Yaawe*, i miira i jawoolu ka ñaawaliroo meŋ ke i la, wo toolewolu ka nendiroo meŋ ke i la.

Jabuuroolu 79:12

Maariyo, dandanna banku moolu kiliŋ-wo-kiliŋ joo siiñaa woorowula, jutunnayaa kuwolu la, ì ye mennu tiliŋ i la.

Yesaya 37:23

Sennakeribu bulata jumaa le la ka a neŋ? A ye a kaŋo sikandi ka sari jumaa le kaŋ? A ye a ñaalu wulindi kufaŋo kono nte le kamma, Banisirayila la Senuŋ Baa.

Yeremiya 10:10

Bari ite Yaawe le mu Alla tooñaa ti, ite le mu Alla baluuriŋo niŋ badaa-badaa Mansoo ti. I la kamfaa ka bankoo jarajarandi le, bankoolu buka i la jusukandoo dunoo taa noo.

Yeremiya 9:25

Yaawe ko, “A juubee, luŋ be sii la m be ñiŋ banku moolu jarabi la le: Misirankoolu, Yahuuda moolu, Edomunkoolu, Ammoninkoolu, Mowabinkoolu, ka taa lasiloolu mennu be sabatiriŋ keñewuloo dandaŋolu la. Ñiŋ banku moolu sunnata ñaa-wo-ñaa, wo maŋ a tinna ì ka nte batu. Alitolu Banisirayilankoolu fanaa be wo le ñaama. Ali balajaatoolu sunnata le, bari ali sondomoolu maŋ faliŋ.”

Esekiyeli 28:10

I be faa la banku doo moolu le bulu ko Alla lombaloo. Nte Yaawe Alla faŋo le ye ñiŋ fo.”

Daniyeli 5:23

I ye i la faŋ waroo tiliŋ Arijana Maarii la le, i ye a la Batudulaa Buŋo jooraŋolu samba naŋ i yaa. I niŋ i la ñaatonkoolu, ka taa i la musoolu, aniŋ i la kaŋ foroyandi musoolu, ye wayinoo miŋ ì kono. Ali ye jalaŋolu jayi le, mennu dadaata sanoo la, kodiforoo, jaawaloo, newo, babaroo, aniŋ beroo. Ñiŋ jalaŋolu buka i je, ì buka i moyi, sako ì si feŋ loŋ. Bari i maŋ Alla horoma, i niyo be meŋ bulu, aniŋ i taaraŋ siloolu bee.

Daniyeli 6:27

Ate le ka tankandiroo niŋ kiisandiroo ke, a ka kaawakuwolu baara saŋo santo le, aniŋ duniyaa kono. Ate le ye Daniyeli tankandi jatoolu ma.”

Daniyeli 9:16

Maariyo, i ye kuu tilindiŋolu mennu taamandi nuŋ ka i la moolu tankandi, wo kuwolu juubee, i ye sabari i la kamfaa niŋ i la diminnaa la, i la saatewo, Yerusalaamu kamma, meŋ be looriŋ i la konko senuŋo* kaŋ. Ǹ na junuboolu niŋ m̀ mumuñolu la junuboolu ye a tinna le ǹ dandanna bankoo moolu ye Yerusalaamu ke jelefeŋo ti, aniŋ i la moolu.

Yoweli 2:19

Bituŋ a ko ì ye ko: “M be siimaŋo kii kaŋ ali ye naŋ ne, wayinoo* aniŋ olifu* tuloo, aduŋ ali be wasa la le. N te ali ke la banku koteŋolu ye jelefeŋo ti kotenke.

5 Musa 5:26

Hadamadiŋ jumaa le nene sotota, Alla baluuriŋo diyaamuta meŋ ye dimbaa maloo kono, a maarii ye tu a niyo la ko ntolu?

1 Tesalonikankoolu 1:9

kaatu ì faŋolu le ye kuwolu fo, ali ye m̀ buuñaa ñaameŋ biriŋ ǹ naata ali yaa. Ì ye a fo le, ali ye ali koo dii jalaŋolu la ñaameŋ ka naa Alla kaŋ, ka a batu, meŋ mu Alla baluuriŋo niŋ Alla tooñaa ti.

Yosuwa 3:10

Ali be a loŋ na ñiŋ ne la ko, Alla baluuriŋo be ali fee le. A be ñiŋ moolu mennu mu Kanaaninkoolu ti, Hitinkoolu, Hiwinkoolu, Perisi koomalankoolu, Kirikasinkoolu, Amorinkoolu, aniŋ Yebusinkoolu bee bayi la ali ñaato le.

1 Yohana 5:20

Aduŋ ŋà a loŋ ne fanaa ko, Alla Dinkewo naata le, a ye fahaamuroo dii ǹ na fo ǹ si ate loŋ, meŋ mu tooñaa ti. M̀ be ate kono le, meŋ mu tooñaa ti, Yeesu Kiristu, Alla Dinkewo. Ate le mu Alla tooñaa ti, aniŋ badaa-badaa baluwo.

1 Samuweli 11:2

Bari Nahasi Ammoninkoo ye ì jaabi ko, “N niŋ ali be kambeŋo siti la daliila kiliŋ ne kaŋ. Moo-wo-moo, ŋa a bulubaa ñaakesoo lokoti, bituŋ maloo si naa Banisirayila bee kono.”

1 Samuweli 14:6

Yonatani ko fondinkewo meŋ ye a la kelejooraŋolu samba ye ko, “Ŋà taa wo Filisitinka sunnabaloolu la daakaa to. A si ke Yaawe ye m̀ maakoyi. Feŋ te jee meŋ si a tinna, Yaawe te ǹ tanka la, fo ntolu siyaata waraŋ m̀ maŋ siyaa.”

1 Samuweli 17:10

Wo to le Koliyati ko, “Bii luŋo ŋa Banisirayilankoolu la kelediŋolu hadaañi le. Ali kee kiliŋ dii n na, n niŋ a ye keloo ke.”

1 Samuweli 17:30

Wo to le a sawunta moo doo yaa, a ye wo kuu kiliŋo seyinkaŋ a ye. Moolu ye a jaabi ko, a ye jaabiroo meŋ soto nuŋ koomanto.

1 Samuweli 17:36

Nte i la dookuulaa ye jatoo niŋ daafeŋ saŋarariŋo doo faa le, aduŋ m be wo kuu kiliŋo le ke la ñiŋ Filisitinka sunnabaloo la, kaatu a ka Alla baluuriŋo la kelediŋolu hadaañi le.

1 Samuweli 31:4

Sawulu ko a la kelejooraŋ sambalaa ye ko, “I la hawusaroo* saba naŋ, i ye m faa. Niŋ wo nte, ñiŋ moo sunnabaloolu be n soo la le, aduŋ ì be tuluŋ na m furewo la le.” Bari kelejooraŋ sambalaa maŋ haañi ka wo ke. Wo to le Sawulu ye a fansuŋ hawusaroo londi, a ye a faŋ fayi a kaŋ.