1 Samuweli 17:12 - Mandinka Bible

¹² Dawuda le keta Yese Efuratankoo* dinkewo ti. Yese bota Betilehemu saatewo le to, meŋ tarata Yahuuda bankoo kaŋ. Yese ye dinkee seyi le soto. Kabiriŋ Sawulu be mansayaa la waatoo meŋ na, wo ye a tara le, Yese kotoota baake.

1 Samuweli 17:12 Mawu Ofanana

1 Musa 35:19

Bituŋ Raheli faata, ì ye a baadee siloo le kaŋ meŋ ka taa Efurata, ì ka daameŋ fanaa kumandi Betilehemu la.

2 Samuweli 23:1

Ñinnu le mu Dawuda la kuma labaŋolu ti: Yese dinkewo Dawuda la kumoo, moo meŋ Alla ye a buuñaa, la kumoo, Yaakuba la Alla ye moo meŋ tomboŋ, Banisirayilankoolu la suukuu diimaa laalaa.

Jabuuroolu 132:6

A fele, ŋà Kambeŋ Kunewo* la kuwo moyi Efurata* le, aduŋ n naata a tara Yaari kunkoolu le to.

Mika 5:2

Alitolu Efurata*-Betilehemunkoolu, Yaawe* ye ñiŋ ne fo ko, “Ali la saatewo keta saateeriŋo ti ñaa-wo-ñaa Yahuuda, bari Banisirayila maralilaa be bo la alitolu le kono, a be maraloo ke la niŋ nte Yaawe tooyaa le la. A foloota naŋ waati jaŋ ne la, kabiriŋ.”

Matiyu 1:6

Yese ye Mansa Dawuda wuluu. Dawuda le ye Sulemani wuluu, meŋ baamaa mu nuŋ Uriya la musoo ti.

Matiyu 2:1

Kabiriŋ Yeesu wuluuta Betilehemu saatewo to Yudeya bankoo kaŋ Mansa Herodi la marali waatoo la, looloo lonnaalu bota naŋ tiliboo ka naa Yerusalaamu.

Matiyu 2:6

‘Aduŋ ite Betilehemu, Yahuuda bankoo kaŋ, kana a miira ko, ite le dooyaata Yahuuda mansa maralilaalu kono. Kaatu maralilaa be bo la ite kono le, meŋ be n na moolu kanta la, Banisirayilankoolu.’ ”

Ruti 1:2

Ñiŋ kewo too mu Elimeleki le ti, a la musoo too mu Nawomi le ti, aniŋ a dinkee fuloo fanaa toolu mu Maaloni aniŋ Kiliyoni le ti. Efurata* kaabiila moolu le mu, Betilehemu saatewo to Yahuuda bankoo kaŋ. Bituŋ ì taata Mowabi bankoo kaŋ ka tara jee.

Ruti 4:17

Musoolu mennu be jee kumata ko, “Nawomi ye dinkewo soto.” Bituŋ ì ye a toolaa Obedi la. Ate le ye Yese wuluu, Dawuda faamaa.

Ruti 4:22

Obedi le ye Yese wuluu, bituŋ Yese naata Dawuda wuluu.

1 Samuweli 1:1

Kewo doo le mu, a bota Ramatayimu le, Sufu koomalankoo le mu, aduŋ a bota Efurayimu* konkotundoo* le kaŋ. A too mu Elikana le ti. A mu Yerohamu dinkewo le ti, Yerohamu Elihu dinkewo, Elihu Tohu dinkewo, Tohu Sufu dinkewo, Efurayimu bonsuŋo.

1 Samuweli 16:1

Yaawe* ko Samuweli ye ko, “I be tu la i miira la Sawulu la kuwo la fo waati jumaa le? Ŋa a bondi Banisirayilankoolu la mansayaa to le. Bari saayiŋ tuloo fandi i la binoo kono, i ye taa Betilehemu. Taa kewo yaa jee, meŋ too mu Yese ti, kaatu a dinkewolu kono, ŋa moo kiliŋ ne tomboŋ, ka a ke mansa ti.”

1 Samuweli 16:18

A la dookuulaa kiliŋ ye a jaabi ko, “Ŋa Yese dinkewo je le, meŋ be Betilehemu. Wo ye a loŋ ne, ì ka kontiŋo kosi ñaameŋ. Kee fatiŋo le mu, aduŋ kelelaa le fanaa mu. A ye diyaamoo noo baake le, kee ñiimaa le mu a ti. Aduŋ Yaawe be a fee le.”

1 Samuweli 17:11

Kabiriŋ Sawulu niŋ Banisirayilankoolu bee ye ñiŋ kumoolu moyi, ì bee kijoo farata, aduŋ ì silata baake le.

1 Samuweli 17:58

Sawulu ye a ñininkaa ko, “Fondinkewo, jumaa le dinkewo mu ite ti?” Dawuda ko, “Nte mu Yese dinkewo le ti, i la dookuulaa, meŋ be Betilehemu.”