1 Samuweli 15:24 - Mandinka Bible

²⁴ Sawulu ye a jaabi ko, “Tooñaa, ŋa junuboo ke le. M maŋ Yaawe la yaamaroo muta aniŋ i ko n si meŋ taamandi. N silata n na kewolu le la, bituŋ ì lafita meŋ na, ŋa wo ke ì ye.

1 Samuweli 15:24 Mawu Ofanana

1 Musa 3:12

Adama ko a ye ko, “Musoo, i ye meŋ dii n na, n niŋ a ye tara ñoo kaŋ, wo le ye yiridiŋo ñiŋ dii n na. Bituŋ m fanaa ye a domo.”

1 Musa 3:17

A ko Adama ye ko, “I bulata i la musoo la kumakaŋo le nooma, i ye yiroo diŋo domo, ŋa meŋ domoo haraamuyandi i ma. Ñiŋ kuwo kamma la, i ye meŋ ke teŋ, m be dankoo le laa la bankoo kaŋ. Ŋaniŋolu niŋ ñaamoolu be faliŋ na a kaŋ, aduŋ i be dookuwo ke la le kendeke i la baluwo bee kono, ka i baluu a munafaŋo la.

2 Samuweli 12:13

Wo to le Dawuda ko Natani ye ko, “Ŋa junube kuwo le ke Yaawe la.” Natani ye a jaabi ko, “Yaawe ye i la junuboo kafari le. I maŋ taa faa la.

Yuuba 31:34

N nene maŋ sila hadamadiŋo fokumoo la, sako a la jutoo n na, ka tara bitiriŋ buŋo kono ka tu deyiriŋ.

Jabuuroolu 51:4

Ŋa junube kuwo ke ite doroŋ ne la, aduŋ ŋa kuu le ke meŋ jawuyaata i ñaa koto. Wo kamma la i boloota le ka kiitiyo laa n kaŋ, aduŋ i la kiitiyo maŋ sootaari soto.

2 Musa 10:16

Firawoona tariyaatoo ye Musa niŋ Haaruna kumandi, a ko, “Ŋa junube kuwo le ke Yaawe ali la Alla la, aniŋ alitolu faŋolu.

2 Musa 23:2

Ali kana bula kafoo nooma, niŋ ì ye kuu jawoo ke, waraŋ niŋ ì ka kuma fo, meŋ ka luwaa tiñaa.

2 Musa 9:27

Wo to le Firawoona ye Musa niŋ Haaruna kumandi, a ko ì ye ko, “Ñiŋ siloo ŋa junuboo le ke. Tiliŋo be Yaawe la karoo le la, aduŋ nte niŋ n na moolu le be sila kuruŋo kaŋ.

Kuma Kotoomaalu 29:25

Ka sila moo la si moo duŋ noo kuu kono le, bari moo-wo-moo laata Yaawe la, wo ka tara tankoo le kono.

Yeremiya 38:5

Mansa Sedekiya ye ì jaabi ko, “A fele, a be ali bulu. Nte te kuu noo la ali ma wo kuwo to.”

4 Musa 22:34

Balaamu ko Yaawe la malaayikoo ye ko, “Ŋa junube kuwo le ke. M maŋ a loŋ ko ite le be looriŋ siloo kaŋ ka n ñaato kuntu. Saayiŋ niŋ n na taa maŋ diyaa i ye, m be muru la le.”

Matiyu 27:4

A ko ì ye ko, “Ŋa junuboo le ke ka moo jamfaa, meŋ maŋ kuu jawu ke, sako ka a faa.” Bari ì ko a ye ko, “Ntolu la muŋ ne be wo to? Wo mu i la haajoo le ti.”

Kalatiyankoolu 1:10

Saayiŋ, fo nte ka hadamadiŋolu la soŋo le ñini baŋ, fo Alla taa? Fo n ka kata le ka moolu seewondi baŋ? Niŋ n ka tu moolu la seewoo le ñini la, wo to n te ke noo la Kiristu la dookuulaa ti.

Lankenemoo 21:8

Bari jooteentuŋolu, lannabaloolu, moo kosoriŋolu, moofaalaalu, laañooyaa tulunnaalu, batuutaatiyolu, jalambatulaalu aniŋ faniyaa folaalu, wolu bee be ì niyo soto la wo daloo kono le, meŋ ka jani dimbaa niŋ solifa munkoo* la. Wo le mu saayaa fulanjaŋo ti.”

1 Samuweli 15:15

Sawulu ye a jaabi ko, “N na kewolu le ye ì taa Amalekinkoolu bulu. Ì ye ninsoolu niŋ saajii kendoolu maabo le ka ì ke Yaawe i la Alla ye sadaa* ti. Bari toolu mennu tuta jee, ŋa ì kasaara le ko Yaawe ye a fo ñaameŋ.”

1 Samuweli 15:30

Wo to le Sawulu ko, “Ŋa junuboo ke le, bari hani wo, buuñaa yitandi n na alifaalu ñaa la aniŋ Banisirayila, i niŋ ŋa taa ñoo la, fo n si Yaawe, i la Alla batu.”

1 Samuweli 15:9

Bari Sawulu niŋ a la kelediŋolu maŋ Akaki niŋ a la beeyaŋ kendoolu, mennu be ko saajiyolu, ninsoolu, ninsiriŋ nunkuriŋolu, aniŋ saajiiriŋolu faa, aduŋ feŋ-wo-feŋ meŋ beteyaata, ì maŋ wo tiñaa. Bari feŋolu mennu maŋ beteyaa, aduŋ ì maŋ nafaa soto, ì ye wolu le kasaara.

1 Samuweli 2:29

Muŋ ne ye a tinna, ali jututa n na ñiŋ beeyaŋ sadaalu la aniŋ n na sadaa koteŋolu, ŋa mennu yaamari ka a samba naŋ n na dulaa to? Muŋ ne ye a tinna, i ye i dinkewolu horoma ka tambi nte la, ka ali faŋolu nunkundi beeyaŋolu dulaa betoo la, n na moolu Banisirayilankoolu ye mennu bondi sadaa ti?

1 Samuweli 26:21

Wo to le Sawulu ko, “Ŋa junuboo le ke. N dinkewo Dawuda, muruŋ naŋ. Kaatu bii i ye n niyo tankandi le, n te kuu kuruŋo ke la i la kotenke. Tooñaa-tooñaa ŋa kuntaŋyaa maañaa le ke, aduŋ a keta m bulu kuu jawu baa le ti.”