1 Samuweli 15:15 - Mandinka Bible

¹⁵ Sawulu ye a jaabi ko, “N na kewolu le ye ì taa Amalekinkoolu bulu. Ì ye ninsoolu niŋ saajii kendoolu maabo le ka ì ke Yaawe i la Alla ye sadaa* ti. Bari toolu mennu tuta jee, ŋa ì kasaara le ko Yaawe ye a fo ñaameŋ.”

1 Samuweli 15:15 Mawu Ofanana

Yuuba 31:33

M maŋ n na junube kuu maabo, ko hadamadiŋolu dalita a la ñaameŋ, sako n si n na boyoo maabo kulloo kono.

Kuma Kotoomaalu 28:13

Moo meŋ ka a la junube kuwo maabo, te ñaatotaa soto la, bari moo-wo-moo sonta a la junuboo la, a ye a koo dii a la, a be yamfoo soto la le.

Matiyu 2:8

Aduŋ a ye ì kii ka taa Betilehemu, a ko ì ye ko, “Ali taa, dindiŋo ñini kendeke, aduŋ niŋ ali ye a je, ali si naa a fo n ye, fo m fanaa si taa ka a batu.”

Luka 10:29

Bari a lafita a faŋo la tiliŋo le yitandi la Yeesu la, a ko a ye ko, “Jumaa le mu n siiñoo ti?”

1 Samuweli 15:16

Samuweli ko Sawulu ye ko, “I deyi, ŋa a fo i ye, Yaawe ye meŋ fo n ye ñiŋ suuto tambilaa.” Sawulu ko Samuweli ye ko, “A fo n ye.”

1 Samuweli 15:21

Bari n na kewolu ye ninsoolu niŋ saajii kendoolu mennu muta, ì maŋ ì faa. Ì ye ì samba naŋ Kilikali jaŋ ne, ka ì ke Yaawe, i la Alla ye sadaa ti.”

1 Samuweli 15:9

Bari Sawulu niŋ a la kelediŋolu maŋ Akaki niŋ a la beeyaŋ kendoolu, mennu be ko saajiyolu, ninsoolu, ninsiriŋ nunkuriŋolu, aniŋ saajiiriŋolu faa, aduŋ feŋ-wo-feŋ meŋ beteyaata, ì maŋ wo tiñaa. Bari feŋolu mennu maŋ beteyaa, aduŋ ì maŋ nafaa soto, ì ye wolu le kasaara.