1 Samuweli 14:5 - Mandinka Bible

⁵ Bere konkoo doo tarata maraa karoo la, a ye a ñaa tiliŋ Mikimasi la. Doo wo tarata bulubaa karoo le la, a ye a ñaa tiliŋ Keba la.

1 Samuweli 14:5 Mawu Ofanana

1 Taarika 3:6

A naata diŋ kononto koteŋ soto, Ibuha, Elisuwa, Elipeleti, Noka, Nefeki, Yafiya, Elisama, Eliyada aniŋ Elifeleti.

Yesaya 10:28

Asiriya kelediŋ kafoolu dunta Ayati, ì tambita Mikironi la, ì ye ì la jooraŋ doolu maabo Mikimasi.

Yesaya 10:29

Ì tambita niŋ siloo la meŋ ka taa konkoolu teema, ì ko, “Bii suutoo m̀ be daakaa loo la Keba le.” Ramankoolu jarajarata, Kibeya moolu borita, Sawulu la saatewo.

1 Samuweli 13:11

Samuweli ye a ñininkaa ko, “Ite ye muŋ ne ke teŋ?” Sawulu ye a jaabi ko, “Kabiriŋ ŋa a je ko, kewolu mennu be m fee ka janjaŋ ne, aduŋ i ye waatoo meŋ fo, i maŋ naa wo la, wo koolaa fanaa Filisitinkoolu bee benta Mikimasi le,

1 Samuweli 13:2

Sawulu ye kee wuli saba le tomboŋ Banisirayila kono. A ye kee wuli fula le tu a faŋo bulu Mikimasi aniŋ Beteli konkotundoo* kaŋ. A ye kee wuli kiliŋo niŋ a dinkewo Yonatani le bula, ì taata Kibeya, Benjamini bankoo kaŋ. Kewolu mennu tuta jee, a ye ì bula le, ì seyita ì la suwolu kono.

1 Samuweli 13:23

Filisitinkoolu ye kelediŋ kafoo le kii ka taa Mikimasi maafaŋo la, ka siloo kanta, meŋ ka taa konkoolu teema.

1 Samuweli 13:3

Yonatani niŋ a la moolu ye Filisitinkoolu la daakaa meŋ be Keba boyinkaŋ ne, aduŋ Filisitinkoolu bee ye a kuwo kalamuta le. Bituŋ Sawulu ye kiilaalu kii ka Hiburunkoolu* kumandi keloo la. Ì ye saakotoŋ binoo* le fee bankoo bee kaŋ.

1 Samuweli 14:31

Wo luŋo Banisirayilankoolu ye Filisitinkoolu noo keloo la le. Ì ye ì kelendi le ka bo Mikimasi fo Ayaloni. Bari wo waatoo konkoo ye Banisirayilankoolu lamfundi baake le.

1 Samuweli 14:4

Mikimasi siloo, meŋ ka taa konkoolu teema, Yonatani ñanta tambi la niŋ daameŋ na ka taa Filisitinkoolu la daakaa to, bere konko fula le tarata jee, doo be konko siloo kara doo la, doo be kara doo la. Kiliŋ doo too mu Bosesi le ti, doo, wo too mu Sene le ti.

1 Samuweli 14:6

Yonatani ko fondinkewo meŋ ye a la kelejooraŋolu samba ye ko, “Ŋà taa wo Filisitinka sunnabaloolu la daakaa to. A si ke Yaawe ye m̀ maakoyi. Feŋ te jee meŋ si a tinna, Yaawe te ǹ tanka la, fo ntolu siyaata waraŋ m̀ maŋ siyaa.”