1 Samuweli 13:7 - Mandinka Bible

⁷ Doolu teyita niŋ Yoridani Boloŋo le la, ka duŋ Kadu niŋ Kileyadi bankoo kaŋ. Sawulu be nuŋ Kilikali le, aduŋ moolu mennu be nuŋ a fee silata le fo ì ka jarajara.

1 Samuweli 13:7 Mawu Ofanana

3 Musa 26:17

M be ali kiitindi la le. Ali jawoolu be kali ali busa la le, ka ali noo. Moolu mennu ye ali koŋ, wolu le be ali mara la. Ali be kali bori la le, hani niŋ moo maŋ tara ali bayindi kaŋ.

5 Musa 20:8

Aduŋ ñaatonkoolu si tenteŋ ka a fo moolu ye ko, “Niŋ moo be ali kono meŋ jusoo maŋ a beŋ waraŋ a silata, wo maarii fanaa si muru noo suwo kono le. Kaatu niŋ wo nte, a be naa doolu fanaa kijoo farandi la le.”

5 Musa 28:25

Yaawe be a ke la le ali jawoolu ye ali noo. Ali be naa la ì kaŋ sila kiliŋ ne la, bari ali boritoo be janjaŋ na le. Ali la kuwo si ke duniyaa mansamarali bankoolu bee ye masilaŋo ti.

5 Musa 3:12

Kabiriŋ ŋà ñiŋ bankoo taa waati meŋ na, ŋa doo talaa Rubeni lasiloo niŋ Kadu lasiloo moolu le teema, ka bo Aroweri saatewo to meŋ be Arinoni Wulumbaŋo dandaŋo la ka taa konkotundoo* talantewo meŋ be Kileyadi tundoo kaŋ aniŋ a saatewolu.

Yosuwa 13:11

Kileyadi fanaa be ate le kono, Kesuri aniŋ Maakatinkoolu la tundoo, Herimoni Konkoo bee, aniŋ Basani bee, ka taa fo Saleka,

Yosuwa 13:8

Manase talanteema doo, Rubeni lasili moolu aniŋ Kadu lasili moolu, wolu ye ì la keetaafeŋo soto le, Musa ye meŋ dii ì la Yoridani tilibo karoo la. Ate, Yaawe la dookuulaa faŋo le ye a ke wo ñaama.

Kiitindirilaalu 7:3

A kankulaa ñiŋ moolu ye ko, ‘Niŋ moo-wo-moo maŋ haañi, aduŋ a be silariŋ, a si Kileyadi Konkoo bula, a ye seyi suwo kono.’ ” Wo le to, kee wuli muwaŋ niŋ fula seyita suwo kono. Bituŋ a tuta moo wuli taŋ.

1 Samuweli 13:8

A ye i batu le fo tili woorowula, wo le mu waatoo ti, Samuweli ye meŋ dii a la. Bari ñiŋ waatoo siita le, Samuweli maŋ naa Kilikali, aduŋ Sawulu la kewolu ye a dati ka janjaŋ.

1 Samuweli 17:11

Kabiriŋ Sawulu niŋ Banisirayilankoolu bee ye ñiŋ kumoolu moyi, ì bee kijoo farata, aduŋ ì silata baake le.

1 Samuweli 31:7

Kabiriŋ Banisirayilankoolu mennu be wulumbaŋo kara doo la aniŋ mennu be Yoridani Boloŋo kankuŋ doo la ye a je ko, Banisirayilankoolu la kelediŋ kafoolu borita le, aduŋ Sawulu niŋ a dinkewolu faata le, ì wudaayita ì la saatewolu to, ì borita.